السبت، سبتمبر 03، 2011

يوميات امرأة من الارياف (1))

اللى فى صورة ده برسيم للى مش عارف

فى مثل هذا اليوم منذ عام قررنا الذهاب لقضاء يوم او اثنين فى مسقط رأسى والمكان الذى شهد لحظات ولادتى
وبعض من طفولتى واليكم ساحكى بعض الذكريت وعزرا لو كان هناك عدم فهم للغه فهى اللغه الريفيه التى كنت اتحدثها جيدا
وصلنا البلد وقررت وبعد الغداء قررت اصطحاب اولادى وزوجى واخى الغيط فقد اشتقط ان اعانق الزرع وارفرف كا الفراشه مثلما كنت طفله

وصلنا الارض ولقيت عمى قاعد بيحش برسيم ابتسمت وبعد ما سلمت عليه طبعا انشغل بالترحيب بينا
قلتله عمى ممكن اخد مكانك شويه مات على روحه من الضحك وقالى اخوكى السنه اللى فاتت لسه يدوب بيمسك المنجل عور ايديه الله يخليك انت جايه تتفسحى بلاش
ابتسمت وقلتله طيب ما انت عارف انى ياما زمان مسكت المنجل وحشيت فدادين
ضحك بصوت عالى وقالى يا عايده ده كان زمان دلوقتى اكيد نسيتى انت عايشه فى البندر بقالك سنين
وبيبنى وبينى نفسى قلت لكن بيشدنى الحنين جايز عشت فى البندر وقابلت كتير وشفت كتير
لكن لسه بيشدنى الحنين للمنجل والغيط جايز البندر ما قدرش ينسينى اهم واغلى حاجتين ماسكه المنجل والقلم
هما دول اهم شيئين برعت فى الحفاظ عليهم
وبسرعه قبل ما يوصلنى الرد قلعت الجاكت الللى جى هديه من امريكا ورميته على الارض
وقلعت الجزمه اللى بشء وشويات هههه
وقعدت على ركبى بالبنطلون الجنس وسماعات الاى باد لسه فى ودانى
ومسكت المنجل وفى دقايق حشيت برسيم كتير واستغرب عمى وقالى ياه انت غلبتينى انا كنت فاكرك هتحشى البرسيم زى اخوك من النص
ده انتى قرتى علييه اكتر منى وابتسمت لما شفت علامات الانبهار من زوجى واولادى واولاد عمى واخواتى
فهم يعلمون جيدا اننى اكثرهم براعه من صغرى ولكنهم لم يغلموا ان البراعه لاتأتى من فراغ
وعدت بالذاكرة للماضى
كنت طفله لا تتعدى الثامنه من عمرها مهمتها اليوميه التى لا تتغير ان تاخذ البهائم وتذهب للغيط
تسقىهم من الترع وتحش لهم الذرة والبرسيم وفى الايام التى لا يوجد فيها زراعه تجهز الدريس والعلف وتحملها معها على الحماره لاطعام بهائمها
ولكنها ذات يوم من ايام أمشير البارده كانت تركع على ركبتها تحش البرسيم فى اجتهاد
وكانت السماء تنهمر بامطار لم تراها سابقا وكانت ترتدى جلبيه ريفيه باليه وتشعر بالبرد والخوف وفجأة قطع المنجل كفها وانهمرت الدماء بغزارة لتغتلط بالمطر وهى تبكى وتبكى
وهى وحيدة والبيت يبتعد عن الغيط بساعات ماذا تفعل وهى لا تملك غير البكاء
ورقت لها السماء وكانت تمر امراه تسحب بهائمها عائده لبيتها هربا من البرد والمطر والرياح
وجرت عليها واحتضنتها وامسكت بقطعه كبيرة من الطين وكتمت بها الجرح
وقالت يلاه قومى نروح
رديت طيب خالى ممكن يزعقلى ويقولى ليه رجعتى
قالت لا لن يفعل وعدت معها رغم خوفى وحتى اليوم مازال الجرح تاركا اثره على كفى
فرق كبير بين اليوم وامس
سبحان الله
والحمد الله ولا اله الا الله
اللى مش فاهم معانى المفردات ممكن يسأل وانا هرد عليه فى التعليقات
تحياتى

26 التعليقات:

ريــــمــــاس يقول...

صباحك غاردينيا جايدا
وماأجمل البساطة وحياة الريف
والعودة بـ الذكريات للطفولة
شهرت بحنين ولهفتك وأنتِ تكتبين سطورك
جميلة تلك المشاعر "
؛؛
؛
لروحك عبق الغاردينيا
كانت هنا
reemaas

reemaas يقول...

حلوة الذكرة دى
اللى بيتعلم حاجةوهو صغير بيفضل فاكرها جدا

فاهمة كل التعبيرات احنا ارياف اصلا

elsayed azab يقول...

أجمل ما فى كلماتك البساطة.. لو حياتنا كلها اتحولت لنموذج البساطة والجمال ده أكييد هنتغير لبلد راقية فكرا وأخلاقا لإنها ببساطة مش بس هتكون حياة سلسة لأ ممزوجة كمان بأخلاقيات الريف اللى هو الأصل ..

جايدا .. أشكرك بجد انتى مش بس رجعتينا لأصلنا .. أننا حييتى فينا ذكريات منسية ..

أشكرك ..

تحياتى

محمد الجرايحى يقول...

أجمل شىء إنها ذكريات كتبت بعبق الريف وهوائه العليل
تحياتى لك سيدتى

محمود عسكر يقول...

بصراحة شوقتيني اعرف اين مسقط رأسك في الأرياف لأنك نسيتي أن تذكريه أو قصدتي ذلك

فعلي الرغم أني من أرياف صعيد مصر إلا أن لهجتك تختلف كثيرا عن لهجة الصعايدة
أكيد أرياف بحري..لكن بالطبع لم اعاني من فهم مفردات موضوعك

عجبتني الجملة دي جدا
"وقعدت على ركبى بالبنطلون الجنس وسماعات الاى باد لسه فى ودانى"

الله هتكون دي الموضة السنين اللي جاية

تحياتي وتقديري

جايدا العزيزي يقول...

ريــــمــــاس

مساءك جورى غاليتى

اجل غاليتى ما اجمل البساطه

وما احلى العوده بزكرياتنا للطفوله

وما اجمل مرورك الذى طالما انتظرة

تحياتى

Mona يقول...

أحب البساطة وأحترم الأنسان الذى لايتكبر والذى يصل رحمه - والذى لا يخجل أنه فى يوم كان أبن الريف وأتعجن بطين البلد أحلى بلد - تعرفى بقى أنا كنت فى مدرسة فرنساوية علشان ماماتى كانت بنت باشوات وبابايا كان رجل عادى من حوارى مصر القديمة (زى الأفلام العربى بجد :) ولما كنت بروح عند ستى فى مصر القديمة كانت بتبعتى أشترى لبن من الزريبة!! كنت بخاف أقول لمامتى لأنها لو عرفت كانت حتدبحنى وتتدبح عائلة أبويا كلهم :) وكنت بتكسف أحكى لصحبتى وأنا صغيرة بس لما كبرت مابقتيش أكسف خالص بل أفتخر أنى أقدر أتأقلم مع أى شخص وأعرف أتعامل مع كل أنواع البشر وفهمت درس جدتى كويس جدا :) تحياتى أحييتى فى ذكريات حلوة

جايدا العزيزي يقول...

reemaaS

اكيد حبيبتى

واحلى من الذكرى اطلالتك وتواصلك غاليتى

والحمد الله اننا بلديات

اشكرك

تحياتى

جايدا العزيزي يقول...

elsayed azaB

طبعا البساطه شئ جميل لانها تصل للقلوب بسهوله

واكيد رائيك صائب فاخلاق الريف نادرا ما تجدها لانها ولدت وترعرت معنا وهذا يساعدنى على ان اكمل اليوميات

مرورك دائما يسعدنى اخى

اشكرك

تحياتى

جايدا العزيزي يقول...

محمد الجرايحى

أجل اخى ذكرياتنا هى جزء منا

ولكن الاجمل هو مرورك

اشكرك

تحياتى

جايدا العزيزي يقول...

محمد عسكر

مسقط راسى قريه من قرى كفر الشيخ اخى

وحقا لم اتعمد عدم ذكره ولكن لان المقربين منى يعلمون مسقط راسى

ربما اختلفت اللغه قليلا ولكننا بالطبع كريفين سنستوعب بسهوله المفردات

مرحبا بك وبجميع اهل الصعيد

انبل واجدع ناس

جايز اخى حاليا النت وصل الارياف وبقى عندهم ايميلات

وكمان دش وفضئيات

فاكرة زمان كنا بنتلم على راديو صغير وده كان هو الصله الوحيده للترفيه

وجارى ذكر باقى اليوميات انشالله

اسعدتنى زيارتك الاولى لمدونتى

وما اسعدنى اكثر ان هواء الارياف جزبك الى هنا

تحياتى

جايدا العزيزي يقول...

منى
عارفه ايه اكتر شئ اسعدنى

انى صحيت جواك ذكريات جميله

حياة الريف مختلفه تماما

بسيطه صريحه يحيطها الوفاء والتعاون والمشاركه

برغم الشقا والاجتهاد والتعب

لكنها فى نظرى حياه صافيه

جارى ذكر الزريبه فى اليوميات التاليه

وعايزه اقولك اللى مالوش ماضى مالوش حاضر

اجمل حاجه اننا ما نتكسفش من اصلنا

لانه هو الباقى هو اللى كبرنا وغرس فينا الطيبه والوفاء

وعايزة اقولك الارياف ناسهااطيب وبتسامح وما بتشلش من حد

ناس باين على ملامحها الشقيانه الطيبه والعزيمه والاصرار والتحدى

ولو حنيتى للريف والزريبه تعالى حبيبتى وانا اخدك بلدى ونعيش يومين

ما انحرمش من زيارتك الدائمه التى دائما تسعدنى جدا

تحياتى

Miss LoZa يقول...

حلو ده :)
الى بيحسسنا بجمال الحاجة لما نشتاق ونرجعلها
علشان كده حسيتك مشتاقة للمدونة بتاعتى واكيد هترجعلها
ههههههههههههههه

سواح في ملك اللــــــــــــــــــه- يقول...

دانتي حكاية ياايزيس

MaNoO يقول...

عارف انا المفردات جدا لانى بسمعها دايما هنا
جميل أن يكون الذكرى فى مسقط رأسك القريه القريه فى مصر تملك كل شىء كل المشاعر والاحاسيس التى تعبر عن بلادنا
البلد الحلو فيها الحاجات الطبيعيه مش الحاجات المتزوقه
منتظر الجزء التانى ان شاء الله

مصطفى سيف يقول...

حياة الريف حلم لكل من ينشدون الهدوء والجمال
والذكريات هي دار السعادة
شكرا لانك شاركتينا معك ذكريات جميلة
تحياتي لكي ايتها الطفلة التي لن تشيخ ابدا

جايدا العزيزي يقول...

Miss LoZa

طبعا حبيبتى

بس انا لسه هرجعلها ما انا رجعت

ولا انت لسه مش واخده بالك

عمرى ما اقدر اتاخر عن حبايب قلبى

تحياتى

جايدا العزيزي يقول...

سواح فى ملك الله

ميرسى اخى

ههههههههههه

انت لسه شفت حاجه

دايما لحروفك رونق خاص

تحياتى

جايدا العزيزي يقول...

MaNoO
اولا الف حمدالله على السلامه

ليه الغيبه الطويله دى

وبلاش تطول علينا الغياب تانى

لو اختك انشغلت اسأل عليها انت

الاجمل من الذكرى تواجدك اليوم وعودتك للمدونه

انشالله سياكتب الاجزاء قريبا

اشكرك

تحياتى

جايدا العزيزي يقول...

مصطفى سيف

اجل اخى احيانا تمنحنا ذكرياتنا بعض السعاده والامل والسكينه

دائما اسعد بتشجيعك جدا

وانا من وجب عليها شكرك

شكرا جدا على الثناء

تحياتى

haneen nidal يقول...

اسعدني المساء هنــــــا *_-

بساطة و ذكريات رائــع و الحياة البسيطة حاجة روحية يهنئ بها كل انسان

ودي

Miss LoZa يقول...

حبيبتى يا جودى والله
تسلميلى :)

Citizen X يقول...

جميلة جداً التدوينه دي
لها طابع لذيذ مش فاهمه بس مش دائما أقرأ التدوبنه كلها فقط آخذ فكره علي السريع

لكن هذه التدوينه جذبتني لأقرئها كاملة

أسلوب جميل

تحياتي

عذبُ الكـلام

وجع البنفسج يقول...

جميلة هي حياة الفلاحين ..

استمتعت بالقراءة كثيرا ..

استمري .

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

أضف تعليق

تصميم وتطوير - مدونة الاحرار - 2011.