الاثنين، سبتمبر 12، 2011

بيجيبوا سيرتـــــــــــــــــــك




بيجيبوا سيرتك
واقول الله عليك الله
يامحلا الكلام عنك ياقلبى يا محلاه
ويسألونى عنك ياغالى
واغمض عنيا عليك ياعنيا
واقول فى بالى
ده نبض روحى واغلى عندى من كل غالى
والله دايبه دايبه فى هواه
الله عليك عليك الله
يامحلا الكلام عنك ياقلبى يامحلاه
بيجبوا سيرتك
واشوف الدنيا بعنيك ورديه ورديه
ونسمه رقيقه معديه تهمس ليا
بهمسه منك ياغالى وادوب حنيه
واخدك فى حضنى
واغمض عنيا عليك ياعنيا
واقول والله مالى سواه
الله عليك عليك الله
يامحلا الكلام عنك ياقلبى يامحلاه
بيجيبوا سيرتك
وياما قالوا عنك كلام كتير
قاسى اووى عنيد اوووووى وقلبه كبير
وافرح اوووووى واخاف عليك منهم واغير
وادعى فى سرى الله يسعده ويصونوا ويرعاه
ده حبيب عنيا وروحى فداه
الله عليك عليك الله
يامحلا الكلام عنك ياقلبى يامحلاه
بيجيبوا سيرتك
ومهما ادارى شوقى ونارى
بيبان عليا فى لمسة ايديا
فى نظرة عنيا ليلى ونهارى حبك ياغالى
وان قلت كلمه بيفضحنى صوتى
حتى فى سكوتى بصرخ بهواه
الله عليك عليك الله
يامحلا الكلام عنك ياقلبى يامحلاه

تحياتى
----------------------------------
كتبتها اليوم وحين حاولت ان اجد اغنيه مناسبه
تعبر عنها وجدت بتيجى سرتك
عايزة تصفيق حاد
اى خدمه يا بشمهندس فاروق 


قمت بالتعديل كما اشرت


اشكرك جدا ابن النيل


34 التعليقات:

( حياتى ) يقول...

ومهما ادارى شوقى ونارى
بيبان عليا فى لمسة ايديا
فى نظرة عنيا ليلى ونهارى حبك ياغالى
وان قلت كلمه بيفضحنى صوتى
حتى فى سكوتى بصرخ بهواه
الله عليك عليك الله

=============
كلمات فوق الرائعة
اكيد اللى يحب يبان عليه
قمة الرومانسية
فى انتظار جديدك
فى امان الله
======
زهرة

جايدا العزيزي يقول...

حياتى

صباحك جورى زهرة حبيبتى

هل غيرت اكونت الحساب سوف ارى

الرومنسيه هى انت ومنك غاليتى

كم يسعدنى تواجداك الدائم لانه يمنحنى القوة على الاستمرار

ويعطر متصفحى

اشكرك غاليتى جدا

تحياتى

محمود عسكر يقول...

جميلة قوي وسلسة
هم المطربين تايهين عنك فين؟
لك تحياتي

جايدا العزيزي يقول...

محمود عسكر

مرورك وتواصلك هو الاجمل اخى

تقدر تقول هما مش تايهين

انا اللى مختفيه منهم شويه

وعموما فيه اغنيه هتنزل ليا السنادى اسمها حلم السنين

تقدر تقول انى فى حاله ملل

ويهمنى فقط مدونتى

اشكرك جدا

تحياتى

eng_semsem يقول...

فينك يا جايدا بقالك فتره مش طلعتي بالحاجات الحلوه ده وكانك كنت مخاصمانا
تحياتي

جايدا العزيزي يقول...

انا موجوده دايما معاكم اسامه

حالة ملل صحبتها سحابة صيف وعدت على خير الحمدالله

انشالله ساكون دائما معكم اخى

اشكرك جدا

تحياتى

Ramy يقول...

(:

مش عارف

بس صدقينى مش كلام و بس عندك موهبة حقيقية

تسلم ايدك

(:

sabry abo-omar يقول...

ايدى وجعتنى من التصفيق .. حقيقى روعة فى المعانى والكلام.. مدونتك مكان راقى للرومانسية والسعادة.. هاتلاقينا عندك كتير

جايدا العزيزي يقول...

رامى

الف حمدالله على سلامتك

المدونه افتقدتك اخى

اشكرك اخى جدا

رائيك اعتز به ويذدنى تواضع وفخر بانى فقط مصريه

تحياتى

جايدا العزيزي يقول...

sabry abo-omar
الف سلامه علي ايدك من الوجع اخى

مش عشان قولت تصفيق يبقى تسمع كلامى

المرة الجايه اضحك عليا وانا عالطول هصدقك

شكرا اخى على ثنائك جدا

بل مدونتك هى الارقى فكرا

ادام الله الود

تحياتى

سواح في ملك اللــــــــــــــــــه- يقول...

جميلة ياجايدا

ابدعتي

اله ينور عيكي

جايدا العزيزي يقول...

سواح فى ملك اللــــــــــه

اشكرك جدا اخى

بارك الله فيك

وعليك

تحياتى

yasmina يقول...

هاااااااااى ازيك ؟

يارب تكونى بخير دايما

جميل بوست انهاردة واغنية رائعة بجد

تحياتى

Miss LoZa يقول...

حححححح
اموت انا فالرومانسية
ههههههههههههههههه

ريــــمــــاس يقول...

مساء الغاردينيا جايدا
كم هو رائع مسائي بين حرفك وبين الأغنية
أتعلمين دائماً أشعر بكلماتك ذات حس موسيقي
حين أقرأ لكِ أحب القراءة بصوت مسموع لأستمتع أكثر "
؛؛
؛
لروحك عبق الغاردينيا
كانت هنا
reemaas

Noha Saleh يقول...

جايدا اخبارك ايه

عجبنى الجزء دا جدا

واشوف الدنيا بعنيك ورديه ورديه
ونسمه رقيقه معديه تهمس ليا
بهمسه منك ياغالى وادوب حنيه

دومتى بود ياقمر

sony2000 يقول...

يجااااامد ياخيطير انتا:)

أحمد زاهر يقول...

الله عليكى الله
بجد روعه

خواطري مع الحياة يقول...

يالله كلام واحساس ومشاعر رووووووووعة
والله مش عارفة ايش اقول عنها
اخديني لعالم تاااااااااااااااني
الله عليك الله

ع فكرة تنفع اغنيه ^_^

reemaas يقول...

:)

ده الانطباع الاول والاخير مع بدايه قرايتى للتدوينة ياعايدة

zizi يقول...

جايدا العزيزة ..بجد بجد كلمات رقيقة وسهلة وكلها حب وتمشي مع الحبيب والإبن عشان اللي زي حالاتي دلوقتي كلام زي كدة بأقوله على طول لإبني ..يعني باتصرف برضه ..رائعة يا جايدا وعلى فكرةتمشي معاها برضه اغنية لطيفة "لم يجيبوا سيرتك يحلو الكلام "تحياتي وامتناني

وجع البنفسج يقول...

جميلة يا جايدا ..

وعلى فكرة في أغنية قديمة لـ لطيفة التونسية بتهيألي اسمها .. " لما يجيبوا سيرتك بيحلوا الكلام .. اتنهدي في سري واهديك السلام " حاجة زي كده يعني ..

""

دمتي بخير وطاب مساؤك .

غير معرف يقول...

عايدة ......
أخيرا بعد عدة أيام توصلت للتعليق " غير معرف "
الله الله على الموسيقى بدون ماترسليها لمطرب فهى قد غنيت........
صححى كلمة " سرتك لتكون " سيرتك " وكمان كلمة "الله يسغده " إلى " الله يسعده" هوه إنتى عايزاه ياخد زغدة من ربنا تقضى عليه شكرا لكى .
المهندس/ فاروق سحير ( الشاعر / فاروق بن النيل )

الحــب الجميـــل يقول...

جميـــــــــــــــــله جداااااااااااا يا جودى

mena يقول...

جميلة جدا وبجد روعه هتبقى سونجايه مكسره الدنيا بس انا اللى اغنيها طبعا انا صوتى ولا الكروان وفيروز وام كلثوم جمبى يركنو على الرف زى ما انتى عارفه والمنتجين بيتحيلو عليه محيله انهم ينزلولى البومات بس النفس بقى انتى عارفه ههههههههه

وحشانى موووووووووووووووت والله

haneen nidal يقول...

صباح الرومنسية

يا بختوا الي بيصحى على الكلام دا ^__^

ما شاء الله و لا حولة و لا قوة الا بالله ابداع رهيب ^_^

أشرف محيي الدين يقول...

يا سلام على روعة كلماتك يا جايدا :)

صدقا لديك أسوب رائع في صياغة أشعار غنائية وبطريقة مدهشة حقا ... وبالطبع فإن هذا لايقلل أبدا من قيمة ووزن معاني كلماتك ودفئها ورومانسيتها :)

أعجبني جدا هذا المقطع : (( وان قلت كلمه بيفضحنى صوتى
حتى فى سكوتى بصرخ بهواه )) .

جميلة جدا يا جايدا :) ... لك مني كل الود

فشكووول يقول...

السلام عليكم
والله عسل .. لا مؤاخذه يعنى
وافتكرت بقى ام كلثوم فى اغانيها القديمه عشان الكلمات كلها رومانسيه وحالمه ..
خصوصا بقى لما تغنى بعض من كلماتها الاموره السكوره العسوله الجموله الشربتاتاه " وقولى بقى كل اللى انت عايزاه" اصلها نانسى عجرم بقى ..
تحياتى

زينة زيدان يقول...

كلمات غنائية جميلة

خفية على الروح

قريبة من القلب

تجعل في نفوسنا جانبا عميقا للحب

تحيتي

Ms Venus يقول...

جميلة ورقيقة زيك يا جايدا

بحب رومانسيتك اوى

غير معرف يقول...

عايدا ..........................................دى خامس مرة أكتب تعليق وماينزلش
غيرى كلمة" سرتك " وإكتبيها " سيـــرتك " وإلا حتتقرى كجزء من جسم الإنسان عن بطنه
كمان " اله يسغده" غيريها " الله يسعده" إلا إذا كنتى قاصدة تدعى علية ياخد " زغد " يقضى عليه
مهندس / فاروق سحير( الشاعر فاروق بن النيل )

جايدا العزيزي يقول...

حاضر استاذى سيتم التعديل حالا اشكرك جدا

ومعلش تعبتك معايا

انا قريت التعليق الاول بس فعلا كان عندى ضيوف

حاضر

تحياتى

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

أضف تعليق

تصميم وتطوير - مدونة الاحرار - 2011.