الخميس، أغسطس 04، 2011

يا مصريين ((إسرائيل تسأل أين الرحمة))




فى البدايه أرجو ان تسمحوا لى باقتباس بعض الفقرات التى نشرت اليوم فى اهم الصحف الاسرائليه
وقد كان مصدر الاقتباس مدونة الاحرار

أرجو من مثقفين مصر ان يدركوا جيدا عمق الكلمات فى نفوس العالم العربى والغربى
للأسف صرنا بالبلدى لبانه فى فم اليهود
بعد ان كانوا يصابون بالرعب من مجرد ذكر كلمه مصريين

واليكم بعض ما نشر فى الصحف الاسرائليه

كتبت صحيفة معاريف الاسرائيلية تحت عنوان "محكمة الذل لمبارك " يبدو ان الانسانية بحاجة للاذلال كحاجتها لسمو وهي بحاجة لان تحطم كحاجتها للسجود ؟ انها وجهي العملة القديمة ولا يوجد لو شحص واحد من بين من شاهدوا ما يحري لشخص هو في حساب الموتى بلغت مهما بلغت دكتاتوريته لم يشعر بذرة رحمة واشفاق فما بالنا حين يدور الحديث عن رئيس حافظ على وقف اطلاق النار معنا وسلاما هبت منه الرياح الباردة لكنها افضل بما لا يقاس من نار الحرب ".
ونشرت الصحيفة مقالا مطولا للصحفي عوديد غرانوت المتخصص بالشؤون العربية قال في مطلعه " لم يخطر ببال الرئيس مبارك حتى في اسوأ احلامه ان يجد نفسه مسجى على سرير المرض داخل قفص الاتهام في عاصمته القاهرة، وحتى متظاهري ميدان التحرير لم يحلموا بانه وبعد ستة اشهر فقط من ثورتهم سيحظون بمشاهدة افتتاح محاكمة الشحص الذي حكم بلاده مدة 30 عاما بيد من حديد حيث قمع حقوق الفرد وسرق لكنه حافظ على دولته البالغ عدد سكانها 85 مليونا، مضافا اليهم مليون طفل يولدون سنويا بعيدا عن خطر الانهيار والتفسخ".

وكتب الصحفي "ايتان هيبر " مقالة نشرتها الصحيفة على صدر صفحتها الاولى وحمل عنوان " اين الرحمة؟" قال فيه " لقد ظهرت الدموع، على الاقل في عيوني حين ظهر مبارك على الشاشة مريضا مغطى ببطانية يقضم أصابعه ويبرم شفتيه ويتقلب على سرير المرض من بين قضبان القفص لقد ظهر للعالم مهانا ومذلا عبارة عن حطام انسان ، اين هي الرحمة؟".


كيف يضعون شخصا طاعنا في السن ينخره المرض داخل قفص ذليلا على مرأى الجميع؟ وفقط من رأى حسني مبارك في اوج قوته يستطيع تقدير مدى الانكسار انه الشخص الذي حكم 80 مليون وكان حركة صغيرة من عينه تشكل حكما مبرما على الاخرين وكانت بيده قرارات الحرب والسلام ليجسد يوم امس المثل العبري المتطرف "سقط من اوج قوته الى الدرك الاسفل ".

للأسف فقدنا الرحمه بينما صار اليهود ينادون بها
ولم نكتفى بالقضاء ولا العداله صرنا نصدر احكامنا ونشمت ونردد الله لا شماته
ههههههههههه
واعتقد ان ما حدث فى الجلسه عبره لمن لا يعتبر
عدم تنظيم وهرجله وحقا ما اغضبنى ان محامين اهالى الشهداء جميعا بلا اثتثناء يطالبون بالتعويض المادى

هل دم الشهداء له ثمن
انا لست معه ولا ضده ولكنى كنت اعتقد ان هناك من سيفهمنى وسيدرك وجهه نظرى
وقد ظهرت الان نسينا الثورة ودم الشهداء وركزنا على مبارك والتعويضات
واتهمنا باننا شعب لا يعرف الرحمة
ومن من؟؟؟؟؟؟؟؟

25 التعليقات:

Casper يقول...

دي حاجة معروفة من زمان
ان اليهود طيبين وقلوبهم مليانة رحمة D:
ِشر البلية ما يضحك

Ramy يقول...

عارفه

من كتر ما كنت منغاظ اول البوست

قعدت أضحك على الهطل اللى كتبينة

حافظ على البلد من التفسخ

أقول ايه بس

خلى الواحد محترم احسن

(:

الصبر عنواني يقول...

لا إله إلا الله


نو كومنت !!؟؟

جايدا العزيزي يقول...

اكيد كاسبر ما هو ده اللى حبيت الفت النظر ليه

هما يعرفوا الرحمه بامارة المجازر واحنا نسيناها

اشكرك وكل عام وانت بخير

جايدا العزيزي يقول...

رامى

ههههههههههه

اولا اشكرك بس الهطل ده انا اقتبسته مش انا اللى كتبته

عموما شكرا رامى

ولو كان ده فى نظرك هطل

انا اعتقد انى اكتب على مدونتى وانا حرة

لا اقتحم مدونتك واكتب فيها هطلى

شكرا

جايدا العزيزي يقول...

الصبر عنوانى

محمد رسول الله

شكرا على الزياره التى اسعدتنى

وتكفينى اغلى كلمه فى الوجود

تحياتى

Ramy يقول...

يا نهار ابيض

انا قصدى عليهم صدقينى

لأنك منوها عن ده ف اول البوست

ابداً مقدرش اقول على اعى شيىء تكتبيه

برضه انت تصدقى كده

(:

Ramy يقول...

و لو لاحظتى

انا كاتب اللى كاتبينه

مش اللى كاتبه

جايدا العزيزي يقول...

اوك رامى حصل خير

ولكنى اعتقد ان لكل منا وجهة نظر والاختلاف فى وجهات النظر لا يفسد للود قضيه

وحكم القضاء هو ما سيكون الفاصل

اشكرك

تحياتى

سواح في ملك اللــــــــــــــــــه- يقول...

الرحمة

واين الرحمة باطفال فلسطين الللي هما نازلين تدبيح فيهم

والمجازر الللي شغالين فيها

لوكان هذا الرجل يحكم اسرائيل بنفس المنهج لاعدموه دون محاكمة


تحيتي ياايزيس

غير معرف يقول...

رحمه!!!!!!!!!!!

الدور جاي عليهم وأسرع مما تتخيلوا

ووقتها بئا

هناخد بتار كل فلسطيني الطاق ألف

جايدا العزيزي يقول...

سواح فى ملك الله

اصبت اين الرحمه باطفال فلسطين

الاسرائلييين صارووووووو رحماء

اشكرك

تحياتى

جايدا العزيزي يقول...

مصرى جدا


اجل اخى اعتقد ان اليوم الذى ينتظره كل عربى قد قرب موعده

كلنا نتمنى ذلك

شكرا على الزياره واسفه على تقصيرى

تحياتى

مونتانا يقول...

مساء الخير جايدا ..
تعرفي .. اعرف واحد عمه اكل حقه لمجرد ان مراته واولاده بيقوللوه لأ .. الحاجه كلها باسمك محدش له حق فيها ..
قطع رحمه عشان يرضي بشر من مصلحتهم انهم يغموا عنيه لمصالحهم ..
ومع ذلك الواحد دا بيزوره و مبيبطلش بيسال عليه بيروحله في كل مكان المسجد الشارع البيت وبيطرد بيتلككوله كأنه جاي يورثه مش جاي يطبطب عليه ..
اخر مره راحله فيها المسجد قاله اصولنا بالارحام يا عمي .. انا عارف انك طيب بس انت كدا هتضيع بسكاتك علي ال بيحصل .. اعمل ال عليك وتعالي افطر معانا و خلينا نلم الجراح .. وكان جوابه انا تعبان مش هقدر اجي ..

من كتر ما الانسان دا حس بظلم اقرب الناس ليه بقي كل ما يمشي علي رجله ويتالم وهو متاكد ان له حق يعيش زي الناس ويجيب عربيه ويتجوز جوازه حلوة و يكمل تعليمه و يجيب حق اخواته بقي يقول حسبي الله ونعم الوكيل في كل ظالم .. مابيهونش عليه يدعي علي حد دمه من دمه ..
ولا شماته في المرض .. دلوقتي عمه مريض وفي حالة حرجة .. و بدون أي مبالغه .. هو وكل ال حواليه بيدعوله بالشفا .. رغم انه ظالمهم .. بيدعوله بالهداية رغم انه مش حاسس انه بظلمه دا هيولد طراهية لاجيال جايه و مهموش لا كلام شيوخ ولا حد وكانه بيدفن ال بيحبوه بالحيا ..
هما فوضوا امرهم لله و لانهم بيحبوا الخير ليه ميتمنولولش ابداً انه يظهر في يوم بالشكل دا
دموعهم نزلت لوحخدها لما شافوا رئيس بلدهم اعظم بلد في الكون بيتحاكم علي سرير المرض مهما كان هو مين .. غصب عنهم بكوا .. لكن لم يعترض احد ابداً ومش من حق حد يعترض علي اللي حصل لان سبحانه القائل
قل اللهم مالك الملك تؤتي الملك من تشاء وتنزع الملك ممن تشاء( [آل عمران/26]
وانا مع رأي .. حنين ميلاد
Hanèn Milèd الشيخ الشعراوى رحمه الله قال حينما ترى المجرم يُحاَكم لا تنظر اليه , وتشفق عليه بل انظر الى جريمته. تذكروا قول رسول الله صلى الله عليه وسلم"إنما أهلك الذين من قبلكم،اذا سرق فيهم القويّ تركوه،وإذا سرق فيهم الضعيف أقاموا عليه الحدّ،وأيم الله،لو أن فاطمة بنت محمد سرقت لقطعت يدها.

مش مكله ابداً اننا نكون عاطفيين انا شخصياً حزين ان اشوف رئيس بلدي بيتعمل فيه كدا .. حاجه مقبلهاش علي نفسي ولا علي حد .. لكن تعالي نسلم روحنا لقضاء ربنا العادل .. ونحمده علي كرمه و حكمته ليتعظ الاخرون .. لندعوا من قلوبنا لكل قطرة دم راحت لشاب كان ممكن يفيد بلده في مقابل انكار الجميع لأي تهمه منسوبة اليهم .. ليه بيصعبوا علينا ومبنصعبش عليهم ليه :(((((( حسبي الله ونعم الوكيل

مونتانا يقول...

أراكي تضعين تحية لشهداء الثورة .. وفي نفس الوقت تستعيني باستغاثة من ليس بقلوبهم رحمه ..
هكررها .. ليه مبنصعبش عليهم يا جايدا :$
ليه بيصروا يخلونا نضحك واحنا في عيونا الف دمعه .. ليه؟

غير معرف يقول...

الدولة الوحيدة فى العالم اللى قالت ان يوم محاكمة مبارك يوم حزين و انه رجل وطنى حقيقي هى اسرائيل و ده فى حد ذاته يجيبله اعدام

Tears

Unknown يقول...

جودى يا حبيبة قلبي والله انا فاهمه اوى اللى حساه واللى انتى عاوزه تقوليله وكمان ساعات كنت بحس انه صعبان عليا عشان سنه وعشان كمان ارحمو عزيز قوما ذل
بس صدقينى لما بفتكر خالد سعيد وصورته اللى وجعت قلب كل الناس وبفتكر اللى ماتو وهو عارف وهو كمان اللى كان بيحرض على قتلهم الشباب اللى زى الورد ده كا منظرهم بيقطع القلب بقول لاء هو احسن منهم ف ايه عشان هما يموتو ف الشوارع ودمائهم تسيل ف الارض ويتعذبو وهو يموت ف سريره مرتاح وكمان الناس اللى ف المعتقلات انا ابن خالتى كره نفسه من كتر اللى اتعمل فيه على ايديهم وبسبب مبارك كسره وهنونه وجرحو رجولتو يااااااااااااااه بجد الواحد قلبه تحرق من اللى شافوه ازاى نرحمو وهو مش رحمنا

انتى بقى وحشانى اوى يارب تكونى بخير وكويسه الولاد كويسين والاستاذ حسن سلامى ليهم جميعا

جايدا العزيزي يقول...

مونتانا

اولا انا اتفهم كل كلمه قمت بشرحها

ولكننى هنا اشير الى قضيه هامه

وهى ان اسرائيل من لا ترحم تنادى بالرحمه

وبرغم انى من مؤيدى مبارك

الا انى ايضا اعتز بشباب الثورة

وطالما شرحت وجهه نظرى سابقا كثيرا

انا ضد مبارك وهو قوى

معه وهو ضعيف وان كان سرق وقتل

فالحكم الان فى يد القضاء

ولانى مسلمه فلا ارضى بالذل لاى مسلم

وانا اضح صوره شباب الثوره عن اقتناع ليس بغيه التشهير اتدرى لما لانهم قالوا لا مثلما كنت دائما انادى بها اعلم انك تفهم وجهه نظرى

واعلم ايضا انك تفهم اننى احاول ان اشرح اننا نسينا قضيتنا الاساسيه واعتبرنا مبارك هو القضيه الام

تحيه الى شباب الثوره

اما تأيدى لمبارك فشئ يخصنى وحدى

واتمنى ان تتفهموا جيدا لما انا معه الان رغم انى كنت ضده بالسابق

تحياتى

جايدا العزيزي يقول...

تريز

اولا وحشانى جدا

ثانيا كل سنه وانت طيبه يا احلى وطنيه

جايز ده دليل اتهام وادانه لمبارك

ولكنى نشرتها لغرض فى نفسى

من لا يرحم الاطفال والشيوخ تخطوا اقدامهم على اشلائهم يتسألون اين الرحمه

شكرا غاليتى

تحياتى

جايدا العزيزي يقول...

منه

اولا وحشانى حبيبة قلبى

ثانيا كل عام وانت بخير

ثالثا انا عارفه انك فهمانى

ومستوعبه جيدا لكل كلامك

ومقدرة لدم الشهداء

ليس خالد سعيد وحده من حررنا

بل كل شهيد كانت دمائه ثمن لحريتنا

انا معهم بقلبى وفكرى

ولكن كانت لى وجهه نظر اعلم جيدا انك الوحيده من ستفهمها

واعلم جيدا من عانى من النظام السابق

شكرا غاليتى

انا بخير حبيبتى وحسن والاولاد

المهم ياريت تطمنينى عليك ولو برساله على الفيس

كل عام وانت بخير حبيبتى

دعواتى

تحياتى

مونتي يقول...

احترم فيكي تمسكك برأيك و تقديرك لانسان بمبدأ ارحموا ضعيف قوم ذل .. :))

ツSmiLeY AnGeLツ يقول...

حبيبة قلبي عيوده وروح قلبي وحياتي

العين بالعين والسن بالسن والبادي اظلم

هم زعلانيني ورحمين مبارك عشان كان دائما معاهم مايقول لهم لا
الغاز وكان يصدره لهم بابخس الاسعار

بعدين محاكمته وشكله بالمحاكمة زي صدام
يعني صدام اترحموا عليه طبعا لا
واعرفة انك بتقولي كذاك صدام قتل شعبه وسرق وكان ديكتاتور

بس كان زي مبارك حاكم على دولة
يعني شخص في يوم كان له هيبة وكانم الكل يخشاه وكان حاكم دولة وفجاءة يصبح متهم في قفص الاتهام
يعني الاثنين مشتركين بشي
انهم كانوا حكام دولة
وكان الامريكان يهابوه
وليه مافي حد اترحم عليه لانه مااعطئ لاي دولة الي تريده منه

بس صدام لقى من رحمة
وهو الله الي مافي بعد رحمته رحمة

واقولها مرة ثانيه
العين بالعين والسن بالسن والبادي اظلم
وربنا شرع لنا القصاص



ايوة الان انت فينك
ماشوفك لي كثير ومش عارفة اخبارك
ازيك ياقمر؟؟؟؟؟؟؟؟
يارب تكوني بالف خير
طمنيني عليك ^__^

كريمة سندي يقول...

والله لما شفت المنظر أتمنيت أن كل الحكام العرب الديكتاتورين يكونوا معه فما أكثرهم من المحيط للخليج .. مرة واحدة نحاكمهم ونخلص منهم!!

غير معرف يقول...

اولا ارجو استبدال كلمه يهودي بصهيوني او اسرائيلي فذلك ادق :)

ثانيا كان لابد من وجود تلك " المندبه " الاسرئيليه على اهم عميل لهم في مصر ..

ثالثا الدعوه بالحق المدني اصل من اصول القصاص .... بما يشابه الديه .... اما الحق الجنائي فيطالب به وكيل النائب العام ..

رابعا .... في فرق بين الشماته وشفاء الصدور .... واهل الشهداء والمصابين لابد ان لا نحرمهم من شفاء صدورهم بالعداله ..

واظنك شاهدتي مقطع الشيخ الشعراوي امشهور عن القصاص والتعاطف مع القتله ..

تحياتي

zizi يقول...

جايدا العزيزي العزيزة ..انا معكي وافهم وجهة نظرك تماماً وحتى لو لم يتفهمها بعضهم ولكن عذرك ان الكثيرين معك .زباقولك ايه مدونتي فيها وجبة دسمة حا تعجبك تعالي وانسي ..

أضف تعليق

تصميم وتطوير - مدونة الاحرار - 2011.