الثلاثاء، يناير 12، 2010

يا عينى عليكى يا مصر



يا عينى عليكى يامصر

كل يوم تتغير فيكى وزارة

ونشيل وزير ونحط التانى ولما نشوف الانجازات اللى سيادة معالى الوزير عملها تكون النتيجه صفر

والشعب المصرى طبعا هو الكسبان

ههههههههه

شيلنا وزير فاسد عذب الشعب وجعله فريسه سهله للمرض واالفقر والجوع

وكأن المصريين فئران فى حقل تجارب

ويجى وزير تانى وبعد ان يمص دم الشعب تتكرر المأساة

وطبعا الشعب هو الكسبان الاول

كفايه عليه رغيف العيش

وبعض ما تبقى من فتات السادة الوزراء

ده بعد طبعا ما يتبقى من الكلاب

هو فيه حد يقدر يعترض

واذا اعترض ما هو عارف ان هناك قانون الطوارئ
وزير الخارجيه لسه وزير خارجيه

هى فين الخارجيه
كلنا عارفين ان مصر بقالها فترة من غير خارجيه
فى فيلم بخيت وعديله لما راح عادل امام السفارة ليستعين بالسفير هناك

وجدة فى اجازة هتقولولى ده فيلم ولكنه يجسد الواقع المرير

اين وزير الخارجيه عندما احرق الجزائريون الشركات المصريه والاستسمارات هناك

اين السفراء عندما احتجزوا العاملون منا هناك وحاصروهم وطاردوهم

اين هم حينما قتلوا ابنائنا الذين تركوا ديارهم ورضوا بالغربه

من اجل لقمه العيش وليه
كل اللى بنقدر عليه شويه تصريحات لا تودى ولا تجيب

ولو قلنا ده خارج مصر
حرام نظلم الخارجيه ونحملها فوق طاقتها
اين سيادة مصر على اراضيها

عمرو اديب قال اننا نتخذ قرارات صائبه مليون فى المئه

ولكننا للاسف لا نجيد تسويقها ولا عرضها

حد يقولى لييييييييييه

مش كدة وبس
خبر استيراد مصر للغاز من برة جننى

ازاى نقوم بتجديد عقد بنا وبين اسرائيل بتصدير الغاز المصرى الى اسرائيل

وبعدين بين يوم وليله نستورد الغاز من برة

طبعا مااحنا اهل الكرم وبنطلع اللقمه من بقنا ونديها لغيرنا
ما هما اولاد العم ولا اييييييه

دا المصرى النيل رواه والخير جواه واحيانا بياخد على قفاه عادى يعنى ,,
سيبكوا منى مجنونه
لو بصين للمكسب بنصدر الغاز لاسرائيل بارخص الاسعار
لو بصين للكرم نقول ما يجراش حاجه

لكن نساعد على انارة اسرائيل

وغزة محرومه من الكهرباء باستمرار

لاتجد الغاز حتى لطهو الطعام

لدى صديقه فلسطنيه قالت لى لا استطيع محادثتك غدا لا الكهرباء لدينا مقطوعه

ساعدنا اسرائيل لكى تتحكم فى اشقائنا

ساعدنا اسرائيل على التقدم وربما غدا تتحكم بنا

وعجبى؟

انتشر مرض انفلونزا الخنازير فى مصر

ورغم اثبات وزارة الصحه انها سيطرت على انتشار المرض
ويشكر سيادة معالى وزير الصحه

لانه امر بتوزيع القممات والمعقمات
واتخاذا ما يلزم من احتياطات
الا ان المرض ينتشر بسرعه رهيب فى مصر عن اى دوله اخرى

ليييييييييييييييه

هيقول الوزير عملنا كل ما هو ممكن وانتشار المرض اهمال الشعب

انا واحدة من بين الالاف لم يذهب اولادها الى المدرسه سوى ايام معدودة

ويوم الذهاب الى المدرسه يسالهم المدرسون لما حضروا

يعنى يخلوهم فى بيوتهم اشرفلهم

من الاهمال
وجه وزير التعليم يسرى الجمل

وقرر انه يلف ويدور على المدارس
ودعايه واعلان وتطعيم

شويه نشاط مايضرش
ورغم انى لم اكن اتقبله الا انى فؤجئت
بالقرار حقيقى صعب عليا

كان نظير مجهودة كارت احمر بلا مقدمات ولا حتى كلمه شكر

والمكافأة هى ان ينضم الى طابور العاطلين

صدمه قاسيه جدا
ولى عودة
تحياتى











3 التعليقات:

khalid almuzaiqer يقول...

مرحباً :)
موضوع جميل وحساس في نفس الوقت^_^
أختي العزيزة
الفساد المالي والإداري في كل مكان ولا يكاد يخلو من أي مؤسسة حكومية
سلمت يمناكي على هذا الطرح وأنتي جريئة:)
أرجوا أن تتقبلي مروري المتواضع
وأتمنى بأن لاتحرمينا من زيارتك لعالم الحب
http://www.al7ob1.blogspot.com/

جايدا العزيزي يقول...

عالم الحب


شكرا على تشريفك العطر


وكلامات الثناء


ودعوتك الكريمه لى بزيارة هذا الصرح العظيم


لانى حقا قمت بلزيارة وسعدت بها جدا


واعدك اننى ساكون من المتابعين


تحياتى

شَــــذَا رُوْحٍــــــيُ يقول...

جايدا

صباحك ورد يا قمر

كيفك يارب تطوني بخير

بالتاكيد كلامك صح مية المية

ولكن ما باليد حيلة

يسلم قلمك وقلبك تقبلي مروري

أضف تعليق

تصميم وتطوير - مدونة الاحرار - 2011.