السبت، سبتمبر 10، 2011

المصـــــــــــريـــــين أهمــــــــــــــــــــا



مهما اختلفنا
ومهما اتفرقناولايوم بنزعل من بعض ودايما بنوفى بالوعد

بصراحه حسيت باننا احفاد الفراعنه على حق

أيـــــــه الاصرار ده للمرة التانيه ننزل العلم الاسرائيلى من سفارتهم

لاء ومش بس كده احنا بهدلنا الارض بكرامتهم

رجاله وطول عمرك رجاله مهما بنوا الف سوردخلنا وكرهم

اصلنا شعب جبارلا بنخاف ولا ننحنىولا بيوقفنا بارود ولاموت ولانار

مين مبسوط قدى انا تفتكروا ممكن اخاف يوم فى بلدىورجالتها هنا

بحبكم اوووووووووى يا اولاد بلدى ياجدعانوسمعونا


احلى تحيه وسلامالمصريييين اهما

وتعالو نتابع الاحداث

وعايزة اسمع ارائكم


شايفين اللى انا شيفاه

حاسين بنفس الاحساس

ارفع راسك فوق انت مصرى



نجح عدد من الشباب المصري في تسلق العمارة السكنية الموجود بها السفارة "الإسرائيلية" بالجيزة

وقاموا بنزع العلم" الإسرائيلي" للمرة الثانية خلال أقل من شهر،



أستطاع المتظاهرون أمام مبنى السفارة على كوبري الجامعة إزالة الجدار المحاط به مقر سفارة "إسرائيل" بالكامل.

وكان عدد من المتظاهرين قد هدموا في وقت سابق اليوم الجمعة أجزاء كبيرة من الجدار الخرساني المقام أمام مقر السفارة الإسرائيلية.

لاء ومش بس كده ده تم الاستلاء على جميع المواثيق

جايز يقولوا اعمال شغب

بس فى راائى دى بطوله وانا هعتبر ان دى رساله تحذير لاسرائيل

بتقولهم اننا ما بنصبش تارنا ولو كنا احفاد الفراعنه

يجبوا ان يفهموا ايضا اننا صعايده وفلاحين

واننا مش راح نسكت على اى أسأة ثانيه

وهنرد بقوة

انا مع شعبان عبد الرحيم فى حاجه واحده بس أنا بكرة أسرائيل

احساسى يخبرنى ان الايام القادمه تحمل من بطولات ابناء مصر الكثير

فيه كتير منكم راقض ده وبيقول ده عمل ارهابى

لكن انا شايفه ان ده انسب رد على قتل اطفالنا واحتلال ارضينا


لذا وضعت لكم قنوات الجزيرة على جانب المدونه

للبث المباشر

تحياتى


22 التعليقات:

محمود عسكر يقول...

انا سعيد كسعادتك وربما اكثر
ولكني لا أشاطرك تفاؤلك
مش عارف..
ربنا يستر

haneen nidal يقول...

و اخيرا حد فرحان بانزال العلم الاسرائيلي ياااااااااه انتعش قلبي :)

بس انا زعلان منك في حاجة برضوا اتقولي انكم احفاد الفراعنة و هل يصح ان تنتسبي لفرعون الطاغي و انتم احفاذ الظاهر بيبرس و قطز ؟

دى حتى في زمن عمر ابن العاص كانت 98% من اراضي مصر تزرع نحن قوم كنا اذلاء فاعزنا الله بالاسلام فان ابتغينا العزة بغير الاسلام اذلنا الله

و يارب يجيب الخير لمصر و يحميها بخيرت اجناد الارض يارب . . . ويلا خلي اسرئيل تخاف شوية بلكي تختشي و زوء على دمها

haneen nidal يقول...

و هي كمان شيييييير ع الفيس ^_____^

sabry abo-omar يقول...

حاجة غريبة أن يكون أقصى أحلام الشباب وبطولتهم هى تنزيل العلم من فوق سفارة داخل بلادهم..يسقط ضحايا ونختلف ونتشاجر من أجل هذا فقط.. فلكم هونا على أنفسنا ..أظن مايتطلبه الوقت الحالى تثبيت الهمم والسعى وراء صوت حر واحد نصل معه وبه للحكم وساعتها يكون الكلام والفعل على قدر الرجال.. أما هذا ففعل الصغار فقط

جايدا العزيزي يقول...

محمود عسكر

اذا مبروك فرحتنا

وخايف من ايه

هيحصل ايه اكتر من اللى حصل

خليها على الله

تحياتى

جايدا العزيزي يقول...

haneen nidal

طبعا لازم افرح حبيبتى

لان اللى حصل ده بيدل على اننا لا نخاف ولا نستسلم

ولا تمنعنا قوة مهما كانت من الرد

اما بخصوص احفاد الفراعنه

والفراعنه لا تعنى على الاخص فرعون فقط

هناك احمس واخناتون اول من نادى بالتوحيد

فلماذا نتذكر فرعون وننسى هؤلاء

شكرا على الشير حبيبتى

تحياتى

جايدا العزيزي يقول...

sabry abo-omar
واضح من كلام حضرتك انك ضد ما حدث

انا معك ان الوقت ليس مناسب الان

واننا نحتاج اكثر لصوت واحد حر

ولكن ذلك لن يحدث وهناك الف قوة تسعى لتحطمينا وارهابنا وتفريقنا

تلك الصورة لو رائيتها بهدوء ستجدها اهم الان

لانها البدايه فمن هنا من الممكن ان نتوحد

وان نردع من يحاول تفريقنا

حقا لن نصير صوت واحد الا اذا تحررنا خارجيا

ثم اننا لم نحارب اسرائيل

اننا فقط ارسلنا رساله تعلن اننا لن نخشى شئ

واننا سنرد وبقوة

تحياتى

خواطري مع الحياة يقول...

مبروووووووووووووووووك علينا كلنا لانه في عرب مصرين ع تحقيق احلمهم الي ماقدر حد تاني يحققه
ويارب المرة الجاية يخرج السفير ويقفلوا السفارة نهائيا

فشكووووووول يقول...

السلام عليكم جايدا هانم
تحياتى .. هذه فشكول الجديده

انا بقى يا هانم بقول وباعلى صوت ان انا مش عاجبنى ولا موافق على فتحة الصدر وركوب المخ اللى زى الزلط .. الموضوع مش عافيه وخصوصا ان السفاره فى قلب مصر وما لهاش حد يحميها غير المصريين .. حتى لو سفارة جهنم احنا مسئولين عنها .. يا ست هانم احنا بنضيع حقنا بايدينا .. يا ست هانم لابد من احترام المعاهدات والمواثيق الدوليه واذا كنا مش حنحترمها عشان عندنا ناس عايشيين بفتحة الصدر واللى عايز يفكر فى حاجه يعملها ولا حد يقدر يقول له حاجه ما كانش من الاصل نوقع على المواثيق والمعاهدات الدوليه ..
طول عمرنا بنقول ان اسرائيل لا تحترم المواثيق والمعاهدات الدوليه .. ايه رأيك فى اللى احنا نفسنا بنعمله .. يا ترى احنا بنحترم معاهداتنا وبنحترم كلمتنا .. يا اخوانا الموضوع مش هبل وخلاص ودماغ زى الحجر اللى عايزه تعمله تعمله ..
طبعا الكلام دا مش حـ يعجب ناس كتير ..
شوية عقل .. شوية تفكير .. نشوف الموضوع حـ يعمل ايه ونحسب كل الاحتمالات .. مش يألله يا جدع افتح صدرك وخلاص .. يا ناس القوه مجالها الحروب واحنا مش بنحارب احنا عندنا ناس ضيوف زيهم زى اى ضيوف احنا وافقنا عليها ..
زهقت ومش عايز اتكلم تانى احسن انا عامل زى اللى بيسبح ضد التيار والتيار ما لوش عقل وجارف
تحياتى

جايدا العزيزي يقول...

خواطرى مع الحياة

خرج ياقلبى اسرائيل سحبته هههههههه

عقبال ما يدخلها تانى

كان نفسى اكسر وراه زير ههههه

تحياتى

جايدا العزيزي يقول...

فشكوووووووووول

اولا الف مبرووووك المدونه الجديده

وهكون اول متابعيها استاذى

بص استاذى انا كمان معاك ان السفارة فى حمايتنا

لكن ازاى بس نحمى سفاره شعب لا ليهم عهد ولا بيحافظوا على شئ

تفتكر ان حقنا مش ضايع

هو فين حقنا ده وسط المجازر والاحتلال

والغارات كل يوم والتانى على غزة وشعبها الاعزل

فين حقنا لما عبرو حدودنا وقتلوا جنودنا

فين حقنا تفتكر اخدناه

طيب لو كنا سكتنا كان هيجى حقنا ؟؟

اعتقد ان ردنا انسب رد

لو حرامى دخل بيتك وسرقك

وواشتكيت كام مرة ومافيش فانون جابلك الحق ده

هتعمل ايه

يتعلم الحرامى الادب ياما تتفرج عليه كل يوم وهو بينهبك وانت ساكت

احنا نحمى اللى يحترمنا

ويعرف اننا شعب لا نقبل بالاهانه

المصريين بيطلبوا باعدام مبارك عشان دم الشهدا

وماحطوش فى الاعتبار انه مصرى

مابالك دول يهود

فين دم الشهدا اللى قتلوهم من قبل 73

احنا ياما احترمنا المواثيق الدوليه

اخدنا ايه

حد قدر يوقف اسرائيل

وبعدين مش احنا اللى اخترقنا حدودهم وقولنا انه قتل خطأ هما اللى بدأءو

واللى يعفر عفار يجى على دماغه

الضيف اللى يدخل بلدنا نحترمه ونقدرة

ويكون أمن على حياته وماله

لكن لو ما التزمش بالمواثيف يبقى وجوده غير مرغوب فيه

استاذى لكل منا وجهه نظر والاختلاف فى الرائ لا يفسد للود قضيه

اشكرك على تواجدك الذى يسعدنى دائما

تحياتى

زينة زيدان يقول...

حمى الله رجال مصر.. وأبقى عز المصريين

sony2000 يقول...

وميين قال اننا هنسيب حقنا
خلااص راحت الايام دي

سواح في ملك اللــــــــــــــــــه- يقول...

انا بصراحة زعلان من اللي حصل ده

رسولنا الكريم كان ان استجار به كافر اجاره

وهي لوحكاية سفارات هتبقي الدنيا فوضي

لو كل بلد فيها سفارة وحد هجم عليها بالطريقة دي

تبقي الحكاية فوضي

ريــــمــــاس يقول...

مساء الغاردينيا جايدا
ويارب دايما مصر رافعه علمها
ومن نجاج لنجاح
والف مبروووك فرحة المصريين
وفرحتنا جميعاً كـ عرب بنحب مصر "
؛؛
؛
لروحك عبق الغاردينيا
reemaas

وجع البنفسج يقول...

لثاني مرة يقوم المصريون بإدخال الفرحة لقلوبنا بعد حادثة انزال العلم ، يتم اقتحام السفارة وطرد السفير .. عن جد المصريون هم خير أجناد الأرض .. ربنا يحميهم ويحفظهم يارب .

أحمد زاهر يقول...

أمل كبير لكل مصرى يوم ما تقطع العلاقات مع الكيان الصهيونى
لكن ما أحزننى ما ما حدث بعد ذلك وتواصل إلى اليوم أشم رائحة العادلى فى كل ما أسمع من أخبار

eng_semsem يقول...

ربنا يستر على مصر

مدونة رحلة حياه يقول...

السلام عليكم
ماما جايدا
انا مع اى تظاهر سلمى بشرط يكون سلمى وميتعداش على اى حريات ولا يعطل اى مصالح
موضوع بقى نشيل العلم والصبح يحطوا العلم المرة الاولى كان ليه معنى المرة التانية بقى منظرها اتبنى السور واتهدم وممكن يتبنى تانى ودى كلها اساليب مستفزة ومكان السفارة نفسه مستفز ميرموهم فى اى مكان بعيد عن التجمعات عشان ميأذوش غيرهم حتى باذاهم
دومتى بخير

غير معرف يقول...

عايدة......
أعجبنى البوست جدا والحمد لله كنا بنفس المشاعر والأحاسيس ربنا يسلم بلدنا
فاروق سحير ( فاروق بن النيل )

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

أضف تعليق

تصميم وتطوير - مدونة الاحرار - 2011.