الجمعة، سبتمبر 03، 2010

سمك لبن تمر هندى



اول الاسبوع بعد الفطور حسيت بتعب جامد

جيت على نفسى وقولت انزل كام موضوع على مدونه نبض الحرف

حلم من احلامى اجمع كل اعمال شعرائنا العظماء والحمدلله قدرت ونزلت


ورحت على السرير لوحدى اتألم وبصراحه اشهدت

منذ سنوات كان عندى احساس اننى لن اموت الا اذا تعديت الخمسين


اما الان فانا انتظر الموت مهما طال العمر او قصر


انه اجل وما احلى انتظار الاجل


ورغم الالم ظللت افكر انا لم اتم مدونتى بعد


انا لم يتخرج اولادى بعد


انا انتظر ظهور اول كلامات كتبتها وسوف تنزل الى الاسواق قريبا


ولم اذهب بعد لدار النشر التى ستقوم بنشر اول كتاب لى


من سيقرأ قصائدى التى كتبتها


وتسألت من غاضب منى ومن اتعسته ومن ظلمته


اما من ظلمنى او اغضبنى او قسا يوما عليا فانا اسامحه


وهنا ادركت ان الموت لم يأتى بعد


فلو اتى لنسيت العالم واولادى وتزكرت ربى


وجاء زوجى من عمله واحس بمرضى فهو يعلم انى لا اشتكى


الا اذا تمكن منى المرض وحاول اخذى للطبيب فرفضت


فاحضر لى بعد المسكنات واخبرنى ان ارتاح وانه سوف يقوم بتحضير السحور


ونمت وحين صحوت حمدت ربى وعلمت انهم لم يتسحروا بدونى


وان اخواتى جاءوا ليسالوا عنى ولكنى لم اشعر بشئ


عظيم هو زوجى وجميل التعاون والحب



كان اليوم التالى عندى عزومه كبيرة


اخت زوجى واولادها

وكان زوجى يعلم انى ماذلت مريضه فقرر ان تكون العزومه فى احدى الحدائق العامه


وان يكون الاكل تيك واى ذهبنا واشترينا الطعام والعصائر


ثم مررنا على اخته واخذناها فى السيارة معنا الى الحديقه


فطرنا وعدنا لكى نجهز سبوع بنت اخويا

بعد تجهيز السبوع قلت فاضل يومين على السبوع

ادخل اشوف ايه اخبار مدونتى


وشفت على لوحه التحكم كلمه احصائيات

قلت ادخل اشوف ايه دى ودخلت ايه دة


كل دى دول دخلالى وكل دى متصفحات


ياحلاوة ياولاد انا كنت فاكرة عدد الزوار هو اللى بيرد عليا


لكن لقيت الاف الجمهور داخلى من امريكا وانجلترا وكنداء وفرنسا


والنمسا وحتى الصين ده غير الدول العربيه جميعا

والمتصفحات اول مرة اعرف ان فيه اوبرا وشارم وكتير غيرهم


انا كنت بتوه بين فاير فوكس واكسبرور


ده انا اول ما جه النت عندى من كام سنه قعدت اسابيع علشان احمل فيلم رعب وما عرفتش


وجه اخويا وابنى قالولى مش كنتى عايزة تنشرى اشعارك وقصايدك انشرى


واشتركلى على منتدى مصرى وكان المنتدى عدد اعضاءة يتعدوا على صوابع الايد


ورغم كدة كنت بكتب وانزل اشعارى وكل يوم الاقى فى الزوار جوجل بوت واكسبلور


افرح اووووووى واقول اكيد هيردوا عليا واستنا وفى الاخر يخرجوا زى ما دخلوا


كنت فكراهم اعضاء والله العظيم ولما اكتشفت انهم مجرد متصفحات مت على نفسى من الضحك


اه والنعمه وكان ابنى واخويا بيحاولوا يعلمونى وانا برفض اتعلم مش بحب اتعب حد معايا


ومرة اخويا رجع من الشغل لقانى مفطورة من العياط كأن ميت لى ميت


سألنى فيه ايه اهدى شويه وكلمينى


قولت له فكرت فى فكرة جديدة لانج انا اول واحدة تفكر فيها سألنى ايه الفكرة


قولتله هجمع اشعار نزار من الكتب اللى عندى واكتبها


واانزلها قالى طب ايه المشكله


قولت له طول اليوم بكتب قصيدة يوميات من دفتر النكسه وفى اخر كلمه النور قطع


قلت عادى هكتبها تانى كتبتها قالى كويس قولتله لا مش كويس


لان ابنى قفل الكمبيوتر سألنى سيفتيها قولتله يعنى ايه


قالى لا ولا حاجه ورينى كتبتيها فين


فتحتله صفحه الرسايل على المنتدى وقولتله هنا قالى الله حرام عليكى


فيه حاجه اسمها كوبى وبست وعلمنى وادبا ليا اتعلمت وبطلت عناد


لانى قعدت سنه امسك كتب اغانى ام كلثوم وميادة واكتبها من الكتب


وقال ايه بعمل عمل عظيم


المهم رحنا انا واختى السوق نشترى الخضار وقعدت ساعه انقى 5 كيلو خيار


وفضل البياع يبصلى باستغراب وقال من اول ما تولدت ما شفتش واحدة بتنقى زيك خيار


ردت اختى امانى وقالتله ياعم اللى انت بتكلمها دى بيدخلها ناس من امريكا وكندا وفلسطين


ابتسمت وقولتلها ما تنسيبش ولا ال .......


حقيقى ما فكرتش ادخل اشوف بيكتبوا عنا ايه


لكن الاهم هما مصريين يدخلوا عندنا ليه

اكيد بيشوفوا بنفكر فى ايه بنتكلم فى ايه

وليه بيدخلوا مدونتى صور ومعانى دى دينيه


ده دخلنها هما وامريكا وفرنسا اكتر من الدول العربيه


طب ونبض الحرف اعدادهم مئات واكتر الاحصئات لدول غربيه


معقول امريكا واسرائيل بيزوروا دنا وتارخنا وشعرائنا


حتى تفكرنا مش سايبنا فى حالنا


مش كفايه عليهم احتلال بلادنا وقتل اولادنا واحلامنا





أمبارح كان سبوع بنت اخويا عبدة ((هنا)) اصغر اخواتى

كان يوم جميل الكل كان فرحان ورغم العدد الكبير والزحمه والحر

كان الكل بيرقص فرحان على انغام شخبط شخبيط

وبوس الواو ويارب ياربنا












وخلص السبوع وبعد السحور جه عليا الدور

فى ترتيب البيت وفضلت للفجر

ارتب واروق

لحد ما هلكت وقلت لماما ياماما تعبت


قالت لسه بكرة الكحك والبسكوت والغريبه والبيتفور


قلت لا ياماما دى بقت موضه قديمه


تعب وبهدله وسهر نشترى جاهز


قالت ازاى لازم العيال تفرح

هو العيد يبقى عيد الا لما العيال تفرح


قولت امرى لله امانى موجودة وزوجات اخواتى والعيله متجمعه


بس شقاوة الاولا والبنات لما يتجمعوا يجيبوا صداع


مش مهم ناخد كام حباية بندول المهم يفرحوا


زمان كان العيد عندى ليه الف فرحه

فاكرة كنت بحضن فستانى وحذائى لحد الصبح


وكانوا النهاردة العيد بقى ليه الايام دى الف شكل ولون


فيس بوك وشات لحد الصبح وباقى اليوم نوم فى نوم


وبمناسبة الفيس بوك جتلى كام دعوة بالصداقه طب ازاى وانا مش مشتركه


وقلت اشترك وشجعنى زوجى ماانا عندى مدونه ولازم اكسب اصدقاء لمدونتى ومتابعين


واشتركت وزى ما اشتركت خرجت


ايه دة كل دول اصدقاء ممكن اعرفهم من مدرستى عام 1990 ياخبر


وناس كانت مضافه عندى على الاميل وجيرانى


عالم تانى حقيقى ما عجبنيش اصل انا فى التعارف ماليش


انا كدة كويسه من غير فيس بوك

يعنى كدة انا فيه زى قلتها







عايزة اقول لكل المدونين


كل عام والجميع بخير


يارب تقبل منكم ومنى


وعفا عنكم وعنى

وبلغكم ليله القدر

وعيد سعيد لكل المصريين والعرب

عيد سعيد امنا فلسطين

24 التعليقات:

مدونة الاحرار يقول...

حمد لله على سلامتك جايدا وان شاء الله تكوني مرتاحة وما يصيبك اي مكروه ...

الحياة مدرسة كبيرة بنتعلم فيها محدش فينا اتولد متعلم كلنا كنا كده وكل واحد فينا اختار طريق معينة وكلُ حسب طموحه .

كل عام وانتي بخير وكل عام واماني بخير ....

ومرة اخرى حمد لله على سلامتك .. داعيا لك بالصحة والعافية ورمضان كريم..

غير معرف يقول...

أولا حمد لله على سلامتك يا قمر
الف لا بأس عليكى
كلنا على حافة الموت ولا نعلم متى وكيف
ربنا يجعلنا من أهل الجنه
ثانيا مبروك المولود الجديد
يتربى على الخير ان شاء الله
وكل سنة وانتى بصحة وسلامه
وعيد سعيد عليكى وعلى الأسرة الكريمه
دمتى بخير

Hamada Muhamed يقول...

السلام عليكم ورحمة الله وبركاته
الف الف حمدلله على السلامة اختى الغاليه . ومبروك المولد الجديد . و كل سنة و انت بخير و صحة وسعادة يا رب .
دمتى فى خير

Unknown يقول...

موضوع اكثر من رائع على سجيته
جميل ان يتحدث الشخص من داخل اعماقه
ان يتحدث بلا خجل عن من وقفوا بجانبة الى ان صار علما
ان لا ينكر الجميل لمن ساندوه
ان يتعلم بلا خجل و يحاول بلا خوف بلا ملل يحاول كي يصل
و كم هو شعور سعيد ان تحس باقرب الناس يساندوك
و يساعدوك و ينهضوا بك الى ان تصل الى مرادك
ادام الله عليك نعمه و حفظها من الزوال
ووفقك الله في بيتك و عملك

تقبلي مروري
و كل عام و انت بخير

حسن يقول...

حبيبت قلبى زوجتى العزيزة جايدا العزيزى دة اعظم موضوع لمستة منك جميل جميل واذا انا موقفتش مع زوجتى من هيا شريكت مشوار عمرى فلمن هعيش
ملاحظة كبيرة جدا اجمل شى فى حياتى جايدا وكريم ومحمد وحسام روحى وحياتى فى هذا الدنيا ربنا يخلهملى
يارب لانهم زهرات حياتى تمنوا معى ان ربنا يخليهم لى
تحياتى للجميع حسن الشيخ

داليـ ـ ـ ـ ـ ـ ــــا يقول...

واقسم بالله انك زى العسل
انا مبطلتش ضحك طول مانا بقرء

العنوان بيقول سمك لبن تمرهندى

تمرهندى هنا لو سمحت
ويكون ساقع
ههههههههه

عارفه اقولك حاجه
الفيس بوك مش احلا من المدونه خالص
المدونه دى حاجه تانيه
ده رأى الشخصى
وعن تجربه
انا بموت فى المدونه اكتر من الفيس بوء ده

كل سنه وانتى طيوبه
وعيد سعيد عليكى

الشاعر الفنان أحمد فتحى فؤاد يقول...

جايدا العزيزى

كل سنة و إنتى طيبة و بخير و صحة و سعادة

ألف ألف ألف سلامة عليكى من المرض ... ربنا يحميكى و يخلليكى لزوجك و أولادك

جايدا .. لا تموت نفس بغير أن تستوف رزقها و أجلها ..صدق رسول الله

فلا تخافى أبدا ... و إتركى ما على الله على الله ...

زوجك فعلا راجل جميل ربنا يخلليهولك .. و تحياتى الكبيره له

مبروك السبوع

بوست رائع يا جايدا

تسلم إيدك

دمت بخير

جايدا العزيزي يقول...

مدونة الاحرار

اشكرك على الزيارة


واتفق معك فانا اتعلم يوما بعد يوم


واشكرك لمجهودك معى فى تنزيل القالب


وتنسيق المدونه


وكل عام وانت بخير


تحياتى

جايدا العزيزي يقول...

الحب الجميل

شكرا ياقلبى والله يسلمك


عندك حق

اشكرك


وكل عام وانت بخير


تحياتى

جايدا العزيزي يقول...

الاخ حمادة

الله يسلمك ويبارك فيك

وشكرا على الزيارة


وكل عام وانت بخير

تحياتى

جايدا العزيزي يقول...

zema

عندك حق اخى

لقد قررت ان اكتب

وكتبت بلا تنسيق


لان من وقف بجوارى يستحق ان نشكرة


لكرمه وعطائه


اشكرك على الزيارة


وكل عام وانت بخير

جايدا العزيزي يقول...

حسن

الف شكر على كل ما تقدمه من اجلى


والحمد الله على وجودك معى


انك تهون صعاب الحياة


انت واولادى كل حياتى

اتمنى من الله ان يديم علينا نعمته


نورت المدونه

وكل عام وانت واولادى بخير


تحياتى

جايدا العزيزي يقول...

داليا

اشكرك ياقلبى


والله انت اللى زى العسل


تمر هندى عرقسوس كركديه


كله موجود وساقع بس انت تامرى يا قمر


اما بخصوص الفيس بوك


انا بأيد رائيك ميه فى الميه


المدونه بحبها جدا


اما الفيس بوك لالالالالالالالالالا



كل عام وانت بخير


تحياتى

جايدا العزيزي يقول...

الشاعر الفنان احمد فتحى فؤاد


كل سنه وحضرتك طيب وبخير


والله يسلمك


جايدا .. لا تموت نفس بغير أن تستوف رزقها و أجلها ..صدق رسول الله

اعلم ومؤمنه بالله

فلا تخافى أبدا ... و إتركى ما على الله على الله ...

انى افعل ذلك ولكن ربما الارهاق والتعب

زوجك فعلا راجل جميل ربنا يخلليهولك .. و تحياتى الكبيره له

هو فعلا انسان جميل وقلبه كبير

وربنا يخليه ليا يارب

اشكرك وزوجى يشكرك ويرسل لك تحياته
مبروك السبوع

الله يبارك فيك


اشكرك


تحياتى

راء يقول...

جايدا :)


اول مرة اعرف انك متزوجة وعندك كمان ولد

الف مليون سلامة عليكي اولا قبل اي حاجة
وربنا يخليلك عيلتك كلها

حقيقي لمة العيلة والدفا اللي بنحسه جواها ده بالدنيا ..للأسف ميحسش بيها غير المحروم منها

واقولك سر كمان..انا حاسة حاليا اني عايشة الموت محاوطني ف كل ثانية..عشان كده بطلت اخاف منه
الخوف بس فيما يلي الموت..(الحساب)

على فكرة الفيس ف حد ذاته مش وحش
بيسهل التواصل اكتر من المدونات..يعني مثلا انا بدرس فصعب الاقي وقت اتابع كل المدونات ف كل الموضوعات فبطمن على صحابي وحبايبي من على الفيس واعرف اخبارهم..التدوين ليه متعة اكبر..بس الفيس عملي اكتر واكتر

واخيرا سؤال غلس حبة: ازاي بتنقي الخيار ^_^

سلاماتي وتقديري
رضوى

باحث عن حب يقول...

السلام عليكم
ايه الكلام الجميل ده كله
فضفضه رائعه
الف سلاممه عليكى
ولازم تعكلى البسكويت والبتى فور
احسن من بتاع الافران
مفيش احلى من اللى فى البيت
ربنا بارك فى زوجك يارب
قلما من يقدر الزوجه هذه الايام
يارب كتابك يطلع على خير يارب
ونشوفه كده يارب
كل سنه وانتى طيبه

Unknown يقول...

انتى بجد دمك خفيف اوى و الموضوع حلو اوى والف سلامه عليكى ربنا يشفيكى يارب ويعفو عنك وديما تكون بخير تقبلى مرورى.منه

VÖltaa يقول...

حمدلله على سلامتك

كل سنة وحضرتك طيبة

Noha Saleh يقول...

اولا سلامتك الف سلامة
ومبروك سبوع النونو ربنا يبارك فيها
وكل سنة وانتى طيبة
مدونتك حلوة جدا على فكرة

جايدا العزيزي يقول...

طالبه مقهورة درجه اولى

انا عندى ثلاث ابناء ربنا يخليهم ليا يارب


عندكحق العيلههى الامان والحنان


اشكرك على دعواتك


تحياتى

جايدا العزيزي يقول...

الاخ محمود


عندكحق

اشكرك جدا على الزيارة


تحياتى

جايدا العزيزي يقول...

منه

انت اللى دمك خفيف وروحك حلوة ياقلبى

يخليك ليا يارب


تحياتى

جايدا العزيزي يقول...

VOlta

اشكرك على زيارتك العطرة


تحياتى

جايدا العزيزي يقول...

Noha Saleh

الله يسلمك

وربنا يبارك فيك


والمدونه حلوة بوجودك فيها


تحياتى

أضف تعليق

تصميم وتطوير - مدونة الاحرار - 2011.