الخميس، أكتوبر 14، 2010

بحبك يامصر+انت اكيد فى مصر


بحبك يامصر


حالنا لاعاد يسر عدو ولا حبيب

الشعب اللى طرد الهكسوس

وهزم التتار

وعبر ببساله القناة

فى عز النهار

بقى بيهرب ويهاجر وعنها يغيب

ويجرى ورا لقمه العيش

وبقى مافيش مانع نغش نكدب ننافق لو ذاد البقشيش

بقينا للقرش مجرد عبيد

كيلو الطماطم بيعلى كل يوم ويزيد

واللحمه بقت للشعب المصرى

يمكن يشوفها يدوب يوم العيد

صدق فؤاد نجم لما قال

شعب صابر وشايل حمال



نلاقيه فى الشارع نايم

ومن الجوع يقول صايم

الله وحده بيه عالم

لو قال مرة اه او لا

عالطول ياخد على قفاه

كام واحد ورا الشمس راح

وكام واحد بينزف من الجراح

وايه اخرتها قولولى ايه

اتهنا فى حضنك يابلدى

واتغربنا فيكى ليه

لما يكون كل ده جواك

لما تلاقى طريقك كله اشواك

يبقى انت اكيد اكيد فى مصر

لما تصرخ بعلو الصوت

الاسم عايش لكنى بموت

يبقى انت اكيد اكيد فى مصر

لما تلاقى الظلم فى كل مكان

وظلمه وخوف وموت بين الاركان

وتصرخ وتقول انا انسان

انا انســــــــــــــــــــــــــــــــــــــــااااااااان

يبقى انت اكيد اكيد فى مصر

همسه

رغم كل جرح بينزف فيا

بقول بحبك يامصر

رغم كل حزنى والمى

بكتب بدموع عنيا اسمك يامصر

بسم كل نقطه دم سالت منى

بتكتب بحبك يامصر

ارجو المعزرة ان كان هناك بعض الاخطاء

فمعظم رسائلى اكتبها على الرسائل مباشرا

ونشوف الفيديو

اتمنى ينال رضاكم

تحياتى







32 التعليقات:

باحث عن حب يقول...

كلنا بنحب
مصر
كلنا
بنكره اللى يكرهنا فى مصر
العيب مش فى الشعب
والله العيب
فى اللى ماسكينها
حسبنا الله ونعم الوكيل
ربنا يجبر بخاطرك يارب يا شاعره بلوجر

eng_semsem يقول...

اكيد كلنا بنحب مصر ممكن نكون مش بنحب اللي بيحصل في مصر وبنتكلم عشان خاطر عيون مصر وبكره مصر هتطلع للنور المساله مش محتاجه معجزه محتاجه صبر لان الطريق طويل واحب اطمن مصر احنا بقى الصابرين اللي هنطلع مصر ان شاء الله

الازهرى يقول...

كتير كنت بأحب أدور على مصر وسط الحوارى والقرى والأماك البعيدة
هناك كنت بأحب ألاقى الروح النضيفة والأخلاق الكويسة وأحس إن دى مصر وإن الباقى مشوه
للأسف حتى ده أصبح مشوه هو كان

تحياتى على الكلمات وعلى الإخراج الرائع للفيديو

تــركــي الــغــامــدي يقول...

جايدا العزيزي ... تحياتي لشخصك الكريم ... أبداً محل اهتمام واحترامي ... كل مافي الموضوع مشاغل حتى إنني بالكاد أكمل ما أود رصده في المدونة ... وها أنا أشاركك الحب لمصر وأهلها وصبرها وانتصارها في كل ميدان .

Tears يقول...

اه ه ه ه ه ه ه

تعببببببببببببنا اوى

فاكرتينى بمقال اسمه يا شعب غور!
http://www.egyptfreespeech.com/forum/viewtopic.php?t=50&sid=7e958da4bfb3de42cd1b9307e5467c79

كلمات من نور يقول...

مع الأسف يا جايدا .مصر بنفسها نفسها تهاجر بسبب سلبيتنا و بسبب تقاعسنا عن الكثير ولازلنا جميعا نعالج الخطأ بأضعف الإيمان ( القلب ) ربي يهدينا بقى وننصره فينصرنا .تحياتي

عمرو يسرى يقول...

اااااااااااااااااااااااااااااااااااااه
لا تعليق

سواح في ملك اللــــــــــــــــــه- يقول...

سلام عليكم \ كلنا بنحب بلادنا بس العيب مش في البلد احنا مصر دي زي الكنز بس احنا مش عارفين قيمته بنهدره مش بنضيف ليه شعبها طيب بس هاتي اي واحد طيب مسكيه منصب خليه يعتلي كرسي هينسي الفقير والمحتاج ويخش في صراعات عشان خاطر بقاءه زي بتوع الانتخابات كده ووعودهم وخدي احلي كلام لما تنتخبوني هعمل واسوي وبعد مايقعد عالكرسي متشوفيهوش غير في الدوره اللي بعديها مش دول عينه برضه من الشعب

شهرزاد يقول...

كلامك صادق قوي يا حبيبتي والله
ولا تحزني ولاتخافي
مصر حتفضل قويه بشعبها
وعمرها ما حتنخ
وحالها ديلوقت
من حال الدول العربية الي لما نهشت
تهشت اولادها وشعوبها
كلمات جميلة ورنانه
دنت زجالة كمان تسلمي
تحياتي لك

ツSmiLeY AnGeLツ يقول...

السلام عليكم على اجمل اخت
والله مش عارة اقول غير الله يكون في عونكم وعون الجميع
ربنا على الظالم
تقبلي مروري
سلامي.

سندباد يقول...

لكل ظالم نهاية والتاريخ بيقول كده ولكل امة فترة هبوط بتعلي بعدها وفترة علو بتهبط بعد كده
اللي بيحصل ده في مصر انا بعتبره نهاية نظام فشل فشل زريع
لنا الله وعليهم لعنة الله
مصر بخير انشالله بينا ومش بيهم

غير معرف يقول...

البلد بقا فيها العساكر والحراميه بيلعبوا ضد الشعب :(

تحياتي

راجية الرحمه يقول...

كل حاجه فى مصر جميله وبعشقها
طبعا الا الاغلبيه العظمى للحكومه استحاله تتحب
وبالنسبه للانتخابات
فـ اهلا بالمصائب اذ اتت
هيحصل ايه يعنى اكتر من اللى احنا فيه

Carmen يقول...

بوست هايل جايدا
حسيت بحماس كده كنت قربت اروح احارب ^_^
دايما بيعجبني فكرك
تسلم ايدك ياقمر
خالص احترامي
¥k¥

محمد التركى يقول...

السلامو عليكم

والله
والله
والله
انا عارف انك زعلانه منى
بس عارف برضو انك هتعزورينى وهتسمحينى
علشان بقالى كام بوست مش موجود
بس انا شفتهم
ايه بس موضوع الموت والقبر
بتوجعى قلبى
وبصراحه بقى ياجايدا انا قلبى موجوع خلقه
هههههههههه
مش مستحمل والنبى

المهم يارب تكونى بخير
واكيد انتا فى مصر
ربنا يخلى مصر وشعبها
ويقضى على حكامها
ونعيش من حاكم ولا رابط بقى
خلى البلد تهيص


تحياتى لقلبك الطيب
اللى حاسس بالغلابه

محمـــد التركـــى

عبد الرؤوف بن عبدالسلام (أبوهارون) يقول...

اه اه و اه
في قديم الايام لما كنت شاب تجولت في بعض الاقطار مع امنا الكشافة وفي مرة التقيت بقس في مراكش وفي حوار معه تذكرته لما قرات ما كتبتيه يا عزيزتي جايدا*يا ابني تونس الخضراء ماتنهظ وتزدهر كان برجالها لا بمناجم الذهب ولا البترول وما تندثر كان برجالها/عليسة ورجال قرطاج بنو الصروح ...وجاء حنبعل ورجال قرطاج خربوها وهدموها/..حتى اتى على ذكر مصر فقال مصر محروس طلصمها في القاهرة لارجال يقروها ولا نساء يجيوا على ساحتها ناسها يتقهرون على اللفات لكن بصبرهمترجع ايامها*7في 7..7رخاء 7 ..../*
رؤوف

ادم المصرى يقول...

اولا احب اشكرك كتيييييييييير على كلامك فيا فى المدونه بجد انتى انسانه تستحقى كل التقدير لأنك وفيا جدا

اما مصر فهيا محفوظه مهما عملو فيها بس بردو لا يغير الله ما بقوم حتى يغيرو ما بأنفسهم بلاش نرمى كل العيب على حكامنا وننظر الى انفسنا لماذا ابتلانا الله بهؤولاء

غير معرف يقول...

أحييك على تنسيق المدونة و لون الخلفية الرائع
سأضع التدوينات تباعا
مع تحياتي

حرّة من البلاد..! يقول...

تحية إلى قلمك الذي يتنفس حب الوطن
دمت بخير عزيزتي جايدا

داليـ ـ ـ ـ ـ ـ ــــا يقول...

هههههههههه
فعلا
هذا هو حالنا
ولله الحمد فى الاول والاخر

سردتى الا بيحصل فى بلدنا بالظبط

Hamada Muhamed يقول...

تحيه لك اختى الغاليه : جايدا
تحيه لك اختى الغاليه : جايدا
موضوع جميل كلماتك معبرة جدا على حال البلد بس انا عاوز اقول حاجة . البلد مش وحشة يا جدعان للدرجة دى اه فى ظلم وفى فقر وفى وفى بس عندنا حاجات تانية احسن من دول كتير جنبنا . انا بس عاوز اسال سؤال لكل الى عامل نفسه معارض والتغير والكلاد ده . احنا ايه الى عاوزين نوصله مصر يا جايدا مش هتتغير من النت والفيس بوك و 7ابريل و 5 يونية عملت ايه انت وهى وانا كمان علشان اطالب بالتغير احنا بقينا نتكلم اكتر ما بنتنفس فى كل شىء ومن غير ما نعرف شىء كل واحد عاوز يمشى البلد على مزاجه .
اخيرا : انا ن سوهاج فى الصعيد . صدقينى جايدا الى حصل و بيحصل فى سوهاج فى اخر 4 سنين بجد متعملش فى دول كامله فى الخليج . اه كمان اسرئيل بتشحت من الدول دلوقتى علشان حد يصدرلها طماطم يعنى المشكلة مش فى مصر بس مع فارق السكان الرهيب .

فاروق سحير ( فاروق بن النيل ) يقول...

جايدا العزيزى.........
الشيئ الوحيد إننا مصريين ومصريات
الشيئ البعيدإنناروح وجسد من المتضادات
الشيئ السعيد إننا نفسنا نرجع للى فات
الشيئ الجديد إن كرامتنا سابتنا من غير سكات
الشيئ الأكيد إن ربناحاينصرنا لو بأنفسنا تغيرات

شمس العصارى يقول...

حبتك العافية يا جايدا
وتعيشى متهنية بمصر حبيبتك
ههههههههههههههههههه
على فكرة الفيديو لا يسئ للامن المركزى لكن بينقل مشاغابات وخناقات واصابات وقلش ان دى الامن عملها
وبعدين فى جملة " الجيش نسى يصلى العصر " ... ايه دخل الجيش فى الموضوع
فى فرق بين الداخلية والامن والجيش
اللى عمل الفيديو يعرف يركب صور على اغنية بس لكن ميعرفش حاجة تانية
على فكرة انا بحب مصر قوى بس الحب زاد وطفح وكب بره ههههههههههههههههههه

غير معرف يقول...

على فكرة أنا متابعك لكن مش متفق مع مفردات موضوعك هذا ، لكن لا يمنع هذا تقديري لكِ
الأمر الآخر أني لا أقدر أبدًا : أحمد فؤاد نجم لأنه رجل يبني مواقفة على مواقف شخصية بحتة كما أنه رجل ولا مؤاخذه جاهل صرف فكيف نوليه الإمامة في الفُتيا وهو بهذا الدنو الفكري والقيمي
رجل يجاهر بالمعصية ويعترف بأنه لا يُصلي ويشرب المخدرات وحبس كثيرًا ليس فقط من أجل الرؤى السياسية بل بوازع السرقة
وكل من لم يرض بغناء كلماته طعن في موهبته مثل عبدالحليم حافظ مثلًا
بصراحة : أراه غير سوي
وهذا رأيي الشخصي ولرأيكم جميعًا كامل التقدير مهما اختلفنا حوله

Noha Saleh يقول...

شكلكوا كده عاوزين تقفلوا البلوجر:)
بصى هقولك حاجة
حاجات كتير بتحصل للاسف مستفزة جدا ومن كتر مابتضايق الواحد مابيلاقيش كلام يقوله
بس فى النهاية برضه كلنا بنحب بلدنا زى ماهى
وان شاء الله هتكون احسن بلد فى الدنيا

فشكووول يقول...

السلام عليكم جايدا العزيزه
تحياتى
ايه ده .. الاقيك كاتبه لو زرت قبرى مش حتلاقى اسم
والاقيك كاتبه د
عوه للمشى فى جنازتى
طب وبعدين عمك فشكول يبقى يعمل ايه من غيرك خلاص نتفق مع بعض وتاخدينى معاكى ... خلاص .. انا مصمم ... بس .
تحياتى

أحمد زاهر يقول...

الله عليكى يا جايدا
جميل جدا ويخليه لينا عم نجم بيتكلم من قلوبنا وبيقول اللى جوانا
تحياتى

ذئب الظلام يقول...

حديثك ربما يكون فيه شيء من الصحة وربما يكون فيه شيء من مايريده اعداء البلاد العربية التي تسوق لهذه الامور التي يتحدث بها كل الناس
وكما نعلم لا يوجد عالم كامل متكامل بشكل مائة بالمائة وجود النقص شيء ضروري لتحقيق موازين القوى انا لا اقول كلامك غير صحيح ولكن يجب ان ندرك ان النفس البشرية مهما اعطيتها لن تكتفي وستبقى ترفض وتستنكر وتطالب بأكثر وهذا الشيء للاسف متواجد في معظم دول العالم وليس في مصر فقط
فأن لست من مصر واحب مصر كثيرا وزرتها مرات كثيرة كسياحة وعمل بها حضارات وشعب طيب واهل جودة وكرم

غير معرف يقول...

ثقافة الهزيمة.. أسكندرية ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول ، ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، وحلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين..

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية…

باقى المقال ضمن مقالات ثقافة الهزيمة بالرابط التالى

www.ouregypt.us

ツSmiLeY AnGeLツ يقول...

السلام عليكم
ازيك ياحلى واجمل وارق اخت وصديقة
فينك غايبة
طولت المرة هذه فين الجديد
مستنية الجديد منك ياعسولة
تقبلي مروري
سلامي لاحلى اخت وصديقة.

حازم ربيع يقول...

لقد صدق من قال رايت فى مصر ضحك كثير ولكنه ضحك كالبكاء
-------------
مع تحياتى /حازم ربيع

momken يقول...

بوست جميل جدا يا جايدا ومؤثر للغايه وواضح فيه تاثرك وحماسك

بس لازم نعرف ان كل حضاره عندما تصل لزروتها بتنهار وتبدا من جديد

احنا كمصرين وصلنا زروة الحضاره ومنتهى الطمال لما هزمنا الهكسوس وطردنا التتار
وحتى لما عبرنا القنال كنا فى قمه الروح المعنويه

وجاء الوقت ليقع الطائر

فما طار طير وارتفع الا كما طار وقع
وكا دور اذا ما تم ينقلب

ما نحن فيه تطور طبيعى للحاله المزريه التى اصبحنا فيها من سطحيه ولا مبالاه

كلمتك عبرت عن واقع مرير بحرفيه شديده

استمتعت بحديثك


تحياتى

أضف تعليق

تصميم وتطوير - مدونة الاحرار - 2011.