الاثنين، يناير 17، 2011

مواطن مصرى يشعل النار فى نفسه اليوم امام مجلس الشعب


أشعل مواطن مصري النار في نفسه اليوم الاثنين أمام مجلس الشعب وهو يردِّد هتافات مناوئة لـ"جهاز أمن الدولة"، بحسب شاهدة عيان تحدثت لصحيفة "المصري اليوم" المستقلة.

وقالت الشاهدة التي رفضت الكشف عن هويتها: إن "الرجل وقف على رصيف مجلس الوزراء المقابل للبوابة الرئيسية لمجلس الشعب وسكب علي نفسه البنزين ثم هتف:" أمن الدولة يا أمن الدولة، حقي ضايع في الدولة"، قبل أن يشعل النار في نفسه.

وأضاف: إن "النيران أمسكت بكل جسده وقام الحرس باستخدام طفايات الحريق لإطفائها ثم أدخلوه عربة إسعاف ابتعدت به في ثوانٍ"، ولم تتمكن الشاهدة من تحديد وجهة عربة الإسعاف.

وشدَّدت على أن "الأمن حرص على إعادة المشهد في الشارع إلى طبيعته في ثوانٍ، ولكن بقيت بقعة كبيرة مبللة أمام بوابة المجلس إثر استخدام طفايات الإطفاء".

ومن جانبها ذكرت مصادر طبية أن المصاب يعاني من حروق من الدرجة الثالثة وحالته خطيرة جدا.

وتشير الدلائل الأولية أن اسمه عبده عبد الحميد، صاحب مطعم بالقنطرة شرق بمحافظة الإسماعيلية، من مواليد 1962 ، وأنه أقدم على ذلك بسبب غلق مطعمه ومحاولته تقديم شكوى للمسئولين، إلا إن محاولته باءت بالفشل، ما جعله يقدم على هذه الخطوة. وكانت هناك دعوات على مواقع الشبكات الاجتماعية على القيام بتحركات على غرار ما قام به الشعب التونسي.

وتأتِي هذه الواقعة بعد أن تسببت حادثة مماثلة وقعت في تونس يوم 17 ديسمبر الماضي في اندلاع شرارة انتفاضة شعبية أطاحت بالرئيس زين العابدين بن علي الذي فرّ للسعودية يوم الجمعة الماضي بعد 23 عامًا في الحكم، كما أشعل عدة جزائريون النار في أنفسهم احتجاجًا على ظروف البطالة وعدم السكن الملائم وتوفي شاب مساء السبت في ولاية تبسة بعد أن أحرق نفسه بسبب البطالة.

28 التعليقات:

مدونة الاحرار يقول...

الانتحار ليس هو الحل الامثل للوصول لاي غاية او هدف فالمنتحر خسر الدنيا وسيخسر الاخرة لان هذا يتعارض مع ديننا كمسلمون.

ولن يجلب الله الخير لاحد من فعل ما حرم. فما بني على باطل فهو باطل ..

الرجل مظلوم والله يعينه ويعين اهله على مصيبته لكن هناك طرق كثيرة للتعبير وليس بحرق نفسه. فلو اراد المظلومين في العالم ان يسلكوا هذا الطريق فسيصبح عدد سكان العالم بالمئات وليس بالملايين او المليارات.

خذوا العبرة من اهل غزة فلم اجد احدا حرق نفسه طول اكثر من ستون عاما من الاحتلال الصهيوني برغم المآسي التي تحدث يوميا سواء على ايدي الصهاينة او ايدي الاحزاب المدعية للوطنية فزة في نظر الكثيرين عبارة عن حقل تجارب منذ عقود طويلة . لكننا صامدون صابرون محتسبون.

الله يعين الناس على حالها وحقا من راقب الدنيا مات هما

يعطيك العافية جايدا وبعين الله.

هبة فاروق يقول...

هو يعنى لازم الواحد يولع فى نفسة علشان حقوقة ومطالبة
تتحقق بجد ماساة بمعنى الكلمة على كدة الشعب كلة يولع فى نفسة بقى
رحمتك يارب
مشكورة عايدة

جايدا العزيزي يقول...

وانا اؤيدك محمد فى كل كلمه

وهذا كان رائرى من البدايه

وسيظل الى اخر العمر

حرق انفسنا ليس بحل

والله نورتنى اخى
تحياتى

مدونة الاحرار يقول...

ملاحظة : يظن البعض ان الشاب التونسي بوعزيزي الذي قام باحراق نفسه هوا من اطاح بالرئيس التونسي الهارب من سدة الحكم ..


لذلك وجدنا شاب جزائري من بعده حرق نفسه واليوم اخر مصري والبقية تاتي ...

الشاب التونسي كان حرقه بمثابة وسيلة استغلها بعض من اقطاب النظام ليطيحوا بالرئيس المخلوع.

ولو كانوا سمنا على عسل لما استطاعوا ان يخلعوه.
فلا المظاهرات ولا القتلى ولا الحرق يمكن ان يطيح برئيس عربي على الاقل خلال عشرين عاما واكثر .

جايدا العزيزي يقول...

والله معاك هبه

فعلا رحمتك يارب

ولكن خصوصا فى مصر لو حتى الشعب كله ولع فى نفسه

الحكومه قادرة تحتوى الموقف

اشكرك غاليتى

تحياتى

جايدا العزيزي يقول...

مدونة الاحرار

محمد اخى

اعلم كل ماذكرته وها انا ارد بذلك

ولو حرق تمانين مليون مصرى انفسهم لن يطيحوا بالرئيس

وستبقى مصر رئيس بلا شعب

تحياتى

نبع الغرام يقول...

البقية تاتي للدرجه دى الناس هانت عليها اروحها وانفسهم

يااااااااااااااااااااه

ربنا يهدى الجميع
وده مش حل
رحمتك يارب اللهم اغثناااااااااااااااااااااا

تحياتى ليكى يا اختى الحبيبه

amiralcafe يقول...

تحي الحرية بالتكنلوجياهرب الرئس بالامن والامان رب الرئس بدولة القانون والمؤسسات هرب الرئس *هذه كلمات بن علي

العندليب يقول...

السلام عليكم:
مدونه بجد جميله
وتوبيك اجمل
بس برضو مها بجد يحصل مصر ام الدنيا ومذكوره ف القران
السلام عليكم

فاروق بن النيل يقول...

جايد( عايدا) العزيزة الغالية...................
ليس بسكب البنزين وإحراق الجسد وإرهاق النفس التى حرم الله قتلها إلا بالحق ليس بهذا تحل الأمور
لانأخذ الشابن محمد بوعزيز الذى أحرق نفسه بعد أن صفحته ضابطة شرطية لمنعه من البيع على عربته وهو خريج لايجد عملا.
صحيح هناك ظلم فى الحالتين لكن ليس بضعف الإيمان هذا تحل الأمور ,ارجو ألا يفهم أحبائى أن سبب الثورة وطرد رئيس تونس" زين العابدين بن على" هو هذا الشاب الذى أحرق نفسه وإلا نحن بهذا نظلم الشعب التونسى ونجحف حقه فى مناضلة الدكتاتور شهور أو أسابيع وضحوا بحوالى مائة شهيد قتلوهم عساكر الطاغية من وزارة الداخلية

خواطري مع الحياة يقول...

السلام عليكم
ده انتحر
يعني بيروح النار
يعني خرج من رحمة الله
يعني هذا مش حل
اكيد كان بعد فتره بيلاقي حل
(ولاتقنطوا من رحمة الله)
ولا حولة ولاقوة الابالله
تقبلي مروري
سلامي لاختي الطيبة.

محمد الجرايحى يقول...

هل يصبح هذا هو ثمن نيل الحقوق ..ومن يستطيع دفع هذا الثمن الباهظ ؟؟
لقد خلقنا الله أحراراً وحرم الظلم على نفسه وعلى العباد ..ولكن من العباد من تكبر وتجبر وطغى

ويكا يقول...

اولاً كما تفضل بعض الاخوه المدونين بتأصيل الاصل الشرعى بخصوص الانتحار [انه حرام ولا يجوز وقد يتسبب فى دخول جهنم.

اما موضوع تحركات مماثله هنا
هقول ان ده صعب فى الوقت الحالى لسبب واحد بس الا وهو :
ان بن على جلس فى تونس 23 سنه فقط اما حسحس جلس اكثر من 30 سنه يعنى فرق كبير اوى.

اذا كما قال الشاعر العظيم سعد زغلول :
"مفيش فايده"

sal يقول...

جايدا

انا حبيت اسلم بس
ولو انو فى تعليقات تستحق
بعض الردود خاصة اللى واخدين مهمة ربنا بايديهم
وي.....بلاش مش عايز مشاكل

تحياتى وتقديرى

أم هريرة (lolocat) يقول...

لا حول ولا قوة الا بالله

جايدا حبيبتى
بجد اعصابى تعبت كتير من الاخبار دى
تعالوا ياجماعة ننسى السلبيات والاخبار المحبطة دى شوية الحرية والنظام والعدل مش بالشكل ده خالص ابدا

فيه ناس كتير فاهمين المبادىء غلط


اللى هيستغل المواقف دى كلها اعداءنا كلنا
ياجماعة فى الزحمة دى واللخبطة اللى بتحصل اسرائيل عماله تبنى فى السكنات والمستوطنات بشكل فظيع عن الاول

تونس ربنا معاها ومع شعبها اللى حاى اصعب بكتير
مصر بقى اللى لسه بدرى عليها لما شعبها يفكر يتصرف صح لان فيه كابوس بقاله 30 سنة واقف على قلبها


اسأل الله العفو والعافية للمسلمين فى كل مكان وان يغفر ذنوبنا جميعا
تحياتى لك

مصطفى سيف يقول...

اختي الفاضلة
الاول بيقولو في المصري اليوم ان الاسعاف اخدته لمستشفى المنيرة ده بالنسبة للوجهة الغير معلومة
ثانيا بصراحة اللي عمله الاخ ده جريمة في حق نفسه وحق ربنا
ربنا كريم ورحيم واليأس من رحمته قنوط وكفر
اما لو كان عمل كده علشان الشعب يقوم ويثور بكرة فده صعب حدوثه مصر غير تونس
تونس بلد مؤسسات الجيش وقف مع الشعب وبيحميه في مصر مفيش حد مع الشعب
بكرة مش بعيد نلاقي تاجر مخدرات بعد ما يتقبض عليه يولع في نفسه ويقول اي كلام فاضي معقول ويسب في النظام وانه مظلوم علشان الناس تتعاطف معاه ولما يتحبس يلاقي اي جماعات معارضة تقول ده تعنت من الحكومة
ربنا يشفي الاخ اللي عمل كده في نفسه علشان بس ياخد فرصة تانية ويعرف ان اللي عمله كفر
تحياتي

مصطفى سيف يقول...

اه صحيح ليه كل حاجة كويسة في اي بلد تحصل ناخد الوجه الوحش منها ونقلده ونسيب الاساس والجزء الجميل اللي فيه؟
يعني بنقلد احراق الانفس ومش بنقلد صمود وارادة شعب

مدونة اكسجين مصر يقول...

السلام عليكم اختى العزيزه لا تخافى عليه مش امن الدوله لو مسكونى هتقفى معى يعنى ولا ايه وبعدين اكسجين مصر لكل الناس فى مصر بجد 2 انا بجد اسف كنت فاكر انى اعمل اعلان ليكى عندى اعذرنى 3 فيه دوره للمدون عن التجار بالبشر تحبى تشتركى فيه انتى واى حد من المدونين الرجاء الرد ضرورى فى مدونة اكسجين مصر

عاشقة الليل يقول...

أصلا من يوم ما حصل اللي حصل في تونس والأمن المصري والمخابرات على أهبة الإستعداد
يعني كل ده ولا يهز شعرة في رأس الحكومة
يمكن مصر محتاجه تتغير في كل المجالات لكن مش بالطريقه دي
مش بالعمليات الإنتحارية والفتنة الطائفية
التغيير لازم هايحصل بالتدريج وبالعقل
واخيرا " لا يغير الله مابقوم حتى يغيروا ما بأنفسهم "
تقبلي مروري جيدا إتشرفت بمعرفتك ...

مدونة رحلة حياه يقول...

السلام عليكم
هقول ايه برغم كل اللى بنشوفه واللى عايشين فيه
بس دا ابدا مش مبرر لان دا يحصل
قال الله
ولا تقتلوا أنفسكم إن الله كان بكم رحيما ومن يفعل ذلك عدوانا وظلا فسوف نصليه نارا
هما عاوزينها نار دنيا واخرة
دى مش موضة عشان الكل يقلدها
تقبلى كلماتى

وجع البنفسج يقول...
أزال المؤلف هذا التعليق.
وجع البنفسج يقول...

بتهيألي يا جايدا انه الانتحار أصبح موضة اليومين هدول ، وكأن البوعزيزي فتح باب يصعب قفله مرورا بالجزائريين مارا بالمصري والموريتاني واخيرا الجبالي " نسبة إلى جباليا وهي مدينة فلسطينية " ، مسلسل ضعاف النفوس مستمر .. على أمل إشعال ثورة !!
من قام بثورة تونس ليس البوعزيزي ولكنه إرادة شعب بأكمله .. البوعزيزي كان مجرد قشة قصمت ظهر البعير لا أكثر ولا اقل .. وبعدين الاخ اللي حاول ينتحر امام مجلس الشعب فاكر انه الشعب راح يثور زي تونس ، طيب ليش الشعب ما تحركش لما مات خالد سعيد او السيد بلال !! مصر تحتاج للكثير للقيام بثورة .. يارب يحفظ مصر واهلها ويسلمها من كل شر ..
تقبل مروري عزيزتي واعذريني على التقصير ..

Ms Venus يقول...

حرام بجد

الناس تعبانة فعلا


لكن مش الانتحار هو الحل اكيد

mrmr يقول...

دا اكيد انسان مختل عقليا
مش اللى اطلق الرصاص فى قطار سمالوط

شمس النهار يقول...

لا حول ولا قوة الا بالله

ربنا ينجيه

يعني اللي شنق نفسه علي الكبري عملوا ايه طلعوه مجنون

eng_semsem يقول...

واضح انه بيحب مصر اكتر من نفسه وضعفه صور ليه ان ده ممكن يغير حاجه ولكن هيهات لقد اسمعت ان ناديت حيا ولكن لا حياة لمن تنادي
وفعلا اللي خرج رئيس تونس والسبب الرئئيسي في عزله الجيش اكتر من اي سبب تاني وده صعب يحصل في مصر حاليا وده اللي حصل عندنا زمان اللي عزل الملك فاروق الجيش واللي شال محمد نجيب الجيش واللي قتل السادات الجيش وفي كلام بيقول ان عبدالناصر مات مسموم ولو ده حقيقي يبقى برده الجيش اللي ورا كده
تقبلي تحياتي

الربح من الانترنات يقول...
أزال المؤلف هذا التعليق.
شخص يقول...

ردة الفعل القوية تعني شيئاً ثقيلاً لا تطيقه الأنفس .

أضف تعليق

تصميم وتطوير - مدونة الاحرار - 2011.