الاثنين، يناير 17، 2011

فضفضـــــــــــــــــــــــــــــــــه




السلامه عليكم ورحمه الله وبركاته
بسم الله الرحمن الرحيم

اخوانى واخواتى

اولا انا النهارده جيه افضفض معاكن شويه هتقولوا رغايه هههههههههه

برده هرغى تانى وتانى واضحك واسامح عارفين ليه

لانى اكتشفت ان الجو مليان اكسوجين وعندى احطياطى لسن الستين ههههه

ورغم ان السنه الماضيه قفلت بمشاكل واحداث وكوارث

الا اننى لا زلت اردد وعسى ان تكرهوا شئ وهو خير لكم

انا شايفه ان اللى خطط ونفذ ما كنش يعرف ان فيه اخوة وتسامح وفهم بنا اكبر من اهدافه

وبدا مانتفرق اتجمعنا

ومع بدايه العام فرحنا للثورة التونسيه ولشعب تونس الحر

برغم ان المواطن التونسى الذى اشعل النار فى نفسه لم يكن سببا كافيا

ولكنها اولا واخيرا ارادة الله وتوفيقه

وهذا يجعلنى استنشق الاكسجين من كل مكان واطرد فكرة المواطن المصرى الذى

حاول ان يقلد التونسى لعل وعسى

حقا هو لا يدرى ان الموقف مختلف ولا يدرى ان حياته ملك لخالقه

ولا يستوعب الموقف جيدا حتى انه لم يفكر مطلقا

فابناء النيل لا يقلدون ولا ينتحرون احفاد الفراعنه شامخون صامدون

هناك الكثير من التعليقات فى الموضوع السابق رائعه حقا لانها لمدونين يستوعبون الموقف

فأن شئنا ان نتحرر يجب اولا ان تتحرر ارواحنا يجب ان نتماسك ونتوحد وان نهذب اخلاقنا

ونتقى الله ونتبع سنة رسوله

ومن يتقى الله يجعل له مخرجا ويرزقه من حيث لا يحتسب

وكلنا نعلم برغم عدد فقراء مصر لكن مافيش حد بينام جعان الست صادقه

اذا لننظر لنصف الكوب الممتلئ وزى ما قال نابليون ماقيش مستحيل

وخصوصا مع شعب مصر

لذا انا دائما متفائله لما لاسباب كثيرة جدا

اولها انى مصريه وافخر بذلك اغضب منها احيانا ولكن لا اقبل ان يهينها اى شخص

لسه بفضفض فيه شاى قهوة نسكفيه ههههههههههههه

لازم انسى الاحزان ومش لازم ايأس من رحمه الله

صحيح عنديه ولازم اوصل للى عيزاه بالعافيه بالزوق المهم اوصل

لكن المهم افكر اولا ازاى اوصل بلا رياء

المهم اثبت وجودى واحقق امنياتى مهما طال العمر حتى لو اخر نفس من انفاسى

علشان كده اللى محتاج اكسجين موجود بكثرة

والحمد الله يدوب لسه محضره حقائب سفرى الى شرم

واخذت عده حقائب لانى سلغيب شهور وربما اظل هناك للابد

هههههههههههههه

شفتوا التفأول زوجى اتصل الان ليخبرنى اناه جهز الشقه ولكن هناك سيول الان فى شرم الشيخ هههههههه

ولكنى اخبرته الا يقلق فزوجته كما يعلم بالف رجل ههههههههههههههه

وسعدت بسماع ضحكته المعهوده

اه نسيت اقولكم انه منذ شهر تقريبا والدخول الى شرم مستحيل هههههههههههههههه

طبعا عارفين ليه المؤتمر وريسنا الغالى هناك وطبعا اهم الشخصيات فى المؤتمر رئيس وزراء اسرائيل

وعلشان كده بينزل الف عامل كل يوم اقصد بيترحل والدخول اليها كالدخوا من خرم ابرة ههههههه

لما سافرت من شهرين كان اول مرة اسافر شرم الشيخ

واول ما وصلنا عين موسى للناس اللى سفرت شرم قبل كده وقفنا

وطبعا اختكم سألت ليه قالوا كمين بصراحه قلت عادى الكماين بقت فى كل حته فى مصر

لكن طال الانتظار ساعه ده بعد ما حضرة الظابط طلع واخذ نصى الاتوبيس

وكل ما يمر الوقت اتنرفز اصلى نرفوزة واقول هو احنا دخلين اسرائيل

هو فيه ايه مش حرام الناس اللى اخدوهم ورحلوهم دول ههههههههههه

دى بلدنا ولينا حق نزورها اى وقت وطبعا لانى امرأة احترمنى الظابط ولكنه لم يجيب

واتصل زوجى فى نفس الوقت وبدأت ااتزمر واشكو من سوء معامله المصريين وهو يضحك

ويترجانى ان اصمت لحين وصولى وسوف يقوم بالشرح

وحينما وصلت قال احسن لانك رفضت السفر بالطائرة اجبت انت تعلم انى اخاف السقر بالطائرة

قال كده هتموتى وكده هتموتى لو اراد الله ولانى عنديه اوووووووووووووى اجبت عليه ولو

والان كل من يستقلون الاتوبيس يعودون هههههههههههههههه

ولكنى صممت ان اسافر بالاتوبيس

شفتوا اكتر من كده تفأؤل ههههههههههههههههههههه

انشالله سوق اساقر غدا ليلا و سانشر رساله تخبركم انى وصلت بالسلامه اذا شاء الله

لذا انا سعيده جدا وسافتقدكم جدا

فسامحونى ولكن زوجى يحتاج مساعدتى ويجب ان اكون دائما بجانبه





شايقين الطفله دى هههههههههههههه

انا مثلها قلبى قلب طفله

لا ايأس لا احقد لا استسلم بسهوله

اعشق الحياة الاسريه

واحب الصدق والبراءة ومهما كبرت سأظل كما انا امرأة تحمل قلب طفله

فادعوا لى انا اظل كذلك مدى الحياة

ادعوا لى

هتوحشونى اووووووووووووووى

تحياتى

66 التعليقات:

eng_semsem يقول...

اكيد نتمنى ليكي التوفيق وحياتك وزوجك واولادك اهم حاجه في الدنيا ليكي ولينا بس اكيد طبعا مش هتنسينا هناك ولا انت ناويه ما تكتبيش ولا تدخلى المدونه وانت هناك
توصلي بالسلامه وربنا يسعد ايامك

شيرين سامي يقول...

و انت كمان هتوحشينا أويييي
بجد انت شخصيه استثنائيه يا جايد و عندك كمية تفاؤل ماشاء الله جميله عشان كده ببقى مبسوطه أوي و أنا في مدونتك المبهجه و كلملتك اللي كلها حب و من وراها قلب طيب
ربنا يسعدك دائماً و توصلي بالسلامه
تحياتي القلبيه لك

Mona يقول...

أنا زيك انى مصريه وافخر بذلك اغضب منها احيانا ولكن لا اقبل ان يهينها اى شخص

وأحب التفاؤل ربنا يسعدك وخليكى مع زوجك ربنا يوفقكما يارب والمرة الجاية سفرى بالطائرة وتغلبى على هذا الخوف لو سافرتى برة حتعملى إيه - تشجعى الطائرة ساعة واحدة ومافيش بهدلة ولا تفتيش

تحياتى وتوصلى بالسلامة

محمد الجرايحى يقول...

ندعو لك بكل التوفيق ومزيد من السعادة والأكسجين هههههه

مصطفى سيف يقول...

يمكن معرفكيش غير من وقت قصير بس الفترة دي اتاكدت فعلا من آخر جملتين قلتيهم انك امراة تحمل قلب طفلة تحمل كل المشاعر البريئة
بالنسبة للي حصل في الاتوبيس ده العادي من بنك مصر
ده بيحصل وانتي داخلة اي منطقة سياحية سواء شرم او الغردقة او اي حتة فيها سياحة
البلد مش بلدنا زي مانتي متخيلة لا البلد بلدهم
كان زمان الافواج السياحية بتيجي من الاقصر للغردقة في افواج من الاتوبيسات بتمر علي بلدنا في النص
كان الطريق بيتقفل نص ساعة قبل ما يعدوا ونص ساعة بعد ما يعدوا وكان دايما الطلبة بتتاخر عن امتحاناتها لان في فوج بيعدي الساعة 8 الصبح
ربنا يرزقك السعادة والهنا ويا رب تقضي كل لحظاتك في شرم او غير شرم وانتي مبسوطة
يا رب توصلي بالسلامة
تحياتي

هبة فاروق يقول...

حتوحشينا يا عايدة يا قمر وربنا يديم عليكى السعادة والتفائل ربنا يسعدك ويهنيكى وتوصلى بالسلامة

mrmr يقول...

انتى مش ح توحشينى
ههه
انتى عارفه شعورى من ناحيتك طبعا
ربنا يسعدك ويباركلك فى اولادك وزوجك
اصيله يا بنت يا عايده ايوه كده المصريات اصيلات لا تترك زوجها بمفرده
اصل وراء كل رجل عظيم امراه
توصلى بالسلامه يا قلبى
وابقى طمنينى عليكى

الربح من الانترنات يقول...
أزال المؤلف هذا التعليق.
amiralcafe يقول...

وعسى ان تكرهوا شئ وهو خير لكم
يا اختي العزيزة

فاروق بن النيل يقول...

جايدا( عايدا) العزيزة الغالية.........
أولا : حاتوحشينا والله .
ثانيا: ربنا يوفقك فى الوقوف بجانب زوجك
ثالثا: شرم الشيخ لها طابع خاص بها وعندما كنا نمر بها
ونحن مسؤولون عن الإرسال الإذاعى والتليفزيون ونقل الرسائل التليفزيونية للعالم كله وبرغم من كدة لما يبقى فيه مؤتمر وتواجدنا بالمرور على المحطات مهم جدا وخاصة شرم الشيخ فكنا نفتش تفتيشا صعبا جدا وبكلاب حراسة وأجهزة لكشف المتفجرات وخلافه فاللى حصلك لازم تتعودى عليه وإلا أتركى شرم الشيخ
رابعا: هل زوجك مثلك له قلب طفل طبعا لكى الحق فى عدم الإجابة ولكن هذا سؤال ورد على بالى من عدة مواقف سابقة لك
خامسا: المهم التسامح وألا نيأس أو نقنط من رحمة الله
وأن نكون لدينا أمل ومثلك تماما لاأهتز من النكبات بل أعلم أن بعد العسر يسرا إن بعد العسر يسرا كررها الله فى سورة الإنشراح ليؤكد لنا أنه ( اليسر ) آت أت لامحالة
خامسا: إذا عشتى بقلب طفل وعقل إمرأة ناضجة وقلب أبيض فسوف تعيشين سعيدة وأصغر مما يراك الناس سنا
وهذه تجربتى فى الحياة ( طبعا عقل رجل ناضج ) لحسن تقولى جرالى حاجة ......
زورينا بمدوناتنا فى كل مرة تستطيعى فيها ذلك ولاتنسينا فى دعاءك وصلاتك وفرحتك تمنياتى لكى وللأسرة الكريمة حسن الشيخ - كريم - حسام - محمد

MaNoO يقول...

احم احم انا هنا فى عز البرد اهه عشان عرفت ان جايدا مسافره قلت اجى اسلم بقى
عجبانى نبره كلامك عن مصر جدا جدا وان كنت اما بتكلم كدا الناس بتقول متفائل زياده عن اللزوم ارد انا اقولهم ايه بقى ومتفائلش ليه طالما انا لسه عايش واحنا فعلا محتاجين نتحرر من قيودنا الداخليه قبل اى حاجه وفعلا مفيش مستحيل طالما الخير والحب جوانا وبنتعامل بيهم ان شاء الله بالتفاؤل دا نقدر حقق حاجه لبلادنا
عندى تصحيح بس هشا شرم فعلا بقالها كتير صعب الدخول لان كان فى لقاء للرئيس من الحزين بتاع الصهاينه بس دا فات خلاص وبعديها شددوا تانى عشان القمه الاقتصاديه بتاعتنا العرب والحزين دا ملوش فيها
ربنا يوفقك ويوفق زوجك ويخليكوا لبعض وان شاء الله جايين على شرم قريب الجو يهدى بس
تقبلى احترامى وتوصلى بالسلامه ان شاء الله

Mohamed Elsayed يقول...

ربنا يوفقك فى حياتك و كتابتك

اكيد هنستنى مقالك

انتى رايحة شرم مش رايحة الشط

يعنى لازم تكونى مستعدة و متعديش الخط

شرم هى بلدنا ضحينا فيها بدمانا

وجانا اليوم اللى يرحلوا منها القوم

ادعى لكل المصريين يحموا بلدهم من شر الحاقدين

و حمد لله على سلامتك

جايدا العزيزي يقول...

eng_semsem

اخى اسامه طبعا هما اغلى من حياتى

ربنا يبارك فيك

وطبعا انا موجوده معاكم كل يوم بس قليل

شويه لزوجى واولادى وشويه للادارة وشويه ليكم

انا عمرى ما اقدر ابعد عن اخوانى واخواتى

والله يسلمك بس اوصل مش جايز اترحل ههههههههههه

تحياتى

جايدا العزيزي يقول...

شيرين سامي

انت هتوحشينى اكتر شيرى

بس انا دايما موجوده مش هغيب عنكم يوم

وانا كمان والله بكون فى قمة السعاده وانا فى مدونتك

ربنا يخليك ليا يا قلبى

تحياتى

جايدا العزيزي يقول...

Mona

وده يسعدنى يارب كتر المصرين

ليه كده كنا ماشين كويس هو انت نسيت الطائرة اللى وقعت فى البحر وهى مسافرة شرم من كام سنه

وبعدين فى سفر البر فوائد كثيرة

فوجهه نظرى هى ان اتمتع بكل شبر فى بلدى

ياااااااا قد ايه منظر الجبال روعه

بالطائرة لن ارى هذا الجمال

عنديـــــــــــــه

افتكرى كويس يا منى

تحياتى

جايدا العزيزي يقول...

محمد الجرايحى

بارك الله فيك اخى واشكرك على دعواتك

ولو احتجت اكسجين شرم مليانه

بس انت تأمر

اشكرك

تحياتى

جايدا العزيزي يقول...

مصطفى سيف

اشكرك اخى على ثنائك ولكنها حقا الحقيقه بس العقل

لو خطط ما اقولقش ههههههههههههه

ههههههههه طبعا ده اقل من العادى بتاع بنك مصر كمان

بس تعرف مزودنها فى شرم حبتين ولو البلد بتاعتهم

نرحلهم واحده واحده ولا احنا بس اللى نترحل ههههههه

طبعا لازم الطريق يتقفل مش مهم مستقبل اولاد مصر

المهم ان الافوج اللى بدخل الربح لجيوبهم يرتاحوا

ياعينى على اولادك يا مصر

اشكرك على دعواتك اخى

تحياتى

جايدا العزيزي يقول...

هبة فاروق

وانتم كمان هتوحشوووووووونى اوووووووووى

بس ما تخفيش ياهبه

هما يومين اتابع الشغل واودب حاجاتى وهتلقينى نطه على مدونتكم تانى يوم


ههههههههههه

هو انا اقدر استغنى ابدا عنكم

ده انا مسافرة بكرة وصممت ارد عليكم امال ايه

اشكرك على دعواتك غاليتى

تحياتى

جايدا العزيزي يقول...

mrmr

وانت كمان مش هتوحشينى ابدا ههههههههه

ما احنا اتفقنا كل يوم هكلمك على الميل هههههههه

امال مين هيسلينى

طبعا عارفه يا قلبى معزتى عندك

اه اصيله اووووووووووى ما احما كلنا كده المصريين

اما اموت فيه احسن ما اموت فى الطيارة

ههههههههههه

ربنا يسعدك انت كمان يارب

بس بلاش نق والنبى خلى الاكسجين موجود

اشكرك حبيبتى على دعواتك

تحياتى

جايدا العزيزي يقول...

amiralcafe

اجل اخى رؤف اعلم واؤمن بها

الحمد الله لقد كان الله يريد لى خيرا

اشكرك اخى

تحياتى

جايدا العزيزي يقول...

فاروق بن النيل

وانت ايضا اخى والله بس انا معاكم مش هغيب ابدا عنكم

دايما هتابع واحيانا اعلق وكثيرا سانشر رسائلى

بس ادعيلى ما اترحلش ههههههههههه

ويوفقك اخى دائما

لا ما تخفش عليا مش لسه بقولك عنديه

نتعود هو احنا ورانا ايه هما فاضين واحنا كمان

ورغم دقه التفتيش والانتظار بس الحق يتقال

اول ما بدأت اخرج البطاقه من حقيبتى اشار الظابط لى بادخالها ولم يراها حتى ولم يوجه لى اى شخص سؤال

فقط حزنت على من تم ترحيلهم وحزنت فربما ذهبوا ليعملوا

وقد سافر ابى بعدها بايام ورحلوا جميع من بالاتوبيس عدا والدى بعدما اتصل معارف لزوجى باشخاص قى عين موسى

فسافر الاتوبيس بوالدى فقط الى شرم وحدث هذا ايضا مع زوج اختى

وبعدها مع الشيف الذى اطر لحضور فرح اخيه

وعند عودته اتصل اصدقاء زوجى يبلغوة انهم سمحوا له بالعبور

يعنى ماتخفش عليا هعدى هعدى هههههههههه

رابعا لا انكر ان لزوجى بعض العيوب

ولكنى اعلم علاجها واسامح لانه كما زكرت قلبه قلب طفل

اكثر منى طيب جدا ومتسامح جدا وبيتعلم من اخطائه

احاول ان يكون عقلى ناضجا ولكن لا اغير قلب الطفله بداخلى المهم ان اكون سعيده لا كيف يرانى الناس

طبعا انا كلى ثقه بعقلك الناضج وقلبك الابيض اخى

انا موجوده وسازورك باستمرار

وقررت عدم النوم للرد عليكم

اشكرك اخى جدا على دعواتك

تحياتى

جايدا العزيزي يقول...

MaNoO

احنا هنحمرق ههههههههه انت لقيت المدونه التكيق قيها ميه ميه شمس سما وشط وميه

هههههههههههههه صح

بس اخى طبعا كلامك عن مصر فى محله خليك على مبدئك

لانى معاك فى كل كلمه هى دى الوطنيه وهو ده الانتماء

مش مهم الناس تقول لكن الاهم انك تخليك متفائل

وما تغيرش مبادئك مطلقا

تصدق وانا عمال اقول المؤتمر خلص طب ليه كل ده

وافتكرت انهم مدوة شويه

ماكنتش اعرف ان فيه تانى قمه اقتصاديه

وقفوا حالنا الله يوقف حالهم

كويس انك نورتنى علشان ماابقاش زى الاطرش فى الزفه ههههههه هى دى فائده الاخوات والله دعتلك مانووو

واشكرك على دعواتك الطيبه لى ولزوجى امين

وتيجى بالف سلامه اخى

تحياتى

أم هريرة (lolocat) يقول...

السلام عليكم ورحمة الله

حبيبتى جايدا
يارب اجازةسعيدة و ترجعى بسلامة الله ياغالية
وربنا يحفظ لك اولادك واسرتك

فى انتظارك حبيبتى
فى امان الله

جايدا العزيزي يقول...

Mohamed Elsayed

الله يسلمك ويبارك فيك

ما تخفش عليايا محمد انا فاهمه الدرس يرحلوا على كيفهم

دى بلدى ومش هخرج منها غير بمزاجى

اصل انت ما تعرفنيش رخمه رخامه

هههههههههههههه

هرحلهم انشالله بس اصبر عليا اخى

الله يسلمك

اشكرك

تحياتى

جايدا العزيزي يقول...

أم هريرة (lolocat)

وعليكم السلام ورحمة الله وبركاته

ربنا يخليك يا حبيبتى

بس انا مش هسميها اجازة لانى مش هقدر ابعد عنكم كتير

ويحفظك ويبارك فيك الله اختى

اشكرك

تحياتى

خواطري مع الحياة يقول...

عايده حبيبتي بكتب تعليق قبل مااروح المناقشة
وربنا يوفقك يارب ويوفق زوجك بشغله واكيد انت معاه بينجح
يارب تروحي وتوصلي بسلامة
ربنا معك
بتوحشيني اوي
سلامي.

carmen يقول...

ربنا يوفقك حبيبتي وتوصلي بألف سلامة هتوحتشينا اوي :)

سندباد يقول...

ربنا يجزيكي خير علي كلماتك الجميلة دي
وربنا يوفقك ويوفقك اسرتك للخير دايما انشالله
تقديري واحترامي

الحــب الجميـــل يقول...

توصلى بالسلامه يا عايده
ان شاء الله

ابقى طمنينا عليكى يا حبيبتى

ربنا يفرحك كمان وكمان

الحــب الجميـــل يقول...

نسيت اقولك
انتى كمان هتوحشينى
قبلاتى
:))

الشاعر الفنان أحمد فتحى فؤاد يقول...

اختنا الغالية

رحلة سعيدة

شرم الشيخ من اجمل الاماكن على الارض
سبحان الخالق الوهاب

تروحى و ترجعى بالف سلامة

تحياتى

Ramy يقول...

و لا رغاية و لا حاجة

دى محبة

توصلى بالسلامة أن شاء الله

و ربنا ينجح المشروع كمان و كمان

Ms Venus يقول...

انتى كمان هتوحشينا اوى يا جايدا

خدى بالك من نفسك ومن زوجك

وربنا يحافظ على اسرتك الجميلة ياارب


متغيبيش علينا كتير

وكل ما تلاقى فرصة تدخلى تطمنينا عليكى ياريت


ربنا يوفقك دايما

noora يقول...

ان شاء الله توصلي بالسلامة وتتيسر رحلتك
وبالنسبه للي انتحر هذا من القهر وانا سمعت انهم صاروا اربعه اللي احرقوا نفسهم في مصر ومع انني ضد هذا التصرف الا ان النتيجه اللي حصلوا عليها التونسيين جعلتني اتفهم مشاعر واهداف من ينتحر في مثل هذه الضروف
الله يفرج كربة كل مسلم
وطبعا رح نفتقدك لكن اذا كنا عارفين إنك بخير وسعيده فهذا اهم شي وترجعيلنا بالسلامه

شمس النهار يقول...

تساااافري بالف الف سلامة ياقمر
وتوصلي بالف الف الف سلامة ياقمر

وان شاء الله تلاقي هناك نت وتتواصلي معانا تاني

مدونةاكسجين مصر يقول...

الحب : يبدأ بالسماع والنظر
فيـتــولــد عنــــه الاستحســـــان
ثـم يقــــــــــوى فيصيــــر مــــــودة
ثـم تقــــــــــوى المـــودة فتصيـر محبــة
ثـم تقــــــــــوى المحبـــة فتـوجـب الهــــــوى
فـإذا قـــــــــوي الهــــــــــــوى صــــــــار عشقــا
ثـم يـــــــــزداد العشـــــــــــق فيصيـــــر تتييـمـــــــا
ثـم يـزداد التتــييم فيصــير ولها.. وهـو قـمة ما يبلغه المحب
تحياتى اختى

Tears يقول...

برتاح لما احس انك بدأتى تهدئى و ان كل شىء اضبط...الحمدلله

ركزى و استمتعى و اى وقت ح تلاقينا حواليكي

اما عن البوست فبلاش بس الكلام بتاع احفاد الفراعنة و صامدون و شامخون و طول عمر ولادك رجالة و الحاجات دى عشان بقت بتجيبلى حساسية و هرش...فين الرجالة دول؟؟ اللى مش بيجمعوا غير عشان الكورة و لا اللى كل مخهم فى الستات و لا اللى بيحششوا و ملايين القهاوى و ماشيين يتحرشوا و مش بيثوروا لما ياخدوا على قفاهم فى الاقسام و لا قوتهم و ثرواتهم تتنهب او يعذبوا حتى الموت

شعبنا لو فيه امل يبقى فى الستات بس ده ح ياخد وقت طويل اوى...جيل الثورة واكتوبر يا الله يرحمهم يا فوق الستين دلوقتى

اللى يصل لمرحلة ان حياته تهون عليه لدرجة انه يبقى مش عايز الدنيا و لا خايف الحرق يبقى اكيد موجوع اوى و مقهور

نشوفله حل حقيقي لان مش ح ينفع نحاكمة

ذو النون المصري يقول...

انا خارج مصر و اتمني بعد ان اعود نهائيا الي مصر ان ابني بيت في سيناء
كل عام انتم بخير

نبع الغرام يقول...

هتوووووووووووووووووحشششششششششششششششششينى اووووووووووووووووووووى
ربنا يبارك فيكى وفى زوجك وطبعآ وجودك جنبه اهم من اى شىء
خلى بالك من نفسك وخليكى صابرة اوى ربنا يكتب ليكى كل الخير ويحفظك من كل شر
وياريت اى فرصه طمنينى عنكى
لا اله الا الله

ماجد القاضي يقول...

السلام عليكم

ولا يهمك أختي جايدا... اتكلمي براحتك.. أهم حاجة فيه نسكافيه!!! :)

سعيد بفضفضتك معانا.. وفعلا روحك التقلئية العفوية في الحديث روح طفلة (مش عايزة تكبر)..

ربنا يوفقك واسرتك.. آمين.
تروحي وتيجي بالسلامة.

تحياتي.

محمود(باحث عن حب) يقول...

جايدا
ادام الله عليكى الفرح
والحب
يارب
ترجعى وتروحى بالسلامه
يارب يكرم اولادك بالنجاح
الدائم
وابعد الله عنكم الغم والهم يارب

تركي الغامدي يقول...

أرجو لك ولأسرتك الكريمة من الله تعالى دوام التوفيق والسعادة وتدوينتك تعبر عن نبل أخلاقك واكتراثك بأسرتك وبمجتمعك .
وهاهي التعليقات أتت لتزيد من تواجدك ومكانتك لدى الآخرين ، بارك الله تعالى فيك .

مدونة رحلة حياه يقول...

السلام عليكم
ههههههههههههههههههههههههههههههههههه
الضحكه دى عشان كمية الضحك اللى انتى موزعاه فى البوست
عندك حق محتاجين تفاؤل واوكسجين وشوية مياه من منابع النيل وشوية تربة من ارض السودان فى خط النصف بين الدولتين هيييييييييييييه
ترجعى لنا بالسلامة وبالتوفيق ان شاء الله

ahmedgabr يقول...

بذور الثورة متوافرة في مصر غياب العدالة الاجتماعية وانتشار الفساد والمحسوبية وانتهاك كرامة المواطلنين والاستهزاء بارزاقهم الوظائف العامة الحساسة بالشرطة والنيابة العامة لاولاد المسئولين وتجد خريج حقوق حاصل على خمسين في المائة يعين بالنياب...ة العامة وزميله الحاصل على امتياز او جيد جدا لايجد وظيفة بارشيف اي مصلحو حكومية الشرطة تجد ضابط شرطةقصير القامة فطوطة واخر فارع الطول ومتفوق علميا وخلقيا ولا يستطيع دخول كلية الشرطة لان العبرة بالفساد والمحسوبية ولغياب العدالة وتكافؤ الفرص ينتج ن ذلك ضابط معقد نفسيا يعوض النقص ويحاول اثبات شخصيته وووكيل نيابة يعامل الناس بكبرياء واستهزاء ويعوض فشله العلمي وحصوله على فرصة غيره انتهاك كرامة المواطنين بالمعاملة السيئة المهينة من الشرطة وحتىشرطة المرافق او البلدية التي اجعلت من محمد بوعزيزي شرارة الثورة عندما استولت على مصدر رزقه وهو حاصل على بكالريوس تجارة واهانته عندما ذهب يستفسر عن كيفية اعادة عربةالخضروات وضربته موظفة سيئة الادب من عينة نظام الطاغية هنا وهناك نفس المرافق في تونس هي في مصر نفس الاهانات نفس عدم ارحمة ولا جعل رحمة ربنا تنزل على الناس نفس السلوك اضف الى ذلك من الفساد وعدم المساواة غياب العدالة الاجتماعية والسرق بالقانون وبدونه حصول كبار الموظفين والوزراء على ملايين الجنيهات شهريا في وقت تفتخر حكومة الفساد بتحقيق معدل نمو مرتفع وتنتشر عشش الصفيح والعشوائيات في نفس وقت حصول رؤساء اتحاد الاذاعة والتليفزيون علىوالتامين الصحي والضرائب والمحافظين ومديرو الامن ورؤساء القنوات التليفزيونية والتامين الاجتماعي على الملايين باللوائح الفاسدة ولا يكتفون بذلك مثلا بالتليفزيون مجرد ظهور اسم رئيس التليفزيون نادية حليم مجرد كتابته علىتتر النشرة او برنامج مصر النهاردة تتقضى عليه اجر كبير وكذلك رئيسقطاع الاخبار ورئيس اتحاد الاذاعة والتليفزيون كذلك رالدكتور سعيد راتب رئيس التامين الصحي في الوقت الذي يدعي الكاذبون نقص موارد التامين الصحي وعد استطاعةالدولة تحمل تكاليف علاج المواطنين يتقاضى اكتر من تلاتة مليون جنيه شهريا ويقوم ابلسفر الىالخرج وسويسرا للاطلاع على طرق العلاج ويتقاضى الالاف رئيس مصلحة الضرائب واشرف العربي الرئيس السابق وهو صديق جمال مبارك تم تعيينه وله مكتب محاسبة خاص وكان يتقاضى اكتر من اتنين مليون جنيه شهريا وقام بتعيين عشرة من اصدقائه مستشارين له بمرتب بالمخصصات اكتر من مائة وخمسون الف جنيه اضف الى ذلك مديرو الامن يتقاضون من الغرامات والمخالفات ورسوم المواقف ايضا من ايصالات التبرعات الخيرية مع المحافظين الذين يتقاضون من المناقاصات والزايدات وهناك مديرو امن بالمحافظات الساحلية النهب القانوني اعلى حيث يتقاضون من الجمارك ذلك ممدير امن القاهرة مخصصاته اكتر من نصف مليون جنيه تقريبا شهريا كل هذا في الوقت الذي تنقطع مياه الشرب وتتزايد عشش البائسن وتكثر جيوش العاطلين بالاضافة الى المحخسوبية في تعيين الموظفين المحاكم وا الكهرباء والبترول لابد من المحسوبية والواسطة والرشوة اذهب الى اي محكمة ترى زوجة وابنة واخت المستشار وجارته وقربته هم الحاصلين على الوظيفة لو ذهبت الى محكمة طنطا ترى في اعلانات الوفة توفى فلان بن فلان والد وكيل نيابة كذ ورزوج السيدة الموظفة بالمحكمةو ووالد فلان الاخر وكيل نيابة اخر ووالد الموظفة العلانية اليس هذا فساد مستشري و اليست عدالة اجتماعية غائبة بالاضافة الىغياب العلاج بالمستشفيات وشراء المواطن للسرنجة ومع ذلك تدعي الحكومة الفاسدىة ان الدولة تتحمل مليارات في التعليم والصحة والبنية التحتية وغيرها من المنوالاذى على المواطنين اقول هذا للشعب المصري الذي ترك فرعون يعيث فسادا حتى وصل به الحال الى الافتخار بقانون الطواريء واصبحت ادواته التزوير والارهاب والاعتقال اقول للشغب المصري لسنا اقل من الشعب التونسي البطل في الاطاحة بالطاغية حتى يبزغ فجر الحرية

الصبر عنواني يقول...

وعليكم السلام ورحمة الله وبركاته

جميله فضفضتك

والأجمل روح التفاؤل

ما أجمل التفاؤل

وحسن الظن بالله

ومعرفة الهدف الحقيقي لوجودنا على هذه البسيطه

^_^

تروحي وترقعي بالسلامة يابت مصر


راح توحشينا كولينا


بس ماتنسيش الأوكسجين *_^


ياروح الطفوله

لكِ خالص ودي

أع ـقل مـ ج ـنـونــة يقول...

انا اول مرة اجي هنا
عجبتني المدونة جدا
عجبتني التدوينة دي خصوصا
حسيت بقلبك اللي زي قلب الاطفال بجد
واخدت كمية تفاؤل رهيبة
عسي ان تكرهو شيئا وهو خير لكم

ربنا يكرمك
تقبلي مروري
:-)

شمس العصارى يقول...

هههههههههه
هو اول كمين تقابليه اللى قبل شرم على طول ... ده انتى محظوظة هههههههههههههه
بس يا حلوة فى شرم احترمك علشان ست لكن لو فى طابا وحياة الاخوة حتزلى هههههههههههه شوفت بعينى واحدة ونزلها
اعملى زى خدى جواب مأمورية لكل مكان رايحاه فى سيناء والافضل المكان اللى رايحاه يبعتلك ورقة على الكمين تسمح لكى بالمرور
بالنسبالك مش عارف حتجيبى جواب المأمورية منين بس ممكن تاخدى قسيمة الجواز وتقوليلهم رايحة لجوزى فيها حاجة دى
وبعدين دى مش بلدنا ههههههههه مين اللى قال كده
انتوا المصريين فهموكم غلط ان سيناء دى بتاعتكم
دى بتاعت الريس وعيلته والاسرائليين وبس هههههههههههه
توصلى بالسلامة

IBN BAHYA - إبــن بهيـــــــــــــة يقول...

إذا الشعب يوما أراد الحياه
فلابد أن يستجيب القدر
ولابد لليل أن ينجلي
ولابد للقيد أن ينكسر

الشاعر التونسي
أبو القاسم الشابي
قالها قبل عشرات السنين .. وبقيت في وجدان كل تونسي

تحيا تونس .. وعاش شعبها الأبي .. عقبالنا

الــحــــنـــــــــــــــــــين يقول...

ربنا يوفقك ان شاء الله بكل خير واسف ع الغياب اتمنى تنورينا

شقاوي يقول...

الله يوفقك دنيا واخرة
ويسهلك امورك
وتعيش بسعادة مع كل من تحبي..

نحيااتي..

أبو حسام الدين يقول...

وفقك الله وسهل لك كل الصعاب

amiralcafe يقول...

مساء الياسمين اختي جايدا مررت لاطمإن عليك ان شا الرب تكونين انت وعائلتك بالف خير
رؤوف

نبع الغرام يقول...

وحشششششششششتينى اوووووووووووووى جيت اطمن وارمى السسسسسسلام

محمد التركى يقول...

السلامو عليكم

أختى العزيزه
جودى

والله وحشانى جدا ووحشتنى مدونتك
طبعا زاى عادتى المعهوده متأخر دائما
طبعا خلاص انتى زهقتى من تأخيرى وأتعودتى عليه كمان
صح
ههههههههه
يارب تكونى وصلتى بسلامه
وربنا يرجعك برضو بسلام
احنا منقدرش على بعادك المده الطويله دى كلها

مستنى اطمن عليكى
يارب تكونى بخير
سلامى لابو على وكيمو وكل اولادك
ربنا يارب يخليكم لبعض ياااااااااااااااارب

تقبلى تحياتى اختى الغاليه

محمـــد التركـــى

الشاعر الفنان أحمد فتحى فؤاد يقول...

اختنا العزيزة

طال غيابك ..



إرجعى بألف سلامة

تحياتى و تقديرى

iـــــــــــsــــــــــlــــــــــــaـــــــــm يقول...

شوية فضفضه لذيذه والله
مش عارف اعلق على ايه ولا ايه
بس اقولك مش لازم
هقولك بس
ربنا يديم عليكى نعمة الصفاء اللى جواكى دى
روحك جميله ودى نعمه من عند ربنا
خليكى زى مانتى
وفضفضى فى اى وقت
احنا دايما مبسوطين لما بنعرف اخبارك
تحياتى ليكى

mena يقول...

جودى وحشتينى موووووووووت انتى مش ناويه ترجعى بقى فعلا اشتقتلك يارب ترجعلنا بالسلامه وترجعى لمدونتك اللى من غير بقت ضلمه بس منوره بكلامك تعالى بسرعه بقى وكفايه غياب

noora يقول...

وحششششششششتينا :(

amiralcafe يقول...

نداء من عبد الرؤوف عبد السلام مواطن تونسي إلى الشعب المصري العزيز

لنجاح ثورتكم يا مصريين عليكم بما يلي.
* المظاهرات ليلا ونهارا و تكون ليلا أكثر وهذه لها عدة فؤائد*تقللون من فرص القبض عليكم ومن فرص معرفة هوياتكم*تستطيعون النجاة من عمليات التصوير*ترهقون قوات مكافحة الشغب فانتم تثورن ليلا وتنامون نهارا وهم في حالة طواري قصوي فالليل شغب والنهار شغب لا يستطيعون النوم فيكونون ضعفاء مهما كان عددهم * تمنعون عمليات الخطف وزوار الفجر الغير شرفاء
*استغلوا الاعلام لتبليغ صوتكم فالضغظ الخارجي رهيب جدا *استخدموا الاصباغ اللون الاسودلتغطية زجاج السيارات المصفحة لتشلوا حركتها *: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى . ملاحظة هامة اياكم وعمليات الانتحار فاذا كان مصيرك الموت فليكن برصاص طاغية*أخوكم عبد الرؤوف عبد السلام من تونس/http://amiralcafe.blogspot.com/2011/01/blog-post_25.html* الرب معكم ونحن التونسيين معكم يا مصرين" انشرها حتي لا يتاذي اخواننا في مصر..

maram يقول...

أزيك يا جايدا عامله ايه

حبيت اطمن عليك ويارب تكونوا ومصر بالف خير

تحياتي

وجع البنفسج يقول...

اختي جايدا ..
اشتقنالك كثير كثير ،، يارب يرجع النت ثاني علشان نطمئن عليك وعلى الاسرة الكريمة ،، ربنا معاكم يارب وان شاء الله ترجعي ع المدونة وتقولينا عاملين ايه في مصر .. ربنا ينصركم ويثبت أقدامكم .

وجع البنفسج يقول...

اختي جايدا ..
اشتقنالك كثير كثير ،، يارب يرجع النت ثاني علشان نطمئن عليك وعلى الاسرة الكريمة ،، ربنا معاكم يارب وان شاء الله ترجعي ع المدونة وتقولينا عاملين ايه في مصر .. ربنا ينصركم ويثبت أقدامكم .

noora يقول...

ياربي تكوني بخير ياجايدا وكل اسرتك بخير
ياليت تطمنينا عليك

ماجد القاضي يقول...

السلام عليكم

أرجو أختي الكريمة عندما يعمل الإنترنت أن تطمئنيني عليك وعلى الأهل.

نبع الغرام يقول...

وحشششششششششتينى اوووووووووووى ياترى اخبارك ايه؟ ياريت طمنينى عليكى ياقلبى

amiralcafe يقول...

الى كل مصري ومصرية..
والى كل مصري يريد رفعة هذا البلد المنكوب..
..الى كل من يريد ان يحقق ذاته وذات وطنه
الى كل الشباب الطموح..
..الى كل صاحب فكرة مفيدة
الى كل انسان لديه القدرة على صنع شيء جديد..
الى كل يد ماهرة في عملها..
الى كل ضمير يقظ..
..الى كل انسان ذاق الظلم ولايذيقه لغيره
..الى كل يد لم تمتد لرشوة وكل فم لم يطعم الحرام
الى كل من يريد العيش في كرامة..
..الى كل من لديه القدرة على التضحية بدون مقابل
الى كل استاذ جامعي عنده ضمير ولديه علم مفيد..
..الى كل طبيب يستطيع ان يساعد المرضى
الى كل مسؤل يرحم من تحت يديه..
..الى كل موظف يستطيع ان ينهي الاجراءات لمواطن مطحون في اقل من سنتين
الى كل معلم امين يستطيع ان ينمي العقول الصغيرة..
الى كل رجل اعمال لديه المال والخبرة لبناء مشاريع مفيدة..
الى كل انسان يريد ان يترك هذا البلد هاربا منها .لمن تتركها؟

..الى كل مصري ومصرية
ارجوكم تحركوا..
لا تقفوا ساكنين..
فليغرز كل من في يده نبتة في تراب هذا البلد..
وليضع كل من في يده لبنة في مكانها..
وليكتب كل من في يده قلم كلمته..
وليتكلم كل من لديه كلمة ليقولها..
وليمد كل منا يد المساعدة لمن يحتاجها..

لا اقول ان الطريق سهل بل اصعب مما نتصور,ولكن اذا لم نسير فيه من سيسير؟ ولا اقول انه لا توجد تضحيات , ولكن كلنا ضحايا اذا لم نتحرك

أضف تعليق

تصميم وتطوير - مدونة الاحرار - 2011.