الخميس، سبتمبر 15، 2011

مش هستسلم







مش هستسلم مهما اتألم مش هستسلم
كل جرح اكيد بيعلم
كل ما انسى بيك هيفكرنى
كل ما تقسا او تهجرنى
مهما اتألم مش هستسلم
مش هستسلم
عارفه انك بتحن ليا
وغاليه عليك يانور عنيا
اصلى فهماك ياحب عمرى وحته منى
وبترجاك قبل ما تبعد بس اسمعنى وياريت تفهمنى
انا طول عمرى بستناك و ليل ونهار بلقاك بحلم
مش هستسلم مهما اتألم مش هستسلم
كام مره هنقابل ياحبيبى حب حقيقى
ده احنا ما صدقنا
خدنا ايه من الناس وكلامهم
خلينا ندوب فى بحر اشواقنا
قبل ماتاخد اى قرار فكر فيا
ده انا بموت لو مر يوم عليا
من غير ما تسلم
مش هستسلم مهما اتألم مش هستسلم
كل جرح اكيد بيعلم
كل ما انسى بيك هيفكرنى
كل ما تقسى او تهجرنى
مهما اتألم مش هستسلم
مش هستسلم


تحياتى


اولا انا اسفه جدا على تقصيرى مدوناتكم او الرد على التعليقات كان عندى ضيوف من البلد


ثانيا بدخل لوحه التحكم لقيت شكل جديد هههههههه




40 التعليقات:

( حياتى ) يقول...

ده انا بموت لو مر يوم عليا
من غير ما تسلم
مش هستسلم مهما اتألم مش هستسلم
كل جرح اكيد بيعلم
كل ما انسى بيك هيفكرنى
كل ما تقسى او تهجرنى
مهما اتألم مش هستسلم
=========================
صباح منور بعود الريحان

كلمات ولا اروع
تسلمين
تحياتى:زهرة

haneen nidal يقول...

يا مساء الرومنسية // يا بختو الي بيتقلوا الكلام الجميل دا ^_^

اسعدني المساء هنا ^_-

Miss LoZa يقول...

حلو اوى اوى يا جايدا :)
ركزى فالرومانسى ده على طووووول
ههههههههههههههه

سواح في ملك اللــــــــــــــــــه- يقول...

ايه ياستيس الابداع اللي طالع منك اليومين دول

لا دانتي الفترة اللي كنتي غايبة فيها

خسرنا كتير اوي

روعة ياجايدا

تحيتي

AHMED SAMIR يقول...

واضح كدة ان الضيوف كانوا عندك بقالهم كتير جدا
من زمان لم نستمتع بتعليقاتك القيمة
تحياتي

iـــــــــــsــــــــــlــــــــــــaـــــــــm يقول...

الكلام ملحن نفسه يا جايدا

الله عليكى بالتوفيق دايما

جايدا العزيزي يقول...

حياتى

وعليك يا زهرة

مساءك بلون قلبك غاليتى

اشكرك على التواصل رغم تقصيرى

تحياتى

جايدا العزيزي يقول...

haneen nidal
مساء الاحساس على القمر

اشكرك غاليتى

ودائما يسعدنى تواجدك رغم تقصيرى

تحياتى

جايدا العزيزي يقول...

Miss LoZa

انت الاحلى قلبى

من عيونى

بس ياختى كده شويه وكده شويه

ماهو فيه ناس بردوا بتحب الحزن والاكتئاب

وانا اجدع واحده فى ده

شكرا ياقلبى

تحياتى

جايدا العزيزي يقول...

سواح فى ملك اللـــــــه

ايه رائيك كويس واخد بالك

بس طبعا مش اكتر من ابداعك

ربنا يبارك فيك ويسعدك

تحياتى

جايدا العزيزي يقول...

AHMED SAMIr


ههههههههه

هو انا اقدر

تمت الزيارة قبل التعليق

ايه رائيك بقا

اشكرك جدا

تحياتى

جايدا العزيزي يقول...

iـــــــــــsــــــــــlــــــــــــaـــــــــm

شفت بقا قلت اوفر عليكوا التعب

اشكرك اخى على التواصل

مرورك اسعدنى

تحياتى

yasmina يقول...

هااااااى ازيك حبيبتى ؟

يارب تكونى بخير

بجد البوست حلو جدااااا
والاسلوب كل ما بيكون بسيط كدة بيبقى احلى كتييييييير
بجد رااااائع اوى
وحسيته كمان

تحياتى ليكى حبيبتى

sabry abo-omar يقول...

حلوة فعلا ..بس انتى كدة شايفاه سلبى وانتى اللى مش هاتستسلمى وتحبى وتحنى وتتألمى.. كدة هايعمل اى حاجة وهو مطمن..هههههههههه تقبلى مرورى واعجابى

غير معرف يقول...

عايدا..............
حلوة أوى ......... سلسة جدا ...... طبيعية .... جريئة ... عميقة ....واضحة ..... صريحة لجد الجنون...
متألقة بدون تكلف ..........
المهندس/ فاروق سحير ( الشاعر / فاروق بن النيل )

جايدا العزيزي يقول...

باسمينا

الله يسلمك ياقلبى

الحمد الله حبيبتى

وجودك هو الجميل غاليتى

اشكرك جدا على تواصلك

تحياتى

جايدا العزيزي يقول...

sabry abo-omar
مرورك هو الاحلى اخى

تصدق معاك حق

لسه واخده بالى من وجهه نظرك

هراجع القرار

شكرا جدا لتواجدك الدائم

تحياتى

جايدا العزيزي يقول...

المهندس فاروق

كل ده يابن النيل

الحمدالله انها المره دى من غير اخطاء املائيه

انا عارفه ان كان فيه بعض الاخطاء وده كنت بتعمده دائما

لان اغلب مشاركاتى تنقل باسماء اخرى على المنتديات

واخطائى هى الدليل على انها ملكى انا

ورغم ذلك قمت بالتصحيح كما امر

سعيده جدا لانى اليوم شعرت ان هناك من يهمه ان تخرج حروفى فى اجمل صورة

كتير بحس انك اخويا الكبير بجد

رغم انى اكبر اخواتى

ورغم انى عنديه ومش بسمع كلام حد

لكنى سمعت الكلام وقمت بالتعديل

كما امرت

اشكرك واقدر لك مجهودك فى نمحاولة الفات نظرى

حفظك الله دائما وبارك فيك

تحياتى

زينة زيدان يقول...

مساء الحب والشاعرية

طالما ان الشوق تملك بك إلى هذا الحد
فلا مكان للاستسلام ..
كلام لطيف .. جميل .. على الروح خفيف
ويوقظ الحب .. ويجعل للهوى أمام ناظريك طيف..

نور القمر يقول...

مساء الخير ..
بجد كلام رائع اكيد من شخص اروع ..
بالتوفيق لك ..
مع تحياتى نور ..
اتمنى ان تشرفني فى مدونتي ..
http://noursaalqamar.blogspot.com/

reemaas يقول...

مش هستسلم مهما اتألم مش هستسلم
كام مره هنقابل ياحبيبى حب حقيقى
ده احنا ما صدقنا

حساها طالعه من القلب اوى

غير معرف يقول...

أحيانا يكون الاستسلام قوة وليس ضعف

تحياتى دوما

الأزهرى

mena يقول...

بجد تحفه يا جودى

ويسلم اقلمك بس

بجد ده العادى

بتاعك واحنا متعودين

على الابداعات الجميله

دى وحشانى جدا ويارب

تكونى بخير سلامى

للاستاذ حسن والاولاد

Ms Venus يقول...

جميل الاصرار فى انجاح الحب بس الاجمل انه يكون من الطرفين

جميلة يا جايدا

وردة لعيونك

amiralcafe يقول...

لا الاستسلام بل لاصرار وبعون الرب سوف يكون معنا
رؤوف

مصطفى سيف يقول...

ايوة اوعي تستسلمي
قوليلي بقى فيه فطير مشلتت من البلد ولا مش ناوية تعزمينا ؟
ههههههههه

فشكووول يقول...

السلام عليكم
تحياتى
فى اول جلسة محاكمه لما دخل راقد على السرير حاولت اتعاطف معاه .. لكن قلبى اتقفل خالص بالنسبه له .. فى المره التاتنيه .. برضه ما نفعش .. المهم ماقدرتش اتعاطف معاه خالص وهو كمان بتمثيله فشل فى ان اتعاطف معاه ولما الواحد يسترجع اللى عمله واللى انا نسيت اكتبه فى البوست زى حريق القطار وموت اكتر من 350 واحد وكمان اصطدام القطار عند قها و60 واحد ومحرقة قصر ثقافة بنى سويف ولما اتقدم وزير الثقافه اللى هو كان قريب مراتب باستقالته رفضها وتحدى الشعب كله .. باختصار يا جايدا هانم ما قدرتش اتعاطف معاه بل ان تمثيله على السرير خلانى اتشدد ضده
تحياتى

جايدا العزيزي يقول...

زينه زيدان

اجل غاليتى لن يفيد الاستسلام الان

بل الاصرار هو الافضل غاليتى

صباحك معطر بزكر الله جمعه مباركه

تحياتى

جايدا العزيزي يقول...

نور القمر

مساءك جورى غاليتى

ووجودك بين اوراقى هو الرائع

حاضر من عنيا حبيبتى ستتم الزياره

اشكرك جدا

تحياتى

جايدا العزيزي يقول...

reemaas

فعلا حبيبتى كل كلمه بكتبها بتبقى من القلب

وعشان كده بتوصلكم بسرعه

شكرا جدا حبيبتى

كم يسعدنى تواجدك

تحياتى

جايدا العزيزي يقول...

الازهرى

وجه نظر احترمها جدا

اصبت

شكرا على تواجدك اخى

تحياتى

جايدا العزيزي يقول...

منه

اولا انت اللى وحشانى اوووووووى

ونفسى اقفشك مرة على الفيس

انت عارفه ان ميلى اخترق

ومش قادرة اوصلك

بس دايما فى قلبى ومعايا

وشكرا على الثناء غاليتى

انه ما يمنحنى القوة على الاستمرار

تحياتى

جايدا العزيزي يقول...

فينوس

صباحك جورى غاليتى

اولا افتقدتك جدا

ثانيا جبتى الخلاصه

احيانا اشعر بانك فيلسوفه عظيمه

شكرا على اسعادى باطلالتك

تحياتى

جايدا العزيزي يقول...

amiralcafe

بأذن الله اخى

دائما ما يشملنى كرمك

ودائما ما تسعدنى زيارتك

اشكرك جدا

تحياتى

جايدا العزيزي يقول...

مصطفى سيف

حاضر يادرش مش هستسلم

تصدق رديت على كل التعليقات بس عشان اقولك

اها الفطير المشلتت موجود

ورقاق وقشطه وبط وسمك

وجبنه قريش ومش ههههههههههه

ده حتى جابوا بطاطا بشويها دلوقتى

حتى الدرة المشوى ما نسيهوش هههههههه

اتفضل معانا

ياريت ما تطولش الغيبه تانى

والف حمدالله على سلامتك اخى

تحياتى

جايدا العزيزي يقول...

فشكوووووووول

ههههههههههههههه

طبعا فاهمه

وبحترم وجهه نظرك

نحن هنا نتلاقى رغم اختلاف وجهات نظرنا ولكن كل منا ينبض قلمه

بما داخله وما يؤمن به

وفى النهايه نكسب حوار راقى

ومعلومه جديده

وانا احترم قلمك رغم اختلافى معه

شكرا على الاهتمام

اقدر تصميمك بالرد على تعليقى وااحترمك

كنا دائما هنا

تحياتى

شمس النهار يقول...

انا بحب الكلمة دي اوي
مش هستسلم دي
مش بحب الانهزامية والاستسلام
ممكن نضعف بس لازم نقوم تاني
ومانستسلمش

خواطري مع الحياة يقول...

لالالالالالالالالالالالا ده كثير علينا
الايام دي كلامك حلو جدددددددددددددا
ينفع تعملي البوم اغاني
بجد حبيت اصرارك بعدم الاستسلام وعزة النفس

وحشاااااااااااااااااااااااني ياروحي
لوحة التحكم عندي لها يمكن اسوبعين متغيرة
بس شكلها تحفة ستايل حلو صح
ههههههههههههه

تقبلي مروري ياروح قلبي ^_^

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

أضف تعليق

تصميم وتطوير - مدونة الاحرار - 2011.