الأربعاء، أكتوبر 06، 2010

فى ذكرى الانتصار والكرامه



فى يوم 6 اكتوبر 1973 كان عمرى لا يتعدى عام

لم اكن ادرى ما معنى كلمه احتلال

ولم اعلم شئ عن النكسه واسبابها


ولم ارى مجزرة بحر البقر

وعندما قرأت وسمعت وسألت

علمت معنى كلمه احتلال

ان تكون مسجون فى وطنك

ذليل جائع فى بيتك

مشرد فى شوارع بلدك الامنه

فى دقائق مجرد دقائق تتغير خارطة حياتك من السيئ الى الاسواء

تجد نفسك مشردا بلا مأوى يذبح اطفالك امام عينيك كالشاه وانت عاجز

كان ابى يحكى وانا اسال بشغف

كان الجنود الذين بجانبه من اصدقائه تطير رؤسهم فى لحظات

وكان يزيدهم ذلك حماس رغم الالم

حينما فامت الاخت الفاضله نورا اميرة مدونة ((صوت))

بدعوتى لكى اكتب ولو كلمه بسيطه عن يوم الكرامه والانتصار

تسألت هل يستطيع نزف قلمى ان يعبر عما بداخل كل مصرى

من فخر وامتنان لخير جنود الارض

اليس ذلك ما قاله رسول الله الصادق الامين عنهم صلى الله عليه وسلم

كل العبارات تعجز على ان توفى جنودنا البواسل حقوقهم

ولكن تكفينى عباراتك يارسول الله

صدقت انهم خير جنود الارض

لقد اندهش العالم اجمع من اصرارهم وصمودهم

اضحك الان كلما تزكرت وجه جولدا مائير وهى تبكى وتستغيث




علشان كده لازم تردد باستمرار

أنا المصري كريم العنصرين بنيت المجد بين الإهرمين

جدودي أنشأوا العلم العجيب ومجرى النيل في الوادي الخصيب

لهم في الدنيا آلاف السنين ويفنى الكون وهم موجودين









والمقطع ده عجبنى اووووووووى

من مدونة الحريه لمدون متميز((بن الخطاب))




أعتقد أن النكسه ليس سببها قلت عتادنا ولا النصر بعد ذلك كان سببها كثرته ولكنى أعتقد بما حاول جدى إقناعى به وأنه السبب الوحيد والفارق بينهما هى الروح التى سادت فى 73 ولم تكن موجوده من قبل .
إذن فلابد لنا أن يكون لنا فى ماضينا عبرة وعظة أن نستفيد من أخطاء غيرنا لنسرع خطواتنا نحو النجاة

وفكرت فى الكلامات دى كتير

وقولت ياترى عبد الحليم حافظ لما هتف خلى السلاح صاحى

كان يقصد السلاح ولا الروح

ياريت تفكروا معايا


صور بعض الاسرى الاسرائلين

حبيت اصحى الروح

ياخير اجناد الارض
وياابناء الكنانه

التى ذكرها الله بالامن والامان فى كتابه الكريم


لان ده رائ بعض شباب النهارده 2010


حرب أكتوبر كما يراها شباب «ضارب شعره چيل»


مهىاب محمد الحرب أخذت «أنضف» ناس في البلد



مصطفي كرم: ماليش دعوة بالحوارات دي.. ومتدخلنيش في السياسة أنا مش عايز أروح في الرجلين
أسماء أحمد: مش مهتمة أعرف أي معلومة زيادة
عن الحرب حرب ايه


وهكتب مقطع من كلامات كتبتها علشان امى مصر

مصرى انا وبحلم يهون

كل صعب واوصل واكون امحى الالام وامنع عذاب

ويبقى السلام ورا كل باب

ويبقى الامل سكه

يرسم فى العيون ضحكه

ضحكه اشوفها فى كل العيون

بحلم اشوف زمن الصغار

ناس الخوف والموت والدمار

ويبقى الكلام فوق اللسان

وطنى الحبيب خضرة وامان

وفيه انا احلم واكون

اتمنى اكون وفقت

واشكرك نورا على الدعوة

واسمحلى اخى بن الخطاب لاقتباس

الفقرة لانها صحت جوايا الضمير

واشكرك اخ محمود ((باحث عن حب))

على لقب شاعرة بلوجر

لقب اعتز به

انا كتبت الرساله مباشر

يعنى لوفيه اى اخطاء اعزرونى

بقلل من حرف الذال والزين اهو بسمع الكلام

ذكرى نصر سعيدة

ويارب تجعل كل ايامك يامصر يا عظيمه انتصارات

واتمنى شباب الجل يفوق

واتمنى تعود الروح اللى هى اهم سلاح فى ايدينا

ويارب نحتفل بذكرى تحرير فلسطين

قد ايه بحبها

ودى صورة هديه من جايدا

لانى لازم اعرض سلبيات وايجابيات

صح





الان ده حال مصر

طب نعمل ايه

اخر حاجه علشان محدش يقول رغايه
كل ماتروح الروح اسمعوا الكليب ده
بسم الله
بها نبدا
شكر خاص لمدونة الاحرار
اجمل واعظم مدونة فلسطينيه

الف شكر
اشكركم

تحياتى


43 التعليقات:

بــــ الخطاب ــن يقول...

أكيد ده شرف ليا انك تقتبسى من كلامى والمدونة كلها تحت أمرك

موضوع هايل جدا فعلا يصحى الروح جوانا من تانى روح التضحية والمعانى الجميلة

جميلة كلماتك جدا

مصرى أنا وبحلم يهون
كل صعب واوصل وأكون
وامحى الألام وامنع عذاب
ويبقى السلام ورا كل باب

تحياتى وأمنياتى ان تتحقق أمانيك من كتابة هذا المقال

noora يقول...

جايدا انا عندي امل ان وقت الجد يصير شباب الجل ...شباب الجد
وانا بهديك انتي ومصر هذا الشعر منقول لكن ما اعرف اسم الشاعر
آه يا غالية ....آه يا غالية آه يا غالية
يا حبيبتي يا بلدي... رايتك برضه عالية
ومتزعليش يا مصر... متزعليش
متزعليش يا مصر...حقك علية
هِنَا قامِت ثورة... حَرَّكِتِ العرب فاتحرَّروا
مدرسين .مهندسين ...ودكاترة راحو وعمَّروا
رسامين .أدباء ..وعُلَمَا.
.في السلام والحرب زُعَما
واللي ناسي كل دا ...دم الشهيد يفكَّرو
مصر من قبل التاريخ.. بتاريخ وهيّه
انكتب عليها تحمي ...الأمة ديه
إحنا أكتر شعب شال المسئولية
إحنا أكتر شعب حارب للقضية
لو هتنسوا..مش هتنسى مصر دورها
جمهورية مصر... تفضل عربية
......................................

يا سِتْ الحبايبْ .



ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .
..................................
دمتي ودامت مصر بخير

عمرو يسرى يقول...

اسف على غيابى اعذرينى
واسف على تاخيرى
موضوع جميل جدا وكلمات رائعه
بس جيل الشل معذور بردوا ما هو اتولد فى عهد انكسار روح اكتوبر مولود فى عهد اهانه كل ماهو جميل عايزاه يتكلم يقول ايه على نصر لم يعيشه ولا يعرف قيمته
تسلم ايداكى على الموضوع الجميل ده

amiralcafe يقول...

انشاء الرب تعيش على حب بلدك مصر لا تنسى يا جايدا ان مصر مثلما تعلمناه في المداس انها بلاد كل العرب ان اول نشيد بعد النشيد التونسي تعلمناه هو *بلادي بلادي ات حبي ومرادي*
جايدا نشكرك على هذا الكلام الجميل ولو الزاء بدل الذاء معليش امسامحيك برشا برشا
رؤوف

Ahmed Mustafa - zema يقول...

اختي جايدا

انا معاك في كل كلمة قولتيها في حب مصر

و لكن لو اخدتي بالك من كلمات الشباب اللي ضارب شعرة جل
هتلاقيه حقيقي

حرب ايه اللي لو واحد من اللي استشهدوا فيها رجع النهارده كان انتحر و مات كافر .. او لم شنطته و راح مسافر .. ولا عمره كان هايحارب

الحرب و الانتصار تبتعه انتكاسة
و اكبر دليل ان الناس بتطلب النهارده عصر الخدوي و الملك
للاسف احنا في استعمار اسوء من اسرائيل
على الاقل اسرائيل كان عدو ظاهر وواضح و وواخد قطعة ارضه حاربنا و رجعناها

لكن النهارده لا احنا عارفين عدو و لا حبيب
الناس كلها بتكره الحكومة من راسها لاخرها .. و هما يقولولك ان احنا اعداء النظام و اعداء الوطن .. طب ازاي هانبقى اعداء مين يعني اعداء نفسنا مثلا

سامحيني اني ممكن اكون عارضت رأيك .. او شوهت التابلوة الفني اللي انتي عامله علشان حرب اكتوبر
بس للاسف دي الحقيقة
مصر مبقتش للمصريين

و ربنا يرحم الشهداء

تقبلي مروري اختي
دمت بخير :)

بــــ الخطاب ــن يقول...

كان لازم أعلق مره تانية . أسف جايدا
لكن فى تعليقات زعلتنى بجد حزنت لما قرأتها الوقت اللى احنا فيه شده بالفعل وصعب جدا زى ما كان قبل الحرب نكسه ووقت ضيق وهم
بس اللى عايزه أقولها ان هيا دى الأوقات اللى بتظهر فيها معادن الرجال بس فى الحياة الصعب الأبطال بيقدروا يكتبوا حكاياتهم بيكتبوها بأعمالهم فى فترة ما قبل الحرب كان هناك شخص يدعا إبراهيم الرفاعى أدعوكم لأن تتعرفوا عليه وعلى قصصه
معلومه عنه على الماشى :- إبراهيم الرفاعى عبر قناة السويس وخط برليف 150 مره ذهاب وعوده قبل عبور 6 أكتبور
( هؤلاء هم الرجال ) وأنا كلى ثقة أن بيننا رجال حقا وستثبت لنا الأيام هذا

شهرزاد يقول...

قولي لي حبيبتي
هو علشان كده احنا قريبين من بعض احنا بنات السبعينات
وانا لبقول دي جايدا بتفكر بعقلي وتحس بقلبي
الارض الي ولدت ابطال الثوره قادره تلد ابطال ثانيين
مش قالوا"مصر ولاده"؟؟؟؟؟

mohamed يقول...

مجهود كبير يعطيك العافية جايدا ... برأيي كل انتصارات العرب على اسرائيل كانت انتصارات وهمية .

همسات وبحــ الحياه ــر يقول...

جودى حبيبه قلب توتى
عامله ايه
واحشانى كتييييير
انااسفه على تقصيرى معاكى
كلامك جميل
بس شباب البومين دول اللى اتكلمتى عليهم الاثر دا يرجع لتدهور الثقافه
قول للزمان ارجع يازمان الزمان عمره مابيرجع
:)

فتاه من الصعيد يقول...

كل سنه وكل مصر طيبه

يوم الكرامه فعلا

تحياتي

محمود(باحث عن حب) يقول...

السلام عليكم

جايده
انتى
شاعره مميزة بالفعل
بصى
يا اختى
حرب اكتوبر
لا يعيها الكثيرين رغم ان فترتها مضت منذ فتره وجيزه بالنسبه للانتصاراتنا كمسلمين فى غزوات النبى صلى الله عليه وسلم
احباعلق على حاجه
شبابنا اللى ميعرفوش حاجه عن 1973 يبقوا فعلا ميستهلوش انهم يكون خير اجناد الارض
اتربوا على الجل فى الشعر وهيفا وغيره
طبعا مع اللى بنشوفه من الطوارىء والظلم واللى بنسمعه فى برامج التوك شو
زى الشاب اللى بيقول فى البوست عندك
مليش فى الحوارات دى ومليش فى السياسه
هو مش عارف يفرق بين الساياسه والحرب

امتى هنفوق بجد
ونشيل الاتب اللى على ضهرنا
شكرا ليكى بكملامك الجميل
انتى مش رغايه انتى بتتكلمى عن ملحمه قليل اللى يفهمها
شبابنا عاوزين اعاده تأهيل من جديد
بارك الله لكى

السُـلطانة يقول...

السلام عليكم ورحمة الله وبركاته ..

وما أجمله من يوم .. اللهم أجعل أيامنا كلها أيام عز وكرامة اللهم آمين

جزاك الله خير الجازء أختي في الله

الحب الجميل يقول...

كل سنة وانتى طيبه والشعب المصرى الطيب بخير
يوم النصر والتحرر
دمتى بخير يا جايدا

كلمات من نور يقول...

ياه يا جيدا لسه حالا كنت باعدل صورة أعلم ولادي حنيني لبلادي و أكتب في كراسي بحبك يا مصر وحطيتها على موبايلي وبحطها عالفيس بوك علشان أقول يارب نصر آت يا رب............ادعي معانا يارب انصرنا ووفق شبابنا لما تحب وترضى

Tears يقول...

يا ترى احنا دلوقتى مش محتلين؟

اتمنى يكون الاسرائليين خرجوا فعلا من سينا و ان لا يكونوا منتشرين بعملائهم فى كل مكان و اعلى المناصب

ادم المصرى يقول...

والله انا كان نفسى اشيد بانتصرات مصر عشان فى ناس بتقول ان دى انتصارات وهميه لا مش وهميه ومصر لما بتخش فى شيئ ذى الحرب مش بتخش بأسم العرب بتخش بأسم مصر والاسلام والتاريخ يشهد من قبل التطار الى انتهت صحوتهم على ايدى المصريين وقطص رحمه الله وصلاح الدين ملك مصر تاريخ مصر محدش يقدر يشكك فيه دا شعبها محفوظ الى يوم الدين خير جنود الارد وهم فى رباط الى يوم الدين وهذا كلام سيد الخلق ص اكيد مفيش اى جدال على انتصرات مصر وشجاعت فرسان مصر

علاء المصرى كل يوم يقول...

السلام عليكم
الأخت جايدا

((( على فين )))

على فين وخدانى يا أمى وشدانى
ماانا كنت فى أيدك كل أيام الغلب وسحبانى
قولتيلى عدينى على البر التانى
عديتك وعبرتى ورحرحتى وسبتينى ع الشط مكانى
حلمت بأن الصبر فى حضنك جبال تتعدى بكل سهولة
ومكنتش أعرف أن الأرض بتعتك مبلولة
الخطوة تلبخ وتعلم فى وشوشنا المدهونة ببويا
وأن قلت بحبك يبقى كلام علمهولى أبويا

شكرا لموضوعك
دمتى بخير حال

جايدا العزيزي يقول...

بــــ الخطاب ــن

انا اللى ذانى شرف اخى الكريم

واسفه على التاخير فى الرد لظروف خاصه

اما بخصوص التعليق التانى فالمدونه مدونتك

ولتعلم اخى اننى ممهمااغضبنى التعليق

لا ارد ربما اتحاور ولكنى احترم وجهه نظر الاخرين

انا اتوق للحوار الهادف البناء

ولكنى اردد الاختلاف فى الرائ لا يفسد للود قضيه

سعيدة بردك المقنع لاننى اؤئيدة

واصدق رسول الله فى قوله ان رجال مصر غير اجناد الارض

ربما كما ذكرت بيننا رجال والايام كفيله باثبات ذلك

ربما ينتظروا الفرصه

اشكرك

تحياتى

جايدا العزيزي يقول...

نورا

اهلا حبيبتى انا ايضا اتفق معك كثيرا

وحلووووووووووة اوى ابيت الشعر رائعه

تسلمى ياقلبى

واى خدمه انتى بس تأمرينى

تحياتى

خواطري مع الحياة يقول...

السلام عليكم
اسفة على تاخيري عليكي
كل سنة وانتصارات مصر بالف خير
كلامك بيجذب القارئ رغم طوله
ربنا يوفقك ويحفظ مصر من الاعداء
سلامي

جايدا العزيزي يقول...

عمرو يسرى

حمدالله على سلامتك اخى

واهلا بك المدونه مدونتك

وطبعا اناعازرة شباب الجيل

بس اغلب وقته على الفيس بوك والشات

مين هيعرفوا مجد وانتصارات وطنه

اذا لم يبحث عنها لكى يعرف

واسالك انا لم اعاصرالحرب

ولا عصر ما قبل الثورة

من علمنى عمرو انا افكر اذا انا موجود

ماذا لو اتبع تلك الحكمه وعمل بها
يجب ان نعرف سلبيتنا لكى نجد الدواء

اشكرك

تحياتى

جايدا العزيزي يقول...

amiralcafe

اخى الفاضل رؤف

بارك الله فى تونس الخضراء

واتمنى ان تكون جميع الدول العربيه مثل تونس

فى عراقتها وحبهالارض الكنانه

اعلم ان كثير من الدول العربيه تعتز بمصر

امابخصوص الحروف

عادىاخى بس انا قلت ارطب الجو شويه

وبعدين مش انت اول انسان يلاحظ لو قريت

مواضيعى السابقه ستجد اكثر الاخوه معلقين

على نفس الحروف

وده طبعا يسعدنى لما الاقى اخواتى بيلفتو نظرى

لكى اسمو بكلاماتى انا كنت بضحك والله العظيم

اشكرك

تحياتى

جايدا العزيزي يقول...

Ahmed Mustafa - zema


اختي جايدا

انا معاك في كل كلمة قولتيها في حب مصر

-------- ده شعور نبيل منك اخى

اعتفد انه شعور كل مصرى مخلص لبلدة

حتى شباب الجيل عندهم نفس الشعور

و لكن لو اخدتي بالك من كلمات الشباب اللي ضارب شعرة جل
هتلاقيه حقيقي

انا بتكلم هنا عن يوم العبور اخى
اما بعد العبور ده موضوع اخر

حرب ايه اللي لو واحد من اللي استشهدوا فيها رجع النهارده كان انتحر و مات كافر .. او لم شنطته و راح مسافر .. ولا عمره كان هايحارب

النهارده جايز معاك حق

بس احنا بنتكلم فى يوم العبور

دائما توق لحواراتك المفيده

الحرب و الانتصار تبتعه انتكاسة
و اكبر دليل ان الناس بتطلب النهارده عصر الخدوي و الملك

احمد اعتقد انى قارئه جيدة واعلم سبب قيام الثورة

ايضا بعد الثورة كان هناك ذل للشعب المصرى

واسالك من الذى خطط للثورة لا تقنعنى بانه جمال

انه محمد نجيب عبارات ذكرها التاريخ عنه

اين هو الان وكيف نفت اسرته وطبعا انت اعلم منى

ان الحصاد الاكبر من الثورة ذهب للظباط الاحرار

ورموا للشعب بالفتات والمعتقلات التى فتحتابوابها

على مصراعيها اقرا كتاب مصطفىامين خمس سنوات فى السجن لكى تعلم من الذى امر بسجنه ولماذا
للاسف احنا في استعمار اسوء من اسرائيل
على الاقل اسرائيل كان عدو ظاهر وواضح و وواخد قطعة ارضه حاربنا و رجعناها

اجل نحن فى استعمار من عصر الفراعنه

ولكنى هنا اذكر طرد الاحتلال

وفضل رجال مصر فى هزيمتهم وطردهم شر طرده

لكن النهارده لا احنا عارفين عدو و لا حبيب
الناس كلها بتكره الحكومة من راسها لاخرها .. و هما يقولولك ان احنا اعداء النظام و اعداء الوطن .. طب ازاي هانبقى اعداء مين يعني اعداء نفسنا مثلا

طبعا اعلم كل ذلك

ولكن اعذرنى الايحق لى ان اشكر رجال مصر البواسل

فى طرد عدو اجنبى من بلدنا

البلد لن تحتمل اخى استعمار اجنبى واستعمار داخلى

سامحيني اني ممكن اكون عارضت رأيك .. او شوهت التابلوة الفني اللي انتي عامله علشان حرب اكتوبر
بس للاسف دي الحقيقة
مصر مبقتش للمصريين

اختلف معك مصر للمصرين اللى عندهم وطنيه وعزيمه

المصرى اللى ما يقبلش الذل حتى من حكومته

و ربنا يرحم الشهداء

عبارتك هذه تكفينى

فى الثناء لكل بطل وشهيد

كان هذا هو سبب نشر الموضوع


وسعيده بحوارك اخى

كن دائما هنا فمهما اختلفت اراؤنا

نسموا معا بحوارتناالى الافضل
تقبلي مروري اختي
دمت بخير :)

اشكرك

تحياتى

جايدا العزيزي يقول...

شهر زاد

طبعا ياقلبى

احنا اقرب اختين

جميل انك تلاقى انسانه بتحسك

بارب يسمع منك

وتكون ايامنا كلها انتصارات

اشكرك

تحياتى

جايدا العزيزي يقول...

mohamed


اخى محمد اولا اشكرك على الثناء


ثانياانت تعرف انى احترمك جدا واعتز بوجهه نظرك

بس يعنى ايه


برأيي كل انتصارات العرب على اسرائيل كانت انتصارات وهمية .

ارجو التوضيع لان انتصار اكتوبر لم يكن من الانتصارات الوهميه مطلقا

وههذا ليس رائى وحدى

ارجو شرح وجهه نظرك

تحياتى

جايدا العزيزي يقول...

همسات وبحــ الحياه ــر

انتى وحشانى اكتر ياقلبى

يااااااااه اخيرا نورتى المدونه

انا معاكى كل اللى وصلنا فيه هو بسبب تدهور الثقافه

وذكرت ده فى احد التعليقات السابقه

بس ممكن الزمان يرجع

لو اجتهدنا ورجعنا ثقافتنا

وربينا الاجيال الجايه صح

اشكرك

تحياتى

جايدا العزيزي يقول...

فتاه من الصعيد

وانت طيبه وبخير ياقلبى

معاكى حق

اشكرك

تحياتى

جايدا العزيزي يقول...

محمود((باحث عن حب))


السلام عليكم

جايده
انتى
شاعره مميزة بالفعل

ربنا يبارك فيك
بصى
يا اختى
حرب اكتوبر
لا يعيها الكثيرين رغم ان فترتها مضت منذ فتره وجيزه بالنسبه للانتصاراتنا كمسلمين فى غزوات النبى صلى الله عليه وسلم

------عليه الصلاة والسلام طبعا معاك حق اخى
احباعلق على حاجه
شبابنا اللى ميعرفوش حاجه عن 1973 يبقوا فعلا ميستهلوش انهم يكون خير اجناد الارض

اناايضا اعزرهم اخى لتدهور الثقافه

ربما لو تحملوا المسؤليه

اثبتوا انهم يستحقون اللقب
اتربوا على الجل فى الشعر وهيفا وغيره
طبعا مع اللى بنشوفه من الطوارىء والظلم واللى بنسمعه فى برامج التوك شو
زى الشاب اللى بيقول فى البوست عندك
مليش فى الحوارات دى ومليش فى السياسه
هو مش عارف يفرق بين الساياسه والحرب


عندك حق الظلم احيانا يؤدى الى الجهل والامبالاه

ربنا يهديهم

ووقتها هيقدروا يفرقوا بين الحرب وانتصارتها واعاده الكرامه لمصر والمصريين

وبين السياسه
امتى هنفوق بجد
ونشيل الاتب اللى على ضهرنا

لما نتحاور ونثقف انفسنا واولادنا

ونزرع المبادء والقيم والاخلاق فى نفوسهم وارواحهم
شكرا ليكى بكملامك الجميل

الله يخليك ويبارك فيك يارب
انتى مش رغايه انتى بتتكلمى عن ملحمه قليل اللى يفهمها

والله ده كان قصدى ماكنتش اتصور كم الهجوم ده

الناس مابقتش تفرق بين حق ابطالنا فى النصر وبين ظلم وفساد الحكومه
شبابنا عاوزين اعاده تأهيل من جديد

هو ده مربط الفرس
بارك الله لكى

ولك اخى الكريم

اشكرك

تحياتى

جايدا العزيزي يقول...

السلطانه

وعليكم السلام ورحمة الله وبركاته اختى

نعم انه يوم يستحق الاحتفال

اشكرك

تحياتى

جايدا العزيزي يقول...

الحب الجميل

وانتى طيبه ياقلبى

وكل الشعب المصرى طيب وبخير

اشكرك

تحياتى

جايدا العزيزي يقول...

كلمات من نور

القلوب عند بعضها ياقلبى

واعتقد ان دى هى البدايه

هى ان ننمى فى نفوسهم حب الوطن

ربنا يبارك فيكى

ويخليهم يارب

اشكرك

تحياتى

جايدا العزيزي يقول...

Tearz
وحشانى ياقلبى

ودايما تروقنى حواراتك الرائعه

وعايزة اقولك انا بتكلم عن نصر اكتوبر

وعن بسالة ابطالنا فى خلال العبور

ما ذكرتش الحكومه ولا الفساد الان

اما اسرائيل

فاعتقد انها خرجت بالفعل

اما وجودها فى سيناء لا يتعدى السياحه

اهناك اسرائيلى الان على ارض مصر

ذبح طفل كالشاه

اهناك مذابح حدثت كبحر البقر قريبا

اهناك من قال بكل ثقه انها ارضنا

كما كانوا يرددوا قبل الحرب

اهناك منهم من اعلن على الملاء ان جدوده من بنوا الاهرامات

اختى الوضع اختلف

اشكرك

تحياتى

جايدا العزيزي يقول...

ادم المصرى

والله انا كان نفسى اشيد بانتصرات مصر عشان فى ناس بتقول ان دى انتصارات وهميه لا مش وهميه ومصر لما بتخش فى شيئ ذى الحرب مش بتخش بأسم العرب بتخش بأسم مصر والاسلام والتاريخ يشهد من قبل التطار الى انتهت صحوتهم على ايدى المصريين وقطص رحمه الله وصلاح الدين ملك مصر تاريخ مصر محدش يقدر يشكك فيه دا شعبها محفوظ الى يوم الدين خير جنود الارد وهم فى رباط الى يوم الدين وهذا كلام سيد الخلق ص اكيد مفيش اى جدال على انتصرات مصر وشجاعت فرسان مصر


وانا اؤئيد كل حرف من حروفك اخى

لم تكن انتصارتنا ابدا انتصارات وهميه

بل حقيقيه بشهادة العالم اجمع

وبشهادة اسرائيل على وجه الخصوص

لانها اندهشت من بسالة رجالنا

وتحطيم خط باليف

ودموع اولدا مائير واستغاثتها خير دليل على ذلك

اشكرك

تحياتى

جايدا العزيزي يقول...

علاء المصرى كل يوم

كم راقتنى تلك الكلمات كثيرا

انا التى تشكرك اخى

تحياتى

جايدا العزيزي يقول...

# خواطري مع الحياة

السلام عليكم

وعليكم السلام ورحمة الله وبركاته
اسفة على تاخيري عليكي

لا ياقلبى معاكى عزرك
كل سنة وانتصارات مصر بالف خير

وانت بخير
كلامك بيجذب القارئ رغم طوله

تلك الكلام بسيط لا يكفى ما بداخلنا تجاه امنا مصر الحبيبه الغاليه
ربنا يوفقك ويحفظ مصر من الاعداء

وامييييييييين ويوفقك اختى
سلامي

تحياتى

سندباد يقول...

لكل امة يوم مشهود لا تنساه حتي اخر الدنيا
ومصر لها ايام مشهودة كثيرة من بداية عين جالوت وحطين وغيرها ومنها بالطبع حرب اكتوبر
وستاتي ايام كثيرة اخري مشهودة لنا وليست علينا انشالله
لقد علقت علي نزف قلمك
دمتي مبدعة

حرّة من البلاد..! يقول...

أختي جايدا
جعل الله نصرنا نصرا حقيقيا مؤزرا ليس فقط من الاحتلال ومن أذناب الاحتلال
دمتي بكل عز وفخار

اقدم عاصمه فى الحب يقول...

السلام عليكم

بنت بلد صحيح
مش كلنا بنحس باللى انتى حسيتى بيه وانتى بتكتبى البوست ده
وبتحاولى تترجمى شعورك نحو بلدك مصر
.
فقليل اوى لما نلاقى اليومين دول حد بيفتخر ببلده مصر
.
ربنا يعدى ايامنا على خير وتبقى بلدنا حره مستقله زى ايام عبد الناصر رحمه الله
.
كان نفسى اتابع كل مواضيعك ولكن مصر زعلانه منى شويه ومخليانى اشتغل ليل نهار ومش بيبقى فيه وقت انى استمتع بالمرور من هنا وعند حبايبى كلهم
عموما ملحوقه
ودى وإحترامى :)

Katkoota xD يقول...

كل سنه و مصر طيبة

مصر ام الدنيا فعلاً

انشاالله يبعد عنها كل شر

تحياتي

جايدا العزيزي يقول...

سندباد

اجل اخى لكل امه يوم مشهود

اشكرك على الزيارة

وعلى تعليقك

نورت المدونه

تحياتى

جايدا العزيزي يقول...

حرة من البلاد

اللهم اميييييييييين

اشكرك

تحياتى

جايدا العزيزي يقول...

اقدم عاصمه فى الحب

اولا اشكرك

ويجب ان نتعلم كيف نحب بلدنا

فى كل الظروف

اشكرك

تحياتى

جايدا العزيزي يقول...

Katkoota xD

وانت بخير

اكيد مصر ام الدنيا

امييييييييين

اشكرك على الزيارة

تحياتى

أضف تعليق

تصميم وتطوير - مدونة الاحرار - 2011.