الأحد، نوفمبر 13، 2011

أسبوع فى الارياف



السلامه عليكم ورحمه الله وبركاته

اولا عيد سعيد عليكم جميعا حبايبى والف شكر لكل من هنئنى بالعيد

على الميل او المدونه او الفيس

ثانيا وحشتووووووووونى اوووووووى


وتعالو احكولكوا بقى عن اغرب اسبوع فى الريف

قبل العيد بايام اتصلت بى بنت عمى تصر على حضورى زفاف بناتها امانى ورضا

لانى لم احضر زفاف ابنتها الكبرى عايده وقالت بالحرف ان البنات يريدون روئيتى

لانى لم اسافر من فرح اخوها ابراهيم منذ عشر سنوات

ولان المسافه لبلطيم كبيره كنت متردده فى البدايه ولكن تحت اصرار والحاح

زوجى واولادى واختى واخى وامى وابى وافقت فى اخر لحظه

ويوم الجمعه فجرا سافرنا







من اهم ما يميز بلطيم الملاحات والاف من مزارع السمك صوره التقطها من السياره لمزرعه سمك



دى اول صورة حينما وصلنا البلد زوجى ومياده ودلعها انوش ومحمد اولاد اخى ياسر

كانت اول حاجه يعملوها ركوب الحمير هههههههه




ده بقى ابنى حسام اخر العنقود رغم انه اول مرة يسافر وهو كبير كده

كنت فكراه هيكش ويخاف ويبعد لقيته شجاع جدا وكانه متعود على اللعب معاهم

ههههههههه حقيقى استغربت جدا بس ابن الوز عوام


حسام واسماعيل ابن اختى امانى على ظهر الحمار
وذياد واقف يراقب الموقف

ههههههههه ذياد دخل واحنا بنحشى يقول الحقوا الحمار بيعيط

هههههههههه قلتلوا ارحموه شويه






حسام ومحمد ابنى بيكلمه واسماعيل يقود المركب ههههههه



حسام ومنه بنت ابراهيم ابن عمى وعيده بنت بنت عمى اخت العرايس



عيده صممت انها تتصور مع الجاموسه ولما قلتلها انى هنشرها على الفيس والمدونه

قالتلى والنبى يا خالتى انشريها لو حتى فى الجورنال ههههههه

وده كان اول يوم وصولنا عشر حمير اشتكوا منهم وطبعا بعد ما رحت سلمت على اولاد عمى بيت بيت

وصورت العيال جيت على العشا وخلاص دخلت انام

وكل شويه حد يدخل يصحينى وافضل ازعق فيهم لحد ما تعبوا منى وسابونى نمت



تانى يوم صحيت على اذان الفجر اصل الجامع جنب البيت

واستغربت لما لقيت الكل صاحى هما مش بيناموا ولا ايه

وعرفت ان لنهارده لازم نودى العفش للعروستين وانا وامانى مدبسين مدلسين

ودى اول عربيه من عربيات العفش الخمسه عشر اها والله

ومحمد وذياد وحسام واسماعيل حاجزين اول عربيه





حاولت اصور كل العفش هههههههههه بس على قدى اها شلناه انا وامانى والقرايب


وبعد ما تممت على العربيات وعدد العيال جيت فى اخر عربيه وركبت

ومع ان امانى وامال بنت عمى اصروا يركبوا جنب السواق

ركبت انا مع بقيت الاهل جنب العفش عشان اطبل واغنى هههههه

بضحك لان صوتى راح وبقى صوت رجل ههههه اها والله

وصلنا بيت العرايس امانى ورضا اخوات واحمد وصلاح اخوات هههههههه

وطبعا البنات وصونى يا خالتى غرفه النوم انت وخالتى امانى بس اللى تدخلوها

طيب الشقتين قصد بعض دخلت اول شقه كانت لرضا واول ما دخلت اتخانقت مع العريس

فين شماعات الدولاب فين زجاج النيش ليه المطبخ مش متعلف ههههههههههههه

وكملت امانى ههههههه وفى ثوانى كانت كل حاجه جاهزه قلتلها عايزة اخلص الشقه

الاقى شقه امانى جاهزة هى كمان قال حاضر يا خالتى

كان يوم مرهق جدا واتارى المصريين عايشين فى راحه



اول يوم العيد صحيت الفجر وقمت اكلت ههههههه طفصه واول تكبيره لصلاه العيد

اخدت امانى اختى وامال بنت عمى ورحنا صلينا العيد

والاولاد راحوا مع حسن يصلوا

رجعنا من الصلاه فطرنا وقالوا هندبح ناكشت ابراهيم ابن عمى وصورت ههههه

الكل قالى مش هيرضى بس اول ما قال يابت قلتله فيه حاجه ياض

قالى لاء بكح قلتله بحسب

اصل اسكندرانى وزى ما بيقولوا كده وشوش .......... ههههههههه

يلاه عشان ما حدش من الاسكندرانيه يشيل فى نقسياته منى



ولسه ابراهيم بيقول كفايه صورة واحده قمت عندت معاه ويدوب اخدت الصورة دى

وجريت لانى كنت عمله للاولاد بروجرام هايل



قلت للسيد ابن على ابن عمى يلاه ورينا طريف الغيط قالى احضر العربيه ياعمه الغيط بعيد

وحضر العربيه هههههههه ذياد واسماعيل ومحمد وحسام وانوش ومحمد ياسر
ونورا وايه واسماعيل ابن على اسكندرانى عايش مع عمه بس زى العسل كل شويه ياكلنى

السيد ومنه ومحمد ابراهيم ياخبر ابيض بجد الحمار تعب



مياده ومحمد حسن وذياد بيصتادوا فى مصرف هههههههه

قلتلهم ياعيال المصرف ما ينفعش نصيد فيه بالسناره ما سمعوش الكلام

والله ولا سمه جابوها ههههههههههه

واسماعيل اللى دلعه لوما وحسام بيتعلموا الصيد



انا بس قلت عايزة اصوركم وسط البر سيم ولقيت الكل شمر ونزل هههههههه
ولسه بقول لابن اخويا ياسر الترعه غريقه ما حدش ينزل ببص لقيته راح رامى نفسه فيها

رميت الفون ونطيت وراه جبته من قفاه

ولما روحت امى سمعتنى احلى كلام

ما انا اللى جبته لنفسى

باقى صورهم على الفيس



يدوب على المغربيه ابتدت الشبكه قلت اتفرج شويه هههههههه

وهربت ودخلت نمت


امانى ورضا احلى اختين
لاحلى عريسين





امانى وعريسها بيناغشها وهى هاديه جدا


ودى رضا عريسها بيناغشها بس ايه متهوره جدا الله معه




حسام واسماعيل ومحمد ياسر يوم ماكنا راجعين ههههههههه

بردوا مصممين وبقول لحسام يلاه بقى هنرجع بتنا قال لاء ماما خلينا هنا


زوجى بيحضر العربيه للاولاد

قد ايه شال معايا كتير


وده بقى حمامه ابن عمى قلتله عايزة اركب الحصان

قام خرجوا من الزريبه وفضل يقولى خلى بالك من نفسك

قلتله ما تخفش عليا انا اجدع واحده تركب حمير

مات على نفسه من الضحك وقالى انت حرة

خفت وشميت فى حروفه ريحه مش عجبانى قلت يابت الطيب احسن

وصورت عليه الاولاد وده محمد ابنى منسجم ومبسوط اووووووووووى




وده حسن كنت عارفه انه بارع فى سواقه الموتسكل لكن اول مرة اشوفوا راكب موتسيكل

على ابن عمى كان خايف يكسره لكن لما شاف سواقته اطمن ودخل نام ههههههه


حسن طلع الحصان وركبه وحده ورغم تحذيرى اندهشت لبراعته فى ركوب الخيل

وقلتله خدنى قدامك والنبى

هههههههه حمامه ابن عمى رد وقالى يابت كفايهه واحد

بصراحه خفت بس ندمت انى ما ركبتوش ما حسن ركبوا والحصان هادى جدا

يلاه خيرها فى غيرها




ههههههههه مصممين يودعوا الحمير وحسام منسجم على الاخر ومحمد هينط ياخبر


اسماعيل على ظهر الحصان وذياد على العربيه هو ومحمد ابراهيم

ومحمد ياسر على الارض بيستعد للصعود هههههههه

بجد حسن ما سبش حد من الاولاد ربى يحرصه




ده عبدو اخويا سابنا وراح عند حماه وطبعا رحنا اخدناه بالعربيه

كلنا بنموت فى هنا وبندلعها انا



احلى انا فى الدنيا رقيقه وهاديه وجميله اصلها صورة طبق الاصل مننا انا وامانى ههههههه


انا وسط البرسيم اول ما وصلنا عند بيت جدها اترمت عليا

حبيبه قلب عمتها

طبعا هناك الكثير من الصور والكثير من المواقف حدثت

ولكنى الان ذاهبه لكى اوصل حسام للحضانه

لذا اشكركم مره ثانيه على سؤالكم الدائم عنى

وكل عام وانت بخير

احبكم فى الله احبابى

تحياتى

16 التعليقات:

هبة فاروق يقول...

يا جمال الريف يا بختك يا جايدا بجد كنت اتمنى يبقى ليه حد او قرايب هناك
اكيد رحله كانت جميله كل الصور بتقول كده
اللقطات جميله وطبيعيه ..مبروووك للعرايس والعرسان وعقبال ما تفرحى باولادك

جايدا العزيزي يقول...

فعلا جميل جدا هبه حبيبتى

وبعدين احنا فيها ياقمر

انا موجوده وكل اهلى هناك حبيبتى الاف اعمام وخلان وجدود يعنى الاف البيوت فى كفر الشيخ وبلطيم والرياض وكمان اسكندريه ههههه

بس انت انوى وانا اخدك اسبوع هناك

شكرا حبيبتى على تواجدك الذى يعطر صفحاتى

تحياتى

غير معرف يقول...

ثقافة الهزيمة .. عصابة البقرة الضاحكة‏ 3

وأنا تقديري الشخصي لهذه العملية الخاصة بسعاد حسني أنه لم يكن ثمة ما يدعو لأقتحام الغرفة عليها أثناء وجودها مع ممدوح والأكتفاء بمواجهتها بالصور التي حصلنا عليها من عملية الكنترول خاصة وأن الأقتحام تم أثناء ممارسة أوضاع جنسية وكانت سعاد عريانة،

وأذكر أنه في مرحلة من مراحل العملية كانت سعاد وممدوح متغطيين بملاية وكان ذلك من ضمن الأسباب التي دفعت إلى التفكير في الأقتحام أنما هذا لا يمنع من أننا ألتقطنا لهم صور قبل ما يتغطوا بالملاية، وقد كانت هذه العملية الخاصة بسعاد حسني هي أول عملية نلجأ فيها إلى هذا الأسلوب في التجنيد وهو ضبطها متلبسة.

باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

Unknown يقول...

كل سنه وانتي طيبه ست عايده
على فكره طلما انتي من بلطيم احنا طلعنا بلديات كمان
اصل انا من كفر الشيخ
يعني من الفلاحين
والله يا ست عايده وانا بقرا مذكراتك حسيت ان انتي قريبه مننا كتير تقريبا نفس اللهجه ونفس نمط الحياه في الريف
والحمد لله طلعنا بلديات ههههههههه
يارب ياست عايده تكوني اتبسطي انت والاولاد بالعيدفي
البلد وعلى فكره كان نفسي احضر العيد في بلدي ومعى بنتي بس مفيش نصيب
لاني دائما طير مهاجر خارج مصر
اسف على اطالتي الحديث وكل سنه وانتي بالف خير وسلام
ابو هايدي

جايدا العزيزي يقول...

ههههه

اولا انا اولاد عمى فى بلطيم لكن انا من كفر الشيخ

ومن الحصفه تحديدا لو تسمع عنها وعائلتى اكبر عائلات البلد

عيله جمعه اكيد سمعت عنها كتير

يعنى بلطيم بلد اولاد عمى سافر من سنين واستقر هناك كمان خالى عنده ارض فى بلطيم كتير

رغم نه رافض يسيب البلد ويروح هناك

يعنى بلديات يا ابو هايدى

نورت المدونه باطلالتك اخى

تحياتى

سواح في ملك اللــــــــــــــــــه- يقول...

ماشاء الله

بجد احلي حياة الواحد يتمني يعيشها بجد

تحياتي ياجايدا

ليكي ولحسن والاولاد

والعروستان

والعرسان

Ms Venus يقول...

حياه جميلة اوى

ربنا يحافظ عليكى وعلى اسرتك الجميلة يا جايدا

ومبرووك للعروسان

هشام الجندي يقول...

مبروك للعروستين وبالرفاء وبالبنيين والسعادة
ما أجمل حياة الريف
تحياتي لك يا أختي الغالية
ودمتي في حفظ الرحمن

غير معرف يقول...

دة محد حسن يا خلتو الى قال الحمار بيعيط

غير معرف يقول...

ابنك مش انا

جايدا العزيزي يقول...

سواح في ملك اللــــــــــــــــــه

فعلا اخى

حياه كلها طيبه وهدوء طبيعيه

الف شكر لك

تحياتى

جايدا العزيزي يقول...

فينوووووس

فعلا حبيبتى حياه جميله جدا

الله يبارك فيك قلبى

اشكرك

تحياتى

جايدا العزيزي يقول...

هشااام

الله يبارك فيك

وعقبالك يارب

ربنا يسعدك اشكرك

تحياتى

جايدا العزيزي يقول...

ذياد

هههههههههه

هو انا هفتكر ايه ولا ايه يا قلب خالتوا

واحده غيرى كان زمانها اتجننت معلش

انت ومحمد واحد ههههههههه

بس ايه رائيك وانت على الحمار هههههه

نزلتها ههههههه وانت ولا هنا وعملتلى هناك فرح

ههههههههههههه

باقى الصور على الفيس قلبى خلى ماما تنزلهم

وابقى هات الفلاشه معاك عشان تاهد باقى الصور وفكرنى بكتاب ارواح واشباح عشان اطلعوا لبنسى

سلام

EMA يقول...

و الله رحلة جميلة اوى حاسة كانى كنت معاكم هههههههه

الف مبروك للعرايس و ربنا يسعدهم

تحياتي ليكي يا قمر

Eng Reda Farouk يقول...
أزال المؤلف هذا التعليق.

أضف تعليق

تصميم وتطوير - مدونة الاحرار - 2011.