الثلاثاء، سبتمبر 14، 2010

كلامات اغنية ام كلثوم((أنت عمرى))





رجعوني عنيك لأيامي اللي راحوا

علموني أندم على الماضي وجراحوا

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

قد ايه من عمري قبلك راح وعدّى

يا حبيبي قد ايه من عمري راح

ولا شاف القلب قبلك فرحة واحدة

ولا داق في الدنيا غير طعم الجراح

ابتديت دلوقت بس أحب عمري

ابتديت دلوقت اخاف لا العمر يجري

كل فرحه اشتاقها من قبلك خيالي

التقاها في نور عنيك قلبي وفكري

يا حياة قلبي يا أغلى من حياتي

ليه ما قابلتش هواك يا حبيبي بدري

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

الليالي الحلوه والشوق والمحبة

من زمان والقلب شايلهم عشانك

دوق معايا الحب دوق حبه بحبه

من حنان قلبي اللي طال شوقه لحنانك

هات عنيك تسرح في دنيتهم عنيه

هات ايديك ترتاح للمستهم ايديه

يا حبيبي تعالى وكفاية اللي فاتنا

هو اللي فاتنا يا حبيب الروح شويه

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

يا حبيبي تعالى وكفاية اللي فاتنا

هو اللي فاتنا يا حبيب الروح شويه

اللي شفته قبل ما تشوفك عنيه

عمر ضايع يحسبوه إزاي عليّ

انت عمري اللي ابتدي بنورك صباحه

يا أغلى من أيامي

يا أحلى من أحلامي

خدني لحنانك خدني

من الوجود وابعدني

بعيد بعيد أنا وانت

بعيد بعيد وحدينا

ع الحب تصحى أيامنا

ع الشوق تنام ليالينا

صالحت بيك ايامي

سامحت بيك الزمن

نستني بيك آلامي

ونسيت معاك الشجن

ودعوني عنيك للأيامي اللي راحوا

علموني أندم على الماضي وجراحه

اللي شفته قبل ما تشوفك عنيه

عمر ضايع يحسبوه إزاي عليّ

16 التعليقات:

الــحــــنـــــــــــــــــــين يقول...

رجعتينا لاجمل الاغانى اللى بنحبها عدى عليها سنين بس لسه ليها حنين وخدنا تحياتى ليكى وعايز اقرا حاجه ليكى قريب

جوجو يقول...

السلام عليكم
ازيك ياجايدا
اختيارك دايما جميل
بصراحة اول مرة اعرف الاغنية دى بس كلماتها ومعاناها حلو قوى
تسلمى يارب
تحياتى

yasmina يقول...

هاااااااى ازيك كمان مرة
اكيد دى المدونة الرئيسية ما انا لازم اسيب بصمتى فى كل مدوناتك
وعلى فكرة حلوة اوى مدونة صور ومعانى بجد رائعة

اه على فكرة الاغنية الوحيدة اللى بحبها لام كلثوم هى انت عمرى
بجد جميييييييييلة

تحياتى ليكى دايما
ويبقى التواصل

أتنين حبيبين يقول...

الله رجعتينى لزمن الفن الجميل انت رائعة حبيبتى

بحبك اوووووووووووووى

mrmr يقول...

انا من عشااااااااااااااق الست بموووووووت فيها
هذا هو الطرب الاصيل ياريت كمان نسمعها مش نقرا كلامتها فقط
زوقك جميل فى اختيار الاغانى
تقبلى مرورى وتقبلى صداقتى
ربنا يفرح قلبك
تصبحى على خير

مدونة الاحرار يقول...

اختيار موفق دائما وذوق ورفيع يعطيك العافية جايدا

gogo!sf يقول...

انت عمرى
يا عينى ع الصبر يا سن جايدا

طبعاً تحفه بجد زوقك راقى جدا جدا

ملحوظه

مدونتك بتفتح معايا بعد عذاب يا بنتى والله
والغريب بقى انى لما بفتحها بتهنج الجهاز كله مش عارفه ليه ولازم اعمل محاولات كتير لحد ما ترضى عنى وتسمح لى بالدخول

هو ممكن يكون عيب نت مش عارفه بصراحه
المهم انىها فتحت دلوقتى والحمد لله
كل سنه وانتى طيبه يا قمر
وميرسيه على الاغنيه الجميله

ساسو يقول...

وحشتيني كتير يا جايدا
الاغنيه تجنن
بحبها اخر حاجه
تسلم ايدك
ويسلملنا اختيارك الرقيقه
يا اجمل جايدا

جايدا العزيزي يقول...

الحنين


اشكرك اخى على مرورك

وانا بحاول اخفف عنكم بحجات تانيه

لتكون حاجاتى دمه تقيل

نورت المدونه


تحياتى

جايدا العزيزي يقول...

جوجو

يا خبر ابيض

ازاى اول مرة تعرفى الاغنيه

كده ام كلثوم تزعل منك وتخاصمك


تحياتى

جايدا العزيزي يقول...

ياسمينا

نورتى يا قلبى

كل مدوناتى بترحب بيك

بس كل اغانى كوكب الشرق حلوووووة اووووووووى

اشكرك على الزيارة

تحياتى

جايدا العزيزي يقول...

توتا

انت الاروع غاليتى

شفتى بحبك قد ايه

تحياتى

جايدا العزيزي يقول...

مرمر

انت تامرى يا قمر

اسمعك عن قريب

تحياتى

جايدا العزيزي يقول...

مدونه الحرار

اشكرك اخى على الزيارة العطرة

وعلى كلمات الثناء

تحياتى

جايدا العزيزي يقول...

gogo!sf

زيارتك هى الاروع غاليتى

ومعاك حق انا بعانى منذ ايام مع النت

تقيل والتعليق بيوصل فى ساعه

بس باليل بيبقى سريع

علشان كدة بسهر ارد وانزل مواضيع

برغم ان التهاردة اول يوم مدارس

سهرانه معاكم لانكم وحشتونى

بس انتى مادخلتيش عندى من مدة

خايفه الجهاز يهنج

اه صحيح حاولت اضيف مدونتك للمتابعين عندى

ضفتها بس حاولت المستحيل انها تنزل فى

مدونات صديقه مش راضيه ليه

زعلانه منى ولا ايه

تحياتى

جايدا العزيزي يقول...

ساسو

اشكرك ياقلبى على رقتك

وانت اكتر وحشانى اوووووووى

بس النت كتير بيعاندنى

ارجو معزرتى


تحياتى

أضف تعليق

تصميم وتطوير - مدونة الاحرار - 2011.