الأربعاء، يناير 05، 2011

وحق لا االه الا الله


وحق لااله الا الله وموس وعيس ومحمد بن عبد الله

انت اللى انا روحى بتهواك ولافى زيك ولازى هواك


دة انا عشت عمرى اتمناك واحلم بلقاك

وكلمه منك بتعيد فيا تانى الحياة

وحق لااله الا الله وموس وعيس ومحمد بن عبد الله

ليالى ندانى صوتك قبل اللقا بزمان

ده معاك انا انا بنسى خوفى وبحس بالامان

تقسى ومهما تقسى لو بس تهمسلى همسه

انسى بسرعه اللى كان

وادوب فى حضنك انت يانبع من الحنان

واقول يا سعد قلبى وفرحته وهناة

ده حبيب روحى وقلبى من تانى امرة ونداة

وحق لا اله الا الله وموس وعيس ومحمد بن عبد الله

تغيب مهما عنى تغيب حتى لو غبت يا عمرى عليا سنين

من روحى وقلبى قريب شيلاك فى نن العين

حبك فى بالى دايما فى بالى ولا غبت ثانيه عنى يا غالى

وهفضل عالطول اغنى واقول اللى زيك مين واللى زيك فين

ده انت زيك ما اتخلقش اتنين انت نور العين ونبض الحياة

---------------
أتمنى ان تنال رضاكم
احبكم فى الله
تحياتى

36 التعليقات:

eng_semsem يقول...

وحق لا اله الا الله وموسى وعيسى ومحمد ابن عبدالله عجبتني
جميله وزي العسل وعاجبتني جدا بس هو انت محتاجه تحلفي كل ده عشان يصدق
تقبلي تحياتي

Tears يقول...

ده انتى كان ناقص تحلفى على رغيف عيش كمان ههههه

جميلة يا جايدا و انتى قلبك طيب اوى بجد :)

سواح في ملك الله- يقول...

يابختك يااستاذ حسن الشيخ
ده انت معاك جوهرة
ربنا معاكو ويوفكوا ويسعدكوا
ويخللكوا اشبالكوا
تخياتي يااختي الطيبة

جايدا العزيزي يقول...

eng_semsem

اسامه اخى الحمد الله انها عجبتك
وانت اللى زى العسل

بس مش محتاجه احلف بكل ده

انا قولت اجمع انبياء الله

يعنى يرضيك انسى حد

منورنى

واشكرك جدا

تحياتى

Ramy يقول...

جميلة الكلمات

و صياغتها

و معانيها تسلم ايدك

جايدا العزيزي يقول...

Tears

هههههههههه
والله مت على نفسى من الضحك

لو تعرفى بحبك قد ايه

حاسه انك انسانه مختلفه مثقفه ودمك زى العسل

اقولك على سر

انا بدخل دايما اى موضوع اشوف تعليقك اولا

والله انت اللى قلبك ابيض من الفل

ومش هنسى ابدا مساندتك ووقفتك جنبى

ربنا يبارك فيك ياقلبى

واشكرك جدا

تحياتى

جايدا العزيزي يقول...

اخى سواح

طبعا معاه جوهرة

هههههههههههههه

بس اكيد هو عارف ده ومتاكد منه كمان

كفايه شهاده حضرتك

ربنا يبارك فيك

اشكرك على دعواتك اللهم امين

تحياتى

جايدا العزيزي يقول...

Ramy

مرورك هو الاجمل اخى

شهاده اعتز بها

وثنائك تاج على راسى

دائما منورنى رامى

اشكرك
تحياتى

هبة فاروق يقول...

ربنا يسعدك يا عايدة ويفرح قلبك
كلمات رومانسية كلها حب وصدق
تسلم ايدك وتحياتى لكى ولعائلتك الجميلة

جايدا العزيزي يقول...

هبة فاروق

ويسعدك ياقلبى ويبارك فيك

اشكرك على مشاعرك النبيله اختى

ودمت بود عايدة

تحياتى

سندباد يقول...

دايما افكارك جديدة ومتنوعة وكل بوست في جديد
سلمت بنات افكارك
تقديري واحترامي

محمد الجرايحى يقول...

مصدقينك ومن غير حلفان.....ههههههه
تقبلى سيدتى مرورى وتقديرى واحترامى
بارك الله فيك وأعزك

جايدا العزيزي يقول...

سندباد

اشكرك اخى على ثنائك الدائم لى

كلامتك اعتز بها

ويسعدنى تواجدك دائما

تحياتى

جايدا العزيزي يقول...

محمد الجرايحى

اشكرك اخى جدا

يعنى كلماتى وصلت الحمد الله

بارك الله فيك اخى

واشكرك جدا

تحياتى

غير معرف يقول...

جميلة من القلب ربنا يحفظك أنت وأسرتك الغالية ودائما تنولى الى فى بالك وتحققى كل أحلامك
منى الغرباوى

noora يقول...

ماشاء الله تبارك الله
سلمت لسان صاغت المشاعر بكل هذا الابداع
دمتي مبدعه يا جايدا

جايدا العزيزي يقول...

منى الغرباوى

اشكرك جدا غاليتى على مشاعرك النبيله

وكنت اتمنى ان اتواصل معك لو امكن

سعيده جدا بزيارتك

نورتينى ياقلبى

تحياتى

جايدا العزيزي يقول...

noora
تسلمى ياقلبى

والله وحشانى جدا

ربنا يبارك فيك

تحياتى

amiralcafe يقول...

دامت المحبة بينكما بحق لااله الا الله وموسى وعيسى ومحمد
كلمات جميلة والقسم بهذا الشكل له مفهوم معنوي خاصةفي هذه الايام في مصر العززة_____*عيس*=عيسى_*موس*موسى
رؤوف

carmen يقول...

جميلة جدا ياجايدا يا حبيبتي تسلم ايدك

sal يقول...

بصراحة لازم نشوف حد من المدونين يكون عنده ملكة التلحين
وانا صوتى مش بطال
والكلمات جاهزة اهه

قلت ايه
ربنا يسعدك وىبارك لك فيه
وفى اسرتك كلها

ماجد القاضي يقول...

السلام عليكم

ربنا يديم بينكما الحب والود دائما..

تحياتي أختي جايدا.

حرّة من البلاد..! يقول...

جايدا العزيزة
اولا اعتذر عن تأخري عليك
ثانيا الحمد لله على السلامة ووحشتينا كثير
ثالثا جميلة جدا ماخطته اناملك
انت دوما مبدعة في افكارك
تحياتي يا طيبة

أشرف محيي الدين يقول...

صباح الخير

كلماتك ألحان رومانسية عذبة ورقيقه ... أعجبتني كثيرا ...

سلمت أناملك

مصطفى سيف يقول...

كلمات هادية تصل للقلب بسهولة
اختي الفاضلة انتي بتملكي قلم جميل بيعرف ازاي يعبر عن احساسه
سعدت بمروري من هنا

شيرين سامي يقول...

تسلم ايدك يا جايدا أغنيه جميله لازم يغنيها علي الحجار كم:))
تحياتي ليكي و تسلم ايدك يا جميله

لـــولا وزهـــراء يقول...

جوووووووووودي ممكن اقولك جودي؟ على اسم بنت بنت خالي بنوتة امورة صغنونة بحبك يا جودي _جايدا_ ايه يابنتي كل دي حلفانات هو لازم يصدق من غير حلفان اول ما تقولي بحبك جايدا موش محتاجة حلفان تسلم الايادي ياقمراية

لولا

محمد التركى يقول...

السلامو عليكم

حمدله على سلامتك ياجايدا
والله ليكى وحشه كبيييييييره

جميله قووووى الكلمات
يسلم قلبك
ويسلم حبك
يابختك ياعم حسن
سامحينى على عدم المتابعه الفتره اللى فاتت
انتى عارفه الظروف


تقبلى تحياتى
محمــد التركــى

أم هريرة (lolocat) يقول...

السلام عليكم ورحمة الله

جايدا الرقيقة الطيبة
احب قلبك الرقيق واحساسك المرهف

اشعر انكم ماشاء الله فى حالة حب صباحا ومساءً وفى الفجر وفى السحور ههههههه

ربى يسعدك حبيبى ويبارك فيك وفى اسرتك واولادك ويديم عليكى قلبك الابيض المحب دائما للجميع

تحياتى لك غاليتى

سمو الامير يقول...

رقيقة أوي

بجد تسلم ايديكي

زيدينا شعراً :)

اعقل مجنونه يقول...

تحياتى واحترامى لكى ولقلمك

Noha Saleh يقول...

كلام جميل
كلام معقول ماقدرش اقول حاجة عنه
بجد جميل اوى ياجايدا بجد رائع

شمس العصارى يقول...

حلو الكلام
بس اغنية اليوتيوب واخدة جزء كبير من الموضوع
ياريت تغيرى مكانها

واحد من العمال يقول...

أيه الحلفانات دى كلها !!
جميله وعفويه
دى ممكن تتغنى

وربنا يكرمك ويسعدك

محمدابراهيم يقول...

السلام عليكم اختى الكريمه
حتى قررت أن تتركني وحدي..

كم هو خال عالمي من بعدك..

عندما أفتح عيني ولا أجدك ..

قبلك..كنت أخاف من الحزن..

معك..كنت أخاف من الفرح..

بعدك.. أصبحت أخاف من كــــــــــــــــــــــل شئ..

أخاف أن يفرد لك الغياب جناحيه ..

ويأخذك للبعيد .. أبعد من خيالاتي...
ممكن طلب اختى ممكن ان توضع مدونتى فى نبض الحروف الرجاء الرد فى مدونتى مدونة اكسجين مصر

فاروق بن النيل يقول...

جايدا( عايدا) العزيزة الغالية ...........
أغنية رائعة موسيقاها لطيفة مثل نسيم الصيف يجب أن تتغنى بمطرب مثل عمرو دياب أو تامر حسنى أو وائل جسار أو مطربة مثا أليسا أو نانسى عجرم أو أصالة
شكرا لكى

أضف تعليق

تصميم وتطوير - مدونة الاحرار - 2011.