الأربعاء، ديسمبر 15، 2010

لماذا انت مدون --- واجب من الاخت الفاضله أم هريرة (lolocat)


صباح - مساء الخير على اطيب قلوب

واجب لماذا انت مدون اتأنى من الاخت الفاضله

أم هريرة (lolocat)

صاحبة مدونه المدينه الفاضله

وبرغم ان لدى بعض الخطط التى اريد ان اضيفها للمدونه الا اننى سعيده

جدا بالواجب لانه مهم جدا واهم شئ كان نفسى تعرفوا عنى ولو بعض الاشياء

التى كنت لا استطيع ان اعلنها عن نفسى لظروف خاصه

توكلنا على الله
1- تعريف مختصر بالمدونة ----------------------
اسمى الحقيقى - عايده محمد على عمرى38عام وكنت اتمنى انى اسجل به فى البدايه

بس زى ما ذكرت كانت لدى ظروف خاصه فانا مازلت فى مجتمع شرقى

وادعولى ان اعترافى ده لايسبب مشاكل بعد كده

عندى ثلاث اولاد كريم 19 سنه فى سياحه وفنادق ومحمد تم اول امبارح 13 عام فى سته ابتدائى

وحسام اخر العنقود 4 سنوات
اصلى تزوجت وعمرى 17 سنه
قلت الحق رجل مصر ى قبل الزحمه
ههههههههههه

ست بيت من الدرجه الاولى لا احب ان اعتمد على الاخرين فى اعمال بيتى

هواياتى القرأة ثم القرأة ثم القرأة

اساعد من يحتاج للمساعده بكل صبر واصر على ان يكون سعيد

ليس للحقد او الكرة او الغدر مكان داخل حجرات قلبى

امقت الخيانه وهى اقسى شئ يحزننى وخيانه الصديق عندى كخاينه الغريب

تقتلنى فى الصميم ورغم ذلك ان طلب مساعده اساعده

اكثر شئ ايضا اكرهه هو الكذب والنفاق

قنوعه جدا راضيه بما وهبنى الله اياه

ودائما اشكرة واذا اصابنى مكروة اردد وعسى ان تكرهوا شئ وهو خير لكم

مجنونه احيانا عاقله احيانا احب الوحده كثيرا

واعشق فصل الشتاء جدا وحينما ارى المطر يهطل

كاننى ملكت بين يدى العالم اجمع

بسيطه جدا جدا جدا اعشق الحوارى المصريه عن القصور

اعامل الفقير كصاحب الملايين انا معهم على سجيتى

2- مكانته العلمية والدراسية التى وصل اليها والتى من خلالها يستطيع أن يقدم خدماته للمجتمع


هههههههههههههه

دبلوم تجارة وخرجت من تعليمى الجامعى لظروف خاصه

ولكنى كما هو معرووووف عنى للجميع عنديه

حاولت ان اعلم نفسى بنفسى و قرأت كل ماكانت تقع عليه عينى

وكان الاصرار والعزيمه بداخلى اقووووووووى

والحمد الله اساعد اولادى فى دراستهم واحاول الاجتهاد الاستفاده ممن كانت الظروف معهم

وكلما هزمنى اليأس تذكرت كلمه قيلت لى العلم فى الراس ياعايده مش فى الكراس

هناك الالاف الحاصلون على اعلى الشهادات ولكنهم جاهلون



3- متى كانت البداية فى التدوين (بالتاريخ )

فى بعض المدونات منذ ثلاث اعوام 30 -ديسمبر 2009 جايدا العزيزى بنتى التى لم انجبها 19 -ابريل وده عيد ميلادى قمت بانشاء نبض الحرف وصور ومعانى
ومن شهر قمت بانشاء مدونه الفيديو لتضم الاغانى التى احبها

4- كيف كانت البداية فى التدوين؟


منذ ثلاث سنوات كنت اكتب خواطرى واتمنى ان يقرائها غيرى

وان يساعدونى واستفيد من ارائهم وذات يوم جاء اخى وقال لى

بقالك اسبوع على النت بتعملى ايه قولتله بحمل فيلم رعب

هههههههههههههه

سألنى حملتيه قولتله ما عرفتش كنت خيبه كده بالبلدى

سالنى الم تتمنى نشر خواطرك اجبت ياريت

قالى انشرى قلت بجد ازاى

اشتركلى على منتدى مصرى ووصلت فى اقل من شهر لمشرفه كنت سلطانه المنتدى كما لقبونى

واجتهدت جدا لدرجه الاخلاص وحدثت بعض المشاكل فاستغنوا عنى لاننى صريحه وامسك برائى ولا اعرف المجامله

وحزنت جدا كانى فقدت وليدى وذات يوم قالت لى اختى افتحلك مدونه

وقتها عادت روحى فتلك الوليد ملكى لن يستطيع كائن على وجه الارض انتزاعه من حضنى

وقررت ان اكتب ما بداخلى وما اشاء سواء رفض البعض ذلك او قبلوا

متمسكه بمبدء الاختلاف فى الرائ لايفسد للود قضيه

واعتز بالتعليقات المفيده وااخذ بنصائح اخوانى واخواتى

5- ليه أنا مدونة ؟

انا لا اعتبر نفسى مدونة لان هناك ناس اراهم يستحقون اللقب عن جدارة

شهادتهم اعلى وتفكيرهم اسمى منى بمراحل

انا احاول ان اشغل وقت فراغى فى شئ احبه جدا واستفيد منه جدا

وبكون سعيده جدا لو هناك تعليق فيه نصيحه او تنبيهى لخطأ ما فى كتباتى

مجرد خواطر واحاسيس اسعد جدا كلما نالت اعجاب انسان

وربما احاول الهروب من وحدتى وحزنى بينكم فانا امقت جميع اشكال الرفاهيه على النت

ولكنى اعشق الحرف واسعى للتعلم ومشاركة من احبهم والتعلم منهم

بكل حب واخوة واحترام

احاول ان اكتب مواضيع تنال رضاه
م وتسعدهم

واحيانا اغضب على حال بلدى وما وصل اليه حال الشعب المصرى

واحيانا اتهور واغامر واحيانا اصمت


6- وما هى طموحاتك فى هذا المجال؟
بصراحه لست قنوعه فى طموحاتى رغم قناعتى فى جميع الامور الاخرى

طمعت باشياء كثيرة ان تظهر لى ولو اغنيه وان انشر كتاب يضم بعض من خواطرى ولن اقول قصائدى

ورغم ان ذلك حدث بالصدفه ولم يكن تدوين سبب

وبرغم ان اول اغنيه ستطرح باذن الله فى ليله راس السنه واسمها حلم السنين

وكان من المتوقع ان اقابل مسؤل فى دار النشر لنشر كتاب يضم قصائدى

الا اننى لست مهتمه ولم اجتهد فى السعى لذلك

ورفضت مقابله مطربين ومطربات معروفين ومهمين لحين طرح الاغنيه

وتأجيل الكتاب ايضا وتأجيل الاحاديث التلفزيونيه والاذاعيه

حتى الحفلات التى اصر المطرب على ان احضرها لم احضر منها سوى حفله واحده

حتى حينما عرض عليا الملحن بافلى عماد ان يلحن ما كتبته من اغانى لم اسعى لذلك

وعرض عليا كريم ان اسمع الاغنيه التى الفتها رفضت

فكلى هنا معكم اخشى فكرة ان ياخذنى شئ ولو بعض الوقت منكم

ولكنى اطمع اكثر فى ان يتغير حالنا ذات يوما وننهض بامتنا


8- إلى أي مدى أرغب في التدوين؟

حتى اخر نفس من انفاسى فالتدوين قطرة مطر تحيينى

منفسى وملازى الاول والاخير

دموعى وابتساماتى احاسيسى واهاتى

التدوين باختصار هو حياتى
9- الكتابه عن شئ تحبه ------------------------
مصر بعشق ترابها وبحب اكتب عنها شيفاها ام الدنيا

بغض النظر ان اى سلبيات ستظل حتى اخر العمر مهدى

وطبعا شعرائنا العظماء اجمع وقد خصصت لهم مدونه نبض الحرف
فلا يصح ان تكون خواطرى بينهم فهم لهم مكانه خاصه

دينى وقد خصصت له مدونه صور ومعانى

فهو ملازى وله مكانه خاصه فى نفسى

الاغانى اللى برتحلها وايضا قمت بفتح مدونه لها

ومش مهم عندى عدد زوار او متابعين لانها منفسى انا

الواجب ده هديه منى لزوجى الحبيب حسن الشيخ

ورشا وكارمن والحب الجميل

وسندباد ومحمود باحث عن حب وشقاوى
والاخ فاروق والدكتورة ولاء وعباس بن فرناس

وسواح فى ملك الله وذئب الظلام

ولكل من يحل هذا الواجب الهام من اخوانى واخواتى

واشكر الاخت الفاضله

أم هريرة lolocat

41 التعليقات:

المنشد أبو مجاهد الرنتيسي يقول...

بسم الله وبعد
بوركت أختنا في الله
نسأل الله عز وجل أن يوفقك إلى كل خير وأن يكون مشوارك مليء بالسعادة والنجاح إلى أن تصلي مبتغاك
إخوانك في الله
المنشد أبو مجاهد الرنتيسي
أحلام الرنتيسي

كلمات من نور يقول...

نحن السابقون وانتم اللاحقون يا فتاتي الطيبة (:

إجابات جميلة وصريحة ويارب يقدرنا دايما عالخير ويجمعنا على حبه وتقواه

حرّة من البلاد..! يقول...

أختي جايدا
جميلة أنت في كل شيء
أسأل الله أن يوفقك في مشوارك
وأن تمشي إلى مزيد من النجاحات
تحياتي القلبية لك يا طيبة

Mona يقول...

بس لى سؤال صغير ياجايدا إيه المشكلة فى كتابة الأسم الحقيقى الأبداع ليس حرام ولاعيب - بس الأجابات قربتنا منك أكتر وصريحة وعفوية وأسم أبنك كريم زى أبنى :)) بس شاطورة ياجايدا أحييكى من كل قلبى مستنين الأغنية ولكل مجتهد نصيب - ورأى أنك تسعى لنشر ماتكتبين لأنه خسارة أن يظل أسير المدونةز تحياتى وسعدت أنى عرفتك بجد

ستيتة حسب الله الحمش يقول...

جميل اني اتعرف عليكي اكتر
الموضوع ده حقيقي قربني منك
وشكرا لصاحبة الإقتراح ام هريرة
عجبني قوي تلحقي راجل مصري :)
اضحك الله سنك واسعدك بزوجك وذريتك وأقر عينك بكل ما تتمني

تحياتي

الحب الجميل يقول...

ايه التدبيسه اللى على الصبح دى
هعيط
ههههههههههههه
شكرا ليكى يا دودى
اجمل ما فى البوست الصراحه
ما شاء الله
اجابتك عشرة على عشرة

ربنا يخليلك زوجك واولادك التلاته
يارب
وتفرحى بيهم

جميله القرأة وتعليم النفس الكتير من خلال التصفح

ربنا يسعد قلبك ياااارب

شهر زاد يقول...

اختي جايدا
االقلب ينطق بما فيه
واالروح الطيبة تسطر خطوطها على اانتااجك الادبي
انت تستحقين كل خير
اتمنى لك التوفيق من كل قلبي
تحياتي لك

لـــولا وزهـــراء يقول...

ما شاء الله عليكي يا حبيبتي شخصية محترمة وجميلة
وقتها عادت روحى فتلك الوليد ملكى لن يستطيع كائن على وجه الارض انتزاعه من حضنى
"

دي حساها قوووووي لان مدونتنا كمان زي الوليد فحسيت احساسك المرهف

انا مش معاكي انك ترفضي فرص بتتقدملك المدونة موجودة وزوارك موجودين لكنالفرص ممكن تضيع حاولي توفقي بين شغلك وفنك ومدونتك

ودي نصيحة لااااااااااااااااااازم تاخدي بيها حققي طموحك بفنك زي ما حققتيه في المدونة ..مش انتي بتاخدسي بالنصيحة وريني بقى.

لولا

Tears يقول...

عجبنى الصدق و التلقائية فى ردودك جدا

شعرت ان رقيقة و مريحة كمان فى التعامل


اتمنى لكى التوفيق دائما و ح نستنى نسمع اغانيكى لما تتغنى :)

فاروق بن النيل يقول...

جايدا (عايدا) العزيزة الغالية.........
كل ده جواكى وسكته دانتى طلعتى خبيرة وأستاذه موش مهم دبلوم تجارة المثقف الحقيقى هو اللى بيثقف نفسه موش بالشهادة والله إنتى متواضعة جدا دى مواهبك بس تخليكى حاجة تانية لكنى أعترف بأنك إنسانة متواضعة مخلصة مصرية أصيلة مابتحبش البهرجة والفشخرة والتعالى على الناس .
كله كوم وتدبيسى فى الواجب كوم تانى لأنى موش عايز أقول إسمى الحقيقى عشان قصائدى النارية ورأيى الصعب العنيف ممكن يودينى فى داهية.
شكرا لكى على ثقتك ويارب يسعد قلبك وتشوفى ولادك ( كريم - محمد - حسام فى أفضل المناصب وعايشين سعداء وسلامى لزوجك الأستاذ/ حسن " بارك الله لكما وبارك عليكما وجمع بينكما فى خير" دومتى أختاه

شقاوي يقول...

تعرييييف بطل وكفيتي ووفيتي
\
/
\
الله يسعدك
..دنيا واخرة ياعايدة
ويسهلك امورك
.. ويحفظلك عيالك..

مدونة رحلة حياه يقول...

السلام عليكم
اخيرا عرفناك
عموما ماشى عى صراحتك وكلامك وربنا يوفقك فيما فيه الخير للجميع

فتاه من الصعيد يقول...

اجاباتك جميله اوي :)

عرفتني بيكي اكتر

تحياتي

الشاعر الفنان أحمد فتحى فؤاد يقول...

جايدا

تماما كما توقعتك

و لكن حتى تفوقت على توقعاتى فى الوضوح ( و ليس الصراحة )

دائما متألقة


هنيئا لزوجك و أولادك بك

و يا رب يحميهم و يحميكى

و كل شىء بعد كده يهون

تحياتى

شيرين سامي يقول...

الجميله جايدا اجاباتك رائعه و صراحتك أحيكي عليها قربتني منك أكتر و حاسه قد ايه انتي انسانه مُميزه ربنا يكرمك و يسعدك دائماً
اقبلي احترامي و تقديري

amiralcafe يقول...

مصر بعشق ترابها وبحب اكتب عنها شيفاها ام الدنيا
بغض النظر ان اى سلبيات ستظل حتى اخر العمر مهدى
-------------------------------------------------
سلام المحبة احتي جايدا بل اختي عايدة جميل محبتك لي بلدك رغم السلبيات الموجودة في كل البلدان العربية والاجمل اني لم اخطأحين زرت مدونتك اول مرة عن طريق صديقي رامي وكتشفت ان صاحبة هده المدونة إمرأةتبحث عن شيء ما من خلال كتاباتها رغم اختفاء الكلمات بين السطور ولكنها إمرأة سعيدة رغم الصعبات التي مرت بهاإمرأةمثل بعض النساء العربيات تبحث عن الامتياز وهدا من حقهن.اختي عايدة انت من النساء التي تخافين الفشل في كل شيء لكن الرب معك داءما لانك في داخل قلبك تحبين الغني مثل الفقير...وتتعبين في البحث لي فعل الخير رغم بعض الانتقادات التي توجه اليك لكن وراء كل طموحاتك المستقبلية والتي مضت هناك رجل شرقي متفتح ساعدك على المرور بسلام ودخول المجال الادب وانشاء الرب تكون 2011 سنة الخير البركة لك ولكل العاءلة والمدونون العرب *وشعارنا التدوين النظيف*
رؤوف

eng_semsem يقول...

احنا عرفناك جايدا وللنهايه هتفضلي جايدا ومش مهم اسمك لاننا بندخل عشان كتاباتك وسنك مش مشكله لان الاهم ان احنا بنحس ان انت معانا وفاهمنا وربنا يخلي ليكي اولادك ويبارك ليكي في حياتك
تقبلي تحياتي

Mona Abo - Elso3od يقول...

جايدا
شكرا لانك عرفتينا علي جمال شخصيتك
و برغم اني شايفه ان موضوع التاج ده صعب اوي لكن ليه فوايد كتيرة انه بيكشف لنا جمال الشخصيات اللي بنحترمها من غير ما نعرفها و بعد التاج بنحترمها اكتر
تحياتي لشخصك الكريم

شمس النهار يقول...

ماشاء الله عليكي

ابهرتيني وازداد اعجابي بيكي

انت اجمل مثال للأم المصريه الجميلة

يارب دايما سعيدة

المصوراتي ( عيوني كاميرا ) يقول...

ليس لدي ما اقول الا ان اصمت و يعلوا صوت التصفيق هذا ما و سعني و انا اقرا هذه التدوينه النقية بجد

جزاكِ الله خيرا ام هريره قربتي بيننا و تعرفنا علي اناس كم هم قله في زمننا هذا

و جزاك الله خيرا يا ايتها الام ( عايدة )

و لكن لدي تعليق

علي كلمة شرقي و مجتمع شرقي
اعلم انك تعشقين هذا المجتمع حافظي عليه و لا تستنكريه و لو بكلمه
معلش انا عارف انك قصدك مش كدا بس المجتمع الشرقي نعمه انعم الله بها علينا و علينا ان نصونه

تحياتي

karmen يقول...

انتي رائعة في كل شئ حبيبتي ربنا يسعد قلبك ويباركلك في اولادك
تحياتي

سواح في ملك الله- يقول...

الله يسامحك ياجايدا
انا سة مخلص الواجب اي فات بتاع شيرين وهبة
بس عشان خاطر عيونك حاضر يااختنا الفاضلة
انشاء الله في اقرب وقت

سواح في ملك الله- يقول...

علي فكره انتي شخصية
جميلةجدا وحسيت في كلامك
انك تصلحي للقيادة في مجالات كتير
ربنايخليكي لزوجك واولادك

فاروق بن النيل يقول...

جايد ( عايدا) العزيزة الغالية........
لم أكن أعلم صعوبة هذا الواجب اللى دبستينى فيه إلا بعد أن بدأت فى الإجابة على الأسئلة صعبة جدا وخاصة مع من يكره الكذب و الرياءوالنفاق كما كتبته فى مدخل مدونتى ولابد أن ألتزم الصدق ولم أستطع إلا أن أجيب بصدق وفقط لم أكمل إسمى الحقيقة(الإسم الأول فقط)
غصبا عنى فاعذرينى عزيزتى وشكرا على ثقتك .
لم تجيبى على أسئلتى التى سألتها بالأمس بمدونتى وقصيدتى

اقدم عاصمه فى الحب يقول...

السلام عليكم

يااااااااا
كل ده ..!؟
.
بس تصدقى انتى طيبه اوى

إنتي بتدوري في ذاتك على الشيء المميز و بتحاولي تكبريه و تخليه محورك .. و الحاجة المميزة فيكي دي بتحاولي إنك تخفي وراها نقط ضعفك إللي أحيانا و غصب عنك بتظهر بعفوية و تلقائية .. يعنى بتحبي تبقي أدام الناس الشكل إللي إنتي حابه إنك تظهري بيه ..
عايده إنتي لسه جواكي حاجات كتير مخبياها .. حاجات مش عارفة تطلع إزاي .. و حاجات مش عارفة تطلعيها إزاي .. لكن متوقعة و حاسه إن في طرف هو إللي هيساعدك على ده .. علشان كده بتحبى تكونى صدقات كتير يملو عليكِ حياتك أكتر وأكتر .. وهتحبيهم اوى وهتشاركيهم حياتك مع انك مش بتحبى تسمعى كلام حد :)

بس أكبر اكتشاف اكتشفته بقه إنك بتحبى الحياه أكتر منى

ايه اللى انا بقوله ده ..؟!
مش عارف بقه أصل انا شفت فى كلامك الكتير ده كل اللى انا كتبته ده ..
بس انتى عارفه .. سعيد جدا بكل يوم بيعرفنى بيكِ أكتر وبكل أصحابى المدونين على ارض بلوجر العزيز
بس انا فيه سؤال مجننى
هو ليه عايده محمد بقت جايدا العزيزى ..؟!
أحلى شيكولاتايه فى الدنيا لننوس عين التدوين كله :)

أم هريرة (lolocat) يقول...

السلام عليكم ورحمة الله
الجميلة جايدا
كأنى اول مرة اعرفك قربتى لنا اكتر واكتر
جميلة شخصيتك وجميل كلامك وتواضعك
كلنا كنا نتخيل انك من المكانة العلمية لك شأن كبير لكنك من الفئة التى اثبتت بالفعل ( ان العلم فى الراس ) :)


اشكرك لتلبيتك الدعوة واشتراكك فى حملة ليه انا مدون
ولازم تتاكدى انك فى ركب المدونات الكبيرة واللى لها شأن كبير بارك الله فيك

جزاك الله خيرا حبيبتى
واسال الله لك كل التوفيق فى حياتك الاسرية والتدوينية
دمت بكل صدق واخلاص ومودة

انا كمان بحبك اوى اوى فى الله

خواطري مع الحياة يقول...

السلام عليكم يااهل الدار
السلام على اجمل وارق واطيب واروع اخت لي
والله والله والله وحشاااااااااااااااااااااااني
موت
اهون عليك ماتسئلي عني
حية ولا ميته
ملعش كل واحد وظروفة
يعني امان اقولك ياعايدا
ههههههه
اعذريني على تاخري بالتعليق والله مشغولة مع الدراسة
ربنا يوفق
صراحة كل يوم اتعرف على شخصيتك اكثر واكثر
وبحبك اكثر واكثر
صادقة في كل كلمه قلتيها
تقبلي مروري يااجمل اخت
سلامي لاراق واطيب اخت.

amiralcafe يقول...

http://www.youtube.com/my_videos?feature=mhum

محمد الجرايحى يقول...

السلام عليكم ورحمة الله وبركاته
ماشاء الله على هذه الروح الطيبة
بارك الله فيك وفى أسرتك الطيبة
وإن شاء الله من نجاح لنجاح

كل التقدير والاحترام لشخصك الكريم

سمو الامير يقول...

كثير من الصدق والتواضع والطموح

تحياتي لشخصيتك الرائعة :)

sal يقول...

دا كرسى اعتراف جميل

شكرا لبطاقة التعارف والتعريف

تحياتى وتقديرى

ماما أمولة يقول...
أزال المؤلف هذا التعليق.
ماما أمولة يقول...

جميلة يا عايدة وستظلين جميلة
بقلبك وصراحتك
بحبك قوي قوي
ربنا يخليك يارب للأولادك ويسعد قلبك

عباس ابن فرناس يقول...

من اول يوم زارت فيه مدونتك

ولله الحمد قدرت انى اكون صورة عن شخصيتك

مختلفتش كتير عن كل اللى قولتيه

اما الاسم والسن اكيد هى حاجات شكليه
لكن الاهم هوا الشخصية الجميلة

ولونى عملت واجب قبل كدا لكن ميضرش
اعمله تانى
ياست جايدا قصدى عايدا

اعطر التحيات

Dr/ walaa salah يقول...

الله يسامحك هو انا ناقصه واجبات يا جايدا هههههههه


بس بجد اجاباتك جميله

ما شاء الله عليكي واضح انك بتحبي التعليم وبتتعلمي اي شئ تحبيه بسرعه

ربنا يخليلك زوجك واولادك وتفرحي بيهم يارب

سندباد يقول...

شكرا ليكي انك عرفتينا بجزء من شخصيتك ودي الاستفادة من الواجبات اننا نعرف بعض اكتر
بوست جميل
وشكرا علي الدعوة
تقديري واحترامي

Casper يقول...

السلام عليكم ورحمة الله وبركاته

اسال الله لكِ ان يوفقك الى ما فيه الخير دائما
خالص تقديري واحترامي

فارسة بلا جواد يقول...

جايدا انتي اجمل يكثير مما ذكرتي هنا

والجميل فيكي رقه اخلاقك وجمالها ورغم عنادك فقد وجدتي طريقه لسعادتك ولسعادة غيرك

يارب تتحقق كل طموحاتك وتفرحي بأولادك

كوني دوما صديقتي

الشاب الصح يقول...

جزاك الله خيرا شرفت بمعرفتك

ذئب الظلام يقول...

اتمنى لك التوفيق بالحياة وشخصيتك مشاء الله رائعة وقوية وهذا افضل شيء في الانسان والصراحة جميلة جدا

mohamed يقول...

السلام عليكم جايدا اين مدونتى عندك اتمنى ان تكون عندك وعند جميع الاصدقاء اتمنى ذلك من الجميع مدونة اكسجين مصر

أضف تعليق

تصميم وتطوير - مدونة الاحرار - 2011.