الاثنين، سبتمبر 13، 2010

تحيه الى شباب مصرناالحبيبه




تحيه الى شباب مصرنا الحبيبه


فى البدايه اعذرونى اذا كانت هناك اخطاء املائيه او عدم ترتيب لرؤيتى


فى عيد الفطرالماضى قررنا انا وزوجى ان نقوم بنزهه لكى يمرح ابنائنا الاعزاء


ولكى يرتاح زوجى من عناء العمل انها عادة عند كل عائله مصريه


وللاسف فى السابق كنت اخرج لمجرد النزهه والاستمتاع فقط
ولا انكر اننى كنت سعيدة لسعادة ابنائى ولكننى فى الفترة الاخيرة


كنت اقرأ كثيرا فساعدنى ذلك على تأمل بعض الاشياء واحيانا


كنت احللها افسرها وربما نضج عقلى فكريا فاصبحت أرى الامور


اوضح واعمق


ولنعود لموضوعنا كنت اتابع ابنائى وهم فى غاية السعادة فوق الالعاب
المختلفه وفجأة لفت انتباهى شباب رائع فى مقتبل العمراقل ما استطيع


وصفهم به هوانهم روح مصرنا الحبيبه


وتسألت وانا اخاطب نفسى وكلى حماس اليس اليوم هو عيد الفطر


فلماذا لا اراهم يحتفلون ويمرحون انهم يجلسون امام الالعاب باخلاص


كما يجلس الجندى الباسل امام مدفعه اجل انهم ابطال مناضلون احرار


يحترقون كالشموع من اجل ان يكون طريقنا منيرا


ذاك والله ما دار فى نفس واحسه قلبى وطربت له روحى


ولما املك سوى نظرات الاحترام والحب النابع من اعمافى


لهم وتمنيت ان يتخذهم اولادى قدوة ومثل اعلى لهم لانهم شباب المسئوليه


وتذكرت عبارة شهيرة لهيروديت قال فيها النيل هبة مصر فقلت هؤلاء


الشباب ايضا هبة مصر
بغض النظرمن انهم لجأءو الى العمل فى العيد

لظروف اجتماعيه او لاى سبب اخر لاننا نجد ايضا فى الاعياد الطبيب

والظابط والسائق والفران والتاجر الخ نجدهم يعملون بجد واخلاص

فتحيه الى شباب ورجال مصرنا العظماء

وانا ما زلت فى تأملى مر من امامى قله من الشباب اسفه لم اجد لهم

اسم مناسب وربما وجدت ولكنى فضلت ان اترك لكم اختيار اسم

تستطيعون من خلاله وصفهم به انهم كما رائيت شباب يلبسون الجنس

المحزق والبادى القصيروالذى يرينا الجزء السفلى من اجسادهم

ودة طبعا لو سالناهم هيقولو اخر موضه

وبصراحه اللى فرسنى الشعر الطويل والجل واللبانه ولا الضحك

والصوت الناعم وقولت سابو ايه للبنات ده حتى البنات المحترمه

مستحيل يعملو كدة زمن اخر عجب



ولاحظت اننى لم اكن الوحيدة الذى لفت انتباهى هؤلاء الشباب المستهتر

فقد كان الجميع ينظر اليهم نظرات اشمئزاز ورفض

وفى تلك اللحظه سألنى زوجى هل هؤلاء الشباب هم امل مصرنا الحبيبه

فأبتسمت واجبت انك محق ولكنهم رغم ذلك قله

اذا نظرت لا تنظر الى نصف الكوب الفارغ واشرت بيدى الى شباب

مصرنا الحبيبه وقلت له انظرامامك الم يلفت انتباهك شئ اخر

سألنى اى شئ اجبته هؤلاء الشباب الا تراهم يعملون بجد واخلاص

انهم احق بان تسلط كل الاضواء عليهم واذا كنا نتمنى ان نرى منظر

فنى جميل فلن نرى اجمل ولا اروع منهم

اليس هم من قال عنهم رسولنا الكريم خير جنود الارض

تحيه منى اليهم


وبحبك يا مصر


من تأملاتى

تحياتى

15 التعليقات:

Rayk Cool يقول...

اجدع تحية لجنود مصر ^^
تحية عطرة مني ليكي
و ابقي شقري عليا في مدونتي رايق كول ^^ لحسن ازعل
ههههههههه سلام يا جميل

داليـ ـ ـ ـ ـ ـ ــــا يقول...

ردك عليا فى تعليق بوست يهمك فى ايه
بتقوليلى انا كان قصدى الدعوه فى بوست يامن ارضيت عنى الله
انا كنت موجوده ولبيت الدعوه على بوست يامن ارضيت عنى الله
بس انتى ناسيه ياست الكل روحى شوفينى بين التعليقات وانتى تلاقينى
انا اصلا مقدرشى افوتلك بوست الا اذا كان خارج عن ارادتى
اقرء بقه البوست ده وارجعلك

داليـ ـ ـ ـ ـ ـ ــــا يقول...

فى كل بقاع العالم فى الحلو وفى الوحش
زى ما شفتى بالظبط
صوابعك مش زى بعضها
فى الشباب اللى شايل المسئوليه
وفى بردوا الشباب المستهتر

ربنا يبارك فى الشباب الا شايل المسئوليه
ويهدى الشباب المستهتر

وزى ما قلتى بالظبط فى وظايف وشغل مينفعش انها تاخد راحه فى ايام الاعياد والمناسبات

موضوع جميل
بحيكى على لفت النظر الجامد ده
وكمان بحيكى على نظرتك للمكان بكل ما فيه

تحياتى ياست جايده ياجميله

Noha Saleh يقول...

انا بشوفهم سهرانين باليل بيشتغلوا فى كل ايام السنة
بيتحرموا من العيد ولمة الاهل علشان شغلهم
وفيهم اللى متغرب كمان
كل سنة وانتى طيبة

noora يقول...

جايدا النوعين هذه تشوفيها في كل مجتمع والحمدلله في مجتماعاتنا الصالح اكثر من الطالح وعلى فكرة اللي لابسين الجينز وشعرهم طويل اكيد فيهم خير ولكن حبوا يقلدوا ويغيروا مضهرهم من الخارج بس اكيد من الداخل التربية الطيبة بتاثر فيهم والأصيل يضل اصيل حتى لو لبس جينز ^_^
على فكرة انا مابدافع عنهم واتضايق لما بشوفهم بس بدعيلهم واكيد مالقيو التوجيه الصحيح

أتنين حبيبين يقول...

بضم صوتى لصوتك يا قلبى واحلى تحيه ليهم وليكى

وحشششششششششششششتينى

جايدا العزيزي يقول...

الاخ رايق

اسعدنى مرورك

واشكرك

تحياتى

جايدا العزيزي يقول...

داليا

والنبى ما تزعلى منى يا قلبى

البيت والاولاد

والخواطر ومدونه نبض الحرف

وصور ومعانى لازم اسجل اسم كل حاجه انزلها

وكمان اشعارى اللى بكتبها

انا عارفه قلبك ابيض وبيسامح


شوفتى بدور عليك

وحشانى

وبشكرك من قلبى على المتابعه


تحياتى

جايدا العزيزي يقول...

Noha Saleh

عندك حق ياقلبى

ربنا معاهم لانهم شباببيقدر المسؤليه

نورتى يا قمر

اشكرك

تحياتى

جايدا العزيزي يقول...

noora

انا عارفه يا قلبى انها ظاهرة موجودة

فى كل الدول العربيه والغربيه بس حبيت


القى عليها الاضواء

نورتينى

تحياتى

جايدا العزيزي يقول...

توتا

غبتى يومين كانهم سنين

وحشانى ياقلبى

وحمدالله على السلامه

وكفايه غياب

تحياتى

كلمات من نور يقول...

بأضم صوتي لصوتك و أحيي أمثال هؤلاء الشباب في كل مكان يا جايدا العزيزة

أحمد شريف يقول...

بارك الله بك وفيك

هذه تدوينة سابقة لي عنوانها : هل حقاً مفترى عليهم ؟!!
http://ahmedsherif-eg.blogspot.com/2010/07/blog-post_20.html
تتوافق مع رؤيتك هنا تقريباً

جايدا العزيزي يقول...

كلمات من نور

وانا بشكرك ياقلبى

لانك دايما منورانى

تحياتى

جايدا العزيزي يقول...

الاخ احمد شريف

اشكرك على الزيارة

وقد قمت بزيارة مدونتك انها حقا رائعه

تحياتى

أضف تعليق

تصميم وتطوير - مدونة الاحرار - 2011.