الاثنين، أكتوبر 03، 2011

أنا ما انكسرتش لسه


لاء انا ما انتهتش
أنا ما انكسرتش لسه
قلبى الحنون لساه برئ
دمع العيون عنيد جرئ
ولا بعدك هضيع
ولا يوم هتوه واقسى
طول ماالندى امل الزهور
وطول ما السما وطن الطيور
وطول ما الهوى نبض الحياه
بصرخ انا لا والف لا
لا بعدك هضيع
ولايوم هتوه واقسى
انا ايمانى بيقوينى
قوة عزمى بتخلينى
انسى اللى كان واداوى الجراح
واتحدى الزمان واضحك وجوايا الاه
لاء
انا ما انتهتش
انا ما انكسرتش لسه
قلبى الحنون لساه برئ
دمع العيون عنيد جرئ
ولا بعدك هضيع
ولا يوم هتوه واقسى
تحياتى

19 التعليقات:

eng_semsem يقول...

تحياتي لقلبك العنيد اللي مصمم يعيش مهما قابلته الدنيا بحاجات ترخم عليه
تحياتي لقلمك الرائع ونبضك في كلماتك
تحياتي

Mahmoud Ahmed يقول...

حلوه قوي قوي
بعد اذنك طبعا ( هلطشها منك ) و هبعتها لحد ^_^

هشام الجندي يقول...

دائما نتعلم منك أن الصمود رغم القسوة هو السبيل
وأن مهما أسئ له فيجب ألا ينكسر
تحياتي لقلمك يا أستاذة جايدا
ودمتي في حفظ الرحمن

Miss LoZa يقول...

بعد الشر عنك يا جودى من الانكسار
يا رب دايما جامدة كده :)

P A S H A يقول...

حلو الإصرار اللي فيها

تحياتي
:)

شمس النهار يقول...

ماحدش بينكسر بعد حد
بيعيش ويمشي في الطريق الجديد
بس بيحصل شرخ
والشرخ حسب قيمة وغلاوة اللي شرخ الشرخ

عمرو يسرى يقول...

يارب دايما عمرك ماتنكسرى
رائعه اوى اوى
تحياتى

غير معرف يقول...

صباحك غاردينيا جايدا
وحرف شامخ كـ أنتِ دائماً
ولكنه ممتلئ بعبق لزهور
وعذوبة الندى "
؛؛
؛
لروحك عبق الغاردينيا
كانت هنا
reemaas

سواح في ملك اللــــــــــــــــــه- يقول...

هي دي جايدا كما اعرفها

قوية لاتنكسر

ولاتقبل الهزيمة

جميل كلامك ياايزيس

تحيتي

Carmen يقول...

عجبتني اوي وعجبي القوة اللي فيها تسلم ايدك

ريري كربكه يقول...

جايدا البوست حلو اوي
وربنا يقوي عزمتك
تقبلي مروري
تحياتي لكي

Casper يقول...

كلمات رائعة
بسيطة وقوية في ذات الوقت

بالتوفيق
تقبلي مروري

مصطفى سيف الدين يقول...

احلى حاجة عندك ان كلماتك سهلة وبتوصل للقلب ببساطة
خاطرة جميلة دمتي مبدعة

رشيد أمديون يقول...

وجميلة بحق، ببساطتها واحساسها
ولهجتها كذلك :)

Unknown يقول...

بعد الشر عليكى من الكسره يا جودى يا روح قلبي

التوبيك برغم حزنه الا انه بجد رائع جدا

يسلم احساس يا ارق واطيب قلب ف الدنيا

زهرة يقول...

جايدا

بحب انا اوى الاصرار دة

وبموت ى الكلمه العاميه

جميله اوى ومبدعه كعادتك

يسلم قلمك:))

غير معرف يقول...

قصيدةلهامعانىكبيرةولكن لاتكنىلينةفتعصرىولاتكونىصلبةفتكسرى تمنياتى بدوام النجاح

sabry abo-omar يقول...

انتى بالعامية كمان جامدة طحن.. أيه رأيك فى طحن دى.. المهم شكلك داخلة على موضوع كتابة الأغانى بقوة.. خايف عليكى من الوسط ده ( عمرو دياب وتامر شكلهم هايتخانقوا عليكى ).. تسلمى

ツSmiLeY AnGeLツ يقول...

بحب كلامك
بحب اصرارك
بحب عنادك
كل يوم احبك اكثر واكثر ياام القلب الطيب الحنون

كلام روووووووةع فيه اصرار وعناد وعزة نفس

تقبلي مروري ^_^

أضف تعليق

تصميم وتطوير - مدونة الاحرار - 2011.